Ala Alɛdi 1 4 - Katɔti Ɔku Kedee

Yuda Kaba Bekyuli

¹ Na Yuda bebi ndi Peres ku Hesron ku Karmi ku Hur ku Sobal.

² Na Sobal ubidi Reaia ɔ́wɔ Yahat. Na Yahat ɔ́wɔ Ahumai ku Lahad. Na bamɛni ndi Soraƒuɔ kaba bebi.

³ Na bamɛni ndi Etam bebi, Yesreel ku Yisma ku Yidbas na bana ɔnwani ulekubi baalɔ banii Haslelponi.

⁴ Na Penuel ɔti ndi Gedor. Na Eser ɔti ndi Husa. Bamɛni ndi Hur bebi Eƒrata ubi udeedi ɔni ndi Betlehem ɔti.

⁵ Na Aser ɔni ndi Tekoa ɔti úti beleku inyɔ. Na ama ndi Hela ku Naara.

⁶ Na Naara ɔ́wɔ Ahusam ku Heƒer ku Temeni ku Ahastari. Na bamɛni ndi Naara bebi.

⁷ Na Hela bebi ndi, Seret ku Yesohar ku Etnan

⁸ ku Kos ɔni ndi Ahus ku Hasobeba ɔti ku Harum ubidi Aharhel adua bekyuli.

⁹ Yabes lɛlɔ libo ɔbu litulo nwuna banwani. Na uni ɔ́sia-nwu lɛnyi ɔnii Yabes ɔ́tina ka únu ɔlɛ geen na nwuna kɔwɔ kemmo.

¹⁰ Mmɔ na Yabes ɔ́kpali Israel Katɔti ɔnii, “O Unwoti, te-mi kusɛ kusɛ na aya na mina lɛmii lɛbɛbɛ lisie kama libu na ƒula kɔnu kɔsia-mi lɛlɔ. Na edie-mi na ɔgbankpi kemmo kalɛ na likpidi lɛdi lilékpoku-mi na menu ɔlɛ ɔdi.” Na Katɔti ɔ́bla nwuna lɛyɔla úte-nwu.

¹¹ Na Kelub ɔni ndi Suha ɔnwani ɔnanabi ɔ́wɔ Mehiri ɔni náwɔ Eston.

¹² Na Eston ɔ́wɔ Bet-Raƒa ku Pasea ku Tehina ɔni náda Ir-Nahas ɔma na badi Reka kadi bekyuli.

¹³ Na Kenas bebi ndi Otniel ku Seraia. Na Otniel bebi ndi Hatat ku Meonotai.

¹⁴ Na Meonotai ɔ́wɔ Oƒra. Na Seraia ɔ́wɔ Yoab ɔni ndi Ge-Harasim ɔti. Na baalɔ-ma lɛni ɔsika badi ala banwine.

¹⁵ Na Yeƒune ubidi Kaleb bebi ndi Iru ku Ela ku Naam. Na Ela ubi ɔnanabi ndi Kenas.

¹⁶ Na Yehalelel bebi ndi Siƒ ku Siƒa ku Tiria ku Asarel.

¹⁷ Na Esra bebi ndi Yeter ku Mered ku Eƒer ku Yalon. Na Mered beleku kemmo unwi náwɔ Miriam ku Samai ku Yisba ɔni ndi Estemoa ɔti.

¹⁸ Na Yudani uleku ɔni na úti náwɔ Yared ɔni bebi ndi Gedor ku Heber ɔni ubi ndi Soko, ku Yekutiel ɔni ubi ndi Sanoa. Mered úti Bitia lɛnɔ ɔni ndi Ƒarao ubidi, na anwu ɔ́wɔ bebi úte-nwu.

¹⁹ Na Naham ɔnwani ulekubi ɔni ndi Hodia ulekudi bebi bananabi bani na ɔ́wɔ ni, ama náwɔ Garmiƒuɔ bani nélie Keila ɔma ku Maakaniƒuɔ bani nélie Estemoa ɔma.

²⁰ Na Simon bebi ndi Amnon ku Rina ku Ben-Hanan ku Tilon. Na Yisi kaba bebi ndi Sohet ku Ben-Sohet.

²¹ Na Yuda ubidi Sela bebi ndi Er ɔni ndi Leka ɔti. Na Lada ɔdi Maresa ɔti na bási ɔtɔ ɔni mɔɔbla linwo kabla na Bet-Asbea,

²² ku Yokim ku Koseba bebi bananabi ku Yoas ku Saraƒ bani mɔɔdi Moab ku Yasubi-Lehem lɛlɔ. Na ala amɛni adi kuuku etemila kɔtɛ.

²³ Na badi ebui bavɔne na beli Netaim ku Gedera baabla kabla teete mmɔ ɔga.

Simeon Kaba Bebi

²⁴ Na Simeon bebi ndi, Nemuel ku Yamin ku Yarib ku Serah ku Saul.

²⁵ Na Saul ubidi ndi Salum ɔni ubi ndi Mibsam ɔni ubi ndi Misma.

²⁶ Na Misma bebi ndi, Hamuel ɔni ubi ndi Sakur ɔni ubi ndi Simei.

²⁷ Na Simei úbo bebi bananabi leevu ɛku ku bebi belekubi ɛku. Nsu nwuna banwani beeebo bebi pii. Ɔmmɔ ɔsu, bana ɔtɔ bekyuli beeemomo aani Yuda kaba bekyuli.

²⁸ Na bélie Beer-Seba ku Molada ku Hasar-Sual

²⁹ ku Bilha ku Esem ku Tolad

³⁰ ku Betuel ku Horma ku Siklag

³¹ ku Bet-Markabot ku Hasar-Susim ku Bet-Biri ku Saaraim. Na lɛma lɛmɛni na belie útédu Ɔga Dawid lɛga bɔdi uwi.

³² Na lɛma lɛni nkya lɛma lɛmmɔ amadɔ ndi Etam ku Ain ku Rimon ku Token ku Asan. Na lɛdi lɛma ɛlɔ.

³³ Na lɛdanku akpaklɔ ani nkya lɛma lɛmmɔ amadɔ útédu Baal. Na mmɔ ndi bana kuliekɔ. Na bebo ɔku ɔni mɔɔtina bana bɔwɔ ku kalɛ na báda bana kuliekɔ ƒui.

³⁴ Na Mesobab ku Yamleg ku Amasia ubidi Yosa

³⁵ ku Yoel ku Yosibia ubidi Yehu

³⁶ ku Eliaenai ku Yaakoba ku Yesohaia ku Asaia ku Adiel ku Yesimiel ku Benaia

³⁷ ku Semaia ubidi ku Simri ubidi ku Yedaia ubidi ku Alon ubidi ku Siƒi ubidi Sisa.

³⁸ Na bekyuli bani anyi bénweni mmɔ badi atɔƒi benengu. Na bana bebi bémomo kaduɛ.

³⁹ Na bálɛ bésie Gedor ɔma kɔmadɔ na kɔwɛ kɔmmɔ ɔƒɛ katukɔ kakɛ ka batáwia bana bebuo kadikɔ.

⁴⁰ Na bákɛ kalɔ kabuni bonwu kani na atu bɔyɔ lɛnɔ bɔkya-ka kemmo. Na Hamƒuɔ béelie mmɔ báta dii.

⁴¹ Na bekyuli bani anyi bénweni bébo mmɔ na Yudaƒuɔ Ɔga Hesekia uwi na bébekpoku Hamƒuɔ bammɔ ku Maonƒuɔ bani nkya mmɔ na báyila-ma udu kede kede aani kalɛ na mmɔ kaatina ɔmwi kadi. Na béti bana kɔkyakɔ bábla bana kuliekɔ. Ɔsika, bebuo kadikɔ kakya kete bana bebuo ɔsu.

⁴² Na Simeon bebi eti leevu (500) béti bésie Seir Kɔbi lɛlɔ na Pelatia ku Nearia ku Reƒaia ku Usiel bani ndi Yisi bebi batɔnku-ma na bétékpoku kɔbi katɔ badi bammɔ.

⁴³ Na bádu Amalekƒuɔ bani nékeli na bésie béli mmɔ úbedu ɔmwi.