ลืลาว 87 - ้พระคัมภีร์ละว้า

รซอม เชีย ลืลาว ยุฮ โม โครา

¹ ป มัฮ เวียง ระ เมือง ตอน ยุฮ พะจาว เยอ, อาวต นึง บลาวง ซัมคัน.

² พะจาว ฮรัก เมือง ซีโยน โฮฮ ฮา ฮรัก แตะ เมือง ไฮญ นึง ปลัฮเตะ อาวต โม ยาโคป เฮี เตือง โอยจ อื.

³ ปะ ป มัฮ เมือง ยุฮ พะจาว เยอ, ปุย เอีจ ลืลาว ปาว อัต เนอึม ปะ. พะจาว อัฮ เฮี,

⁴ “เญือม โจต อาึ เซน โม ป ยุง ป มัฮ อาึ เซ อาึ โจต มอยฮ โม อียิป ไม่ บ่าบี่โลน, โม ฟีลิซเตีย, โม ไทระ, ไม่ โม เอทิโอเปีย. ปุย โม เซ ซ อัฮ เฮี, ‘ปุย เฮี เยอ เกิต นึง เมือง ซีโยน,’ ซ อัฮ เซ ละ ปุ แตะ.”

⁵ ปุย เยอ ซ อู ลอก เมือง ซีโยน ตอก เฮี, “ปุย เซ ไม่ ปุย เซิต เตอ เกิต นึง เมือง ซีโยน,” อัฮ เซ. มัฮ พะจาว ป ตึก นึง ระ แตะ ป เลือก เมือง เซ, ละ ซ เกือฮ อื อาวต ตอน อาวต ฮมัน.

⁶ เญือม โจต พะจาว มอยฮ ปุย โครยญ ปะเทต โครยญ ปซา เยอ, ซ โจต อื ตอก เฮี, “ปุย เฮี เกิต นึง เมือง ซีโยน,” อัฮ เซ.

⁷ โม นักรอง ไม่ โม ป เตนลัม อัฮ อื ตอก เฮี, “รอาวม ปลาึฮ ป เกือฮ เอะ เตือง โอยจ เจอะ โฮลฮ มวน รพาวม เซ เอีจ อาวต กไน เวียง ซีโยน เซ,” อัฮ เซ.