Ala Alɛdi 1 2 - Katɔti Ɔku Kedee

Israel Bebi

¹ Israel bebi anyi ndi Ruben ku Simeon ku Lewi ku Yuda ku Isakar ku Sebulon

² ku Dan ku Yoseƒ ku Benyamin ku Naƒtali ku Gad ku Aser.

³ Na Yuda bebi ndi Er ku Onan ku Sela ku Baasa. Ama na Sua ubidi ulekubi ɔ́wɔ úte-nwu na ɔdi Kanaanni. Na Er ndi Yuda ubidi udeedi. Na ɔ́bla likyulikpi na Unwoti anumi, anwuɔsu Unwoti ɔ́du-nwu.

⁴ Kama Yuda ku ubidi ukpinele ɔni baalɔ banii Tamar báwɔ Peres ku Serah. Anwuɔsu Yuda bebi bebo bananabi ɛlɔ.

⁵ Peres bebi ndi Hesron ku Hamul.

⁶ Na Serah bebi ndi Simri ku Etan ku Heman ku Kalkol ku Dara. Na bana ƒui bebo ɛlɔ.

⁷ Na Karmi bebi ndi Akar ɔni néti lɛsɛ úboku Israelƒuɔ lɛlɔ na útéti Katɔti ala ani útalɛka ukyuli ɔdi uti.

⁸ Na Etan ubi ndi Asaria.

⁹ Na bebi bani na Hesron ɔ́wɔ úte-nwu ndi Yerahmeel ku Ram ku Kelubai.

¹⁰ Na Ram ɔ́wɔ Aminadab, na Aminadab ɔ́wɔ Nahson ɔni nábla Yudaƒuɔ ɔtɔnkune.

¹¹ Na Nahson ɔ́wɔ Salma, na Salma ɔ́wɔ Boas

¹² na Boas ɔ́wɔ Obed na Obed ɔ́wɔ Yisai.

¹³ Na Yisai ɔ́wɔ ubidi udeedi Eliab, na Abinadab ndi unyɔdi, na Sima ndi ɔtɛdi.

¹⁴ Netanel ndi unedi, na Radai ndi ɔlɔndi.

¹⁵ Na Osem ndi ɔkundi, na Dawid ndi maatɛdi.

¹⁶ Na bana banwani belekubi ndi Seruia ku Abigail. Na Seruia bebi ndi Abisai ku Yoab ku Asa-El. Na bana ƒui badi bebi ɛtɛ.

¹⁷ Na Abigail ɔ́wɔ Amasa na Amasa ɔti ɔdi Ismaelni Yeter.

Hesron Ubidi Kaleb Kaba Kemmo Bebi

¹⁸ Na Hesron ubidi Kaleb ku ulekudi Asuba ku uleku bamba ɔni ndi Yeriot báwɔ. Na nwuna bebi ndi Yeser ku Sobab ku Ardon.

¹⁹ Ka Asuba úkpi ni, Kaleb úti Eƒrat na anwu ku-nwu báwɔ Hur.

²⁰ Na Hur ɔ́wɔ Uri na Uri ɔ́wɔ Besaleel.

²¹ Na ɔmmɔ kama ni, Hesron ɔni náaƒɔ akwa liti ku leevu úsie Gilead ɔnwani ulekubi kudɔ, na bana ɔti ndi Makir, na úti-nwu na báwɔ Segub.

²² Na Segub ɔ́wɔ Yair ɔni nánu Gilead lɛma aavlanyɔ-ɛtɛ lɛlɔ.

²³ Nsu Gesur ku Aram békpo báƒɔ Yair ku Kenat ku akpaklɔ ani náka ámana-ma na ana bumomo bɔdi liti ku leevu. Na bekyuli bammɔ badi Gilead ɔti Makir kaba kemmo bebi.

²⁴ Ka Hesron úkpi na Kaleb-Eƒrata uwi klukwii ɔdi kama ni, ulekudi ɔ́wɔ Aser úte-nwu ɔni ndi Tekoa ɔti.

²⁵ Hesron ubidi udeedi Yerahmeel bebi ndi Ram ɔni ndi udeedi ku Buna ku Oren ku Osem ku Ahia.

²⁶ Na Yerahmeel ɔ́sɔ úti uleku ɔbambadi ɔni baalɔ banii Atara ɔni náwɔ Onam.

²⁷ Na Yerahmeel ubidi udeedi Ram bebi ndi Maas ku Yamin ku Eker.

²⁸ Na Onam bebi ndi Semai ku Yada. Na Samai bebi ndi Nadab ku Abisur.

²⁹ Na Abisur ulekudi baalɔ banii Abihail ɔni náwɔ Ahban ku Molid úte-nwu.

³⁰ Nadab bebi ndi Seled ku Apaim. Na Seled úkpi, nsu útawɔ bebi badi.

³¹ Na Apaim bebi ndi Ishi ɔni ɔti ndi Sesan. Na Sesan ɔ́wɔ Ahlai.

³² Na Samai ɔnwani Yada bebi ndi Yeter ku Yonatan. Na Yeter útawɔ asa na úkpi.

³³ Na Yonatan bebi ndi Pelet ku Sasa. Na bamɛni ndi Yerahmeel kaba bebi.

³⁴ Na Sesan útawɔ bananabi. Belekubi kani na ɔ́wɔ. Na Sesan úbo kabla ɔblane ɔdi ɔni baalɔ banii Yarha.

³⁵ Na Sesan úti ubidi ulekubi úte nwuna kabla ɔblane Yarha na úti-nwu na ɔ́wɔ Atai úte-nwu.

³⁶ Na Atai ɔ́wɔ Natan. Na Natan ɔ́wɔ Sabad.

³⁷ Na Sabad ɔ́wɔ Eƒial. Na Eƒial ɔ́wɔ Obed.

³⁸ Na Obed ɔ́wɔ Yehu. Na Yehu ɔ́wɔ Asaria.

³⁹ Na Asaria ɔ́wɔ Heles. Na Heles ɔ́wɔ Elasa.

⁴⁰ Na Elasa ɔ́wɔ Sisemai. Na Sisemai ɔ́wɔ Salum.

⁴¹ Na Salum ɔ́wɔ Yekamia. Na Yekamia ɔ́wɔ Elisama.

⁴² Na Yerahmeel ɔnwani Kaleb bebi ndi Mesa ubidi udeedi ɔni ndi Siƒ ɔti ku Hebron ɔti Maresa bebi.

⁴³ Na Hebron bebi ndi Kora ku Tapua ku Rekem ku Sem.

⁴⁴ Na Sema ɔ́wɔ Raham na Raham ɔ́wɔ Yorkeam. Na Rekem ɔ́wɔ Samai.

⁴⁵ Na Samai ubidi ndi Maon. Na Maon ndi Bet-Sur ɔti.

⁴⁶ Na Kaleb ɔsɔnɔ Eƒa ɔ́wɔ Haran ku Mosa ku Gases. Na Haran lɛnɔ ɔ́wɔ ubi ɔnanabi ɔni baalɔ Gases.

⁴⁷ Na Yahdai bebi ndi Regem ku Yotam ku Gesan ku Pelet ku Eƒa ku Saaƒ.

⁴⁸ Na Kaleb ɔsɔnɔ Maaka ɔ́wɔ Seber ku Tirhana.

⁴⁹ Na ɔ́wɔ Saaƒ ɔni ndi Makbena ɔti ku Giba ɔti. Na Kaleb ubidi ulekubi baalɔ banii Aksa.

⁵⁰ Na Kaleb ubi udeedi Hur ku ulekudi Eƒrata bebi ɛtɛ bani na báwɔ ndi Sobal ɔni náwɔ Kiriat-Yearim kadi bekyuli

⁵¹ ku Sabal ɔni náwɔ Betlehem kadi bekyuli ku Hareƒ ɔni náwɔ Bet-Gader kadi bekyuli.

⁵² Na Sobal ɔni náwɔ Kiriat-Yearim kadi bekyuli bawɔ ndi Haroe ku Menuhotƒuɔ kakɛ.

⁵³ Na Kiriat-Yearim kaba ku Yitriƒuɔ kaba ku Putiƒuɔ kaba ku Sumatiƒuɔ kaba ku Misraiƒuɔ kaba bási Soraƒuɔ ku Estaolƒuɔ kaba kemmo.

⁵⁴ Na Salma bebi ndi Betlehem ku Netoƒaƒuɔ ku Atrot-Bet-Yoab ku Manahatƒuɔ kakɛ ku Soriƒuɔ

⁵⁵ ku lɛku benwenine kaba kani nli Yabes. Na ama ndi Tiraƒuɔ ku Simeaƒuɔ ku Sukaƒuɔ. Na ama nási Hamat bébo na badi Rekab ɔtɔ kemmo bekyuli.