Agba 21 - Katɔti Ɔku Kedee

¹ Ɔga ɔni mɔɔdi lɛlɔ kayi kese aani ketu kani mɔɔgbá. Na Unwoti mɔɔtɔnku-ka na kaagbá taavi kesii kani na ɔɔyɔ́.

² Ukyuli ɔɔnu ka ulu ɔni lɛlɔ na ɔkɛ ɔdia geen, nsu Unwoti mɔɔnu-nwu kayi kemmo taati kalɛ na kese.

³ Lɛlɔ lɛɛyɔ́ Unwoti si bɔɔbla ala ani mɔɔyɔ́-nwu kaƒɔ teetulo si búti akpala búboku-nwu.

⁴ Anumi ani mɔɔnu ɔnusɛ ku kayi kani mɔɔtalaku lɛlɔ katɔ ku likyulikpi ala bɔbla ƒui adi likpidi.

⁵ Kabla lɛlɔ bɔbu bɔnu na enye-ka lɛlɔ kpakplaa uute kɔsia. Nsu ulu klukui lɛlɔ bɔsia anii aakɛ́ lɛkɛ ɔɔyá na kɔwaba kuuƒie ukyuli.

⁶ Lɛkɛ lɛni na ukyuli ɔ́sia ɔkɔ ulu lɛlɔ ɔ́kɛ ni, lɛɛyii taakya aani ulɔyɔ na lɛdi kakpagyuɛ kekpidi kani muudie ukyuli.

⁷ Ka belikplune balayɔ ka babla ala ulu lɛlɔ ɔsu ni, bana likyulikpi ala adubo-ma buyu bɔtu na ayila-ma udu.

⁸ Bekyuli bani na bana kayi kaadú-ma kɔtɔ na bana ablala ɔsu ni, lilu lɛni neeese siin lɛlɔ na baaví. Na bani na lɛla lɛdi lɛɛɛda-ma ni, baasia lilu siin lɛlɔ.

⁹ Si awɔ lɛti elie ƒula lɛyu lɛdi kemmo kpoo ni, ɔdia-a utulo ka awɔ ku uleku ɔni mɔɔyɔ́ ɔgyani kenye ɔdi bɛkya lɛgbanya lɛdi kemmo.

¹⁰ Balalane ebiti ndi ka babla bana bakpana kalala. Na bekyuli beeebo bɔnwuna bɔdi na bana enu kemmo.

¹¹ Si uwi ɔni na baaní bekyuli bani muuti lɛla biala taabla lɛmala kɔtu ni, uwi ɔmmɔ na bekyuli bani na bana kasusu kásɔ baatɛya lɛla. Nsu banundane ni, si bálɛ-ma lɛla lɛdi lɛlɔ ni, baatí lɛlɔ bɔda.

¹² Bekyuli bani nse siin baatí ala ani mɔɔlɛ́ku bekyuli bekpidi na bana kɔduli. Na belikplune bammɔ badubɔsiaku ɔgbankpi.

¹³ Bekyuli bani muutile atu si bawabane beewulo kɔnyana ni, ama lɛnɔ belénu belete-ma si baayaki lɛla lɛdi.

¹⁴ Etela ani baabɛla teete ukyuli aayá na kɔnyi kɔɔyɔ́ ukyuli. Na etela ammɔ udu aayala kayi.

¹⁵ Ala bɔbla ulu lɛlɔ bɔɔyɔ́ bekyuli bani mɔɔyia Unwoti kaƒɔ. Na ɔɔyá na liƒu lɛɛda alaekpidi bablane.

¹⁶ Ukyuli ɔni naaasiaku kasusu kabuni kani na baakya-nwu lɛlɔ ni, anwu ku bekpine ndubo kɔkpana bɔdi.

¹⁷ Bekyuli bani na ebiti keeke kama bɔsiaku bɔdia-ma ni, bawabane na beenwíni. Ntɛ ku adikpi lɛlɔyɔ alaya na ukyuli ɔɔkɛ́ lɛkɛ.

¹⁸ Uwi ɔdi ɔkya na baaní balalane kɔtu kalɛ na bekyuli bani mɔɔyia Unwoti banwuna. Lɛni kani baabla belikplune na bekyuli bani nse siin ɔsu.

¹⁹ Ɔdia si awɔ lɛti akya ketele ntɛ utulo awɔ ku uleku ɔni mɔɔyɔ́ ɔgyani kenye.

²⁰ Banundane bebo lɛkɛ ku ala ani mɔɔdia bɔnu. Nsu badɔlɔdi baadi lɛla ndi lɛla teedie ku udu.

²¹ Ukyuli ɔni anumi muugyie na Unwoti lɛƒɔyɔ bɔbla lɛlɔ na Unwoti utaayɔ-nwu ni, ɔdubulie ngba ku udu buni, na bekyuli badubo-nwu butaabu.

²² Banundane baadi bayikune lɛlɔ na beeƒie bana ala taaƒɔ, na baaƒɛ-ma awodu ani lɛlɔ na békpo kama ƒui teewi kalɔ.

²³ Si áti ƒula kenye bɔda kpoo ni, eleti lɛlɔ alatákya litemi lɛdi kemmo.

²⁴ Bekyuli bani mɔɔkun lɛmɛnɛ na baatalaku lɛlɔ katɔ na baanu ka ama kani ntulo ni, baata teenye bekyuli lɛlɔ uwi biala.

²⁵ Lɛla lɛni kani na bakɔsɔne badubɔsia anu ndi ka badubɔyii ku udu, ɔsika béni banii balabla kabla kadi.

²⁶ Ama belemo kudii. Mmomu kalɛ na bakɛ bebu ni, nwuna kasusu kani na beeti. Nsu bani mɔɔyia Unwoti ni, ama beete ala ku kaƒɔ ƒaa.

²⁷ Unwoti ukisi ukyuli ukpidi akpala. Na ɔni nsɔ ntulo ƒui ndi ka ute-nya ku kasusu kekpidi ka ɔkɛ nwuna lɛla lɛdi ɔsu.

²⁸ Ukyuli ɔni mɔɔnyi ɔkɔ teedie litemi kenye ni, badubutile-nwu kuƒi. Na ukyuli ɔni mɔɔsu lɛla lɛni nálɛ geen ni, anwu na badubɔya na udie ala kenye.

²⁹ Ulikplune ɔɔƒwɛ anumi momoomo. Nsu ukyuli ɔni mɔɔbla ala siin ni, ɔɔnu kaduɛ na nwuna ablala lɛlɔ.

³⁰ Kɔkwɛ kɔni na bekyuli baakya ƒui si ina dɛ na béti lɛnunda kemmo bákya-ku ni, kulakana Unwoti lɛlɔ bɔdi kudii.

³¹ Si ina dɛ báklibi bapɔnkɔ béte kekpo ni, Unwoti kani mɔɔyá na baadi lɛlɔ.