Agba 13 - Katɔti Ɔku Kedee

¹ Ubi ɔni na ɔ́da anu ni, ɔɔtuna na nwuna bawɔne baatumini-nwu kalɛ na ɔ́manku. Na ɔnamu ɔni muuti lɛla biala taakya bɔƒia ni, ulenu litemi.

² Bekyuli babuni baadi kɔsia kɔni na kɔ́lɛ kɔ́si kasusu kabuni kani bákya bekyuli kemmo. Nsu bekyuli bekpidi ni, ama kadɔ ku unyeƒi kani baanu ulu teete.

³ Bekyuli bani ngyi kalɛ baada bana unyemi ni, beelie ngba gyɔlɔɔ. Na kenye bɔtu bɔlɛ ukyuli ɔɔkana na uubile lɛla biala.

⁴ Bakɔsɔne baawia ala pii, nsu ɛlɛɛ muutúku-ma kɔnu. Nsu bekyuli bani mɔɔbla kabla kpakplaa ni, bana kabla kadubɔtɛ na badi bemo.

⁵ Bekyuli babuni bekisi ɔkɔ ala. Na balalane ama ni, kɔƒa muubo-ma lɛlɔ na anumi eewi-ma kalɔ.

⁶ Ngba buni bulie buubunku ukyuli nwuna ngba emeyi kemmo ƒui. Nsu bekyuli bekpidi ama ni, bana kalala ndubɔya na bayii udu.

⁷ Bawabane badi baabla lɛlɔ aani balakɛne. Na babambadi bani ndi balakɛne lɛnɔ baabla lɛlɔ aani bawabane.

⁸ Balakɛne baakana na baƒɔ kayu biala na beti baƒɔ bana lili ngba. Nsu bawabane ama ni, bana lɛlɔ lilégyie anumi na beduo ɔgbankpi ɔmmɔ udu kemmo muedi.

⁹ Bekyuli babuni ni, lɛlɔ lɛɛyɔ́-ma na bana keliela keekeye uwi ndi uwi. Nsu ɔƒɛ ɔɔsá taakya alaekpidi bablane na ɔɔbla-ma suu.

¹⁰ Bekyuli bani mɔɔtalaku lɛlɔ katɔ baakya unyeƒi pii. Na bekyuli bani muunú bɔlɛ baadá anu.

¹¹ Lɛkɛ lɛni baasia ulu gontii lɛlɔ taakɛ liiibo bɔyii. Nsu lɛla lɛni na aakɛ́ blii blii na ulu lɛlɔ lɛɛwɔ teebu.

¹² Si ukyuli ɔ́yila lɛnunsia ni, kayi keekpóku-nwu. Nsu si ƒula ala ani na eegyé kɔna taanu aasia-a ni, eenú ngba emini na lɛlɔ lɛnɔ lɛɛyɔ́-ɔ.

¹³ Bekyuli bani muuní ka bekyuli balɛ-ma ni, ɔgbankpi kemmo kani na badubo buduo. Na bani mɔɔbu bekyuli bɔlɛ ni, badubo bukpo bɔlɛ.

¹⁴ Banundane bɔlɛ buse aani libiɔ lɛni mɔɔyu ntu na baaní teelie ngba ute-ɔ. Na ɔɔyá na ekeli liƒu lɛni na kukpi kɔɔkya-bu.

¹⁵ Ukyuli ɔni mɔɔbla kasusu buni na ala lɛlɔ ni, bekyuli baabu-nwu. Na ukyuli ukpidi anwu ni, nwuna kasiakɔ atakpɛ lɛlɔ na kaasia.

¹⁶ Banundane baaka kasusu bɔbla asa na baabla ala. Uuuse lɛni ku badɔlɔdi, na baakun lɛmɛnɛ lɛnɔ taasia ɔmmɔ kama.

¹⁷ Ɔtalane ɔni naaagyi kalɛ beesié lɛtu ni, uuti lɛlɔ taatákya ɔgbankpi kemmo. Nsu ɔtalane ɔni ngyi kalɛ na baasu kenye ni, ɔɔyá na kayi kaayɔ́ bekyuli.

¹⁸ Ukyuli ɔni na alayɔ ka bedie-ɔ bɔƒiɔ ni, kɔwaba ku kɔƒa ndubo-ɔ buƒie. Nsu si átuna anii bédie-ɔ bɔƒiɔ ni, bekyuli ƒui badubo-ɔ bɔbu.

¹⁹ Ebiti aada ukyuli si ƒula ayɔla ani na aawia ébo-nwu kemmo lɛni. Nsu badɔlɔdi belenu kalɔ teenwini bana ekpidi kama kalɛ na ubo-nwu kemmo ute-ma lɛni.

²⁰ Ukyuli ɔni mɔɔdiku banundane kɔkpana ni, anwu lɛnɔ ɔɔdá anu. Lɛni kani na ukyuli ɔni na badɔlɔdi na ɔɔdiku kɔkpana ni, anwu lɛnɔ ɔɔdɔlɔ.

²¹ Alaekpidi bablane ni, ɔgbankpi mɔɔbi taasiaku-ma. Na kusɛ kusɛ ɔɔsia bekyuli babuni kama uwi ndi uwi.

²² Bekyuli babuni ni, ama muusé bana bebi ku bawɔ kama. Nsu bekyuli bekpidi lɛkɛ ni, liinwíni bekyuli babuni lɛdi.

²³ Ina ɔwabane ɔ́kya edula pii ni, ama bani naaabla ala ulu lɛlɔ baakana na baƒɔ kɔsia kɔmmɔ baatɔlɔku.

²⁴ Si éni na átatumini ƒula bebi ni, ɔɔtina ka alayɔ-ma. Na si aayɔ́-ma bɔdi ni, ɔlɛka enye kpakplaa na ada-ma kalɛ na ɔ́manku.

²⁵ Bekyuli babuni ni, ala ani bebo eemó-ma. Nsu bekyuli bekpidi ni, bana ala elemo-ma.