ลืลาว 131 - ้พระคัมภีร์ละว้า

รซอม เชีย เญือม ฮาวก ปุย นึง วิฮัน ป ไซฮ ด่าวิต

¹ โอ พะจาว, รพาวม อาึ อื โพรยฮ โตว ติ แตะ. ไง่ เยอะ ปุ โรฮ เกียฮ ฮุน โรฮ. อาึ เกือฮ โตว ติ แตะ ซาวป ง่อต โอเอีฮ ป ระ ป ฮลาวง, ไม่ โฮฮ เกิน อื ฮา โกะ แตะ.

² อาึ เกือฮ ติ แตะ อาวต โฆย ฮอยจ ละ รพาวม รโม่ยฮ แตะ. อาวต โฆย กวนดุ ป เอีจ ละ ตาึฮ นึง เญือะ ดึม มะ แตะ ตอก ออฮ, รพาวม อาึ อื อาวต เฮน อาวต ฮลอง โรฮ ตอก เซ โรฮ.

³ โม เปะ ป มัฮ โม อิซราเอน เนอ, ไมจ เปอะ ซโอว รพาวม ไม่ พะจาว เน่อึม ปเลี่ย ฮอยจ ละ เฆียง เฮี โอ เญาะ ไก ลอยจ.