EZRA 2 - Lacid Common Language Bible

Pyoung" She: lo" Jhang" mo Doem Tau" Loo Bye: da" Byumyu" yi Zhayhen"

¹ Pyoung" she: loo" shoug" bang: gye" myoo: sho' gi Babelon mung" mo zi nyangnu" yhoem: moug: nghoid da" Yerusalem yo' Yuda mung" khyoo: doem tau" thu lo" ago". Nyangnu" gi Babelon moo Nebukhadneza khokham koid ayo, ri thung: byu yi yhang: ti" houg moo shu" to" da" pyoung" she: loo" shoug" bang: nghoid.

² Nyangnu" vhujhung: yigi Zerubabela Yeshua- Nehemia- Seraia- Relaia- Modekhai- Bilshan- Mispa- Bigvai- Rehum yo' Bana nghoid. He: zigi pyoung" she: loo" shoug" jang" mo doem tau" loo bye: da" Israela byumyu" yi zhayhen" nghab youg nghoid.

^3-20 Prosha- 2172 Shephatia- 372 Ara- 775 Pahad Moba (Yeshua yo' Yoab kung: mo)- 2812 Elam- 1254 Zatu- 945 Zakhai- 760 Bani- 642 Bebai- 623 Azgad- 1222 Adonikam- 666 Bigvai- 2056 Adin- 454 Atera (Hezekia ga: we' myheing)- 98 Bezai- 323 Yora- 112 Hashum- 223 Gibara- 95 nghoid.

^21-35 He: voogung mo phoug" phyid" yi nyid jang" moo we' doem tau" lo boem ago". Bedlehem- 123 Netopha- 56 Anathod- 128 Azmaved- 42 Kiriad Yearim- Khephira yo' Berod- 743 Rama yo' Geba- 621 Mikmasha- 122 Bethela yo' Ai- 223 Nebo- 52 Magbisha- 156 Elam gootu:- 1254 Harim- 320 Lodo- Hedi yo' Ona- 725 Yerikho- 345 Sena- 3630 nghoid.

^36-39 He: zigi pyoung" she: loo" shoug" jang" mo doem tau" lo da" Khainjung kung: mo zhayhen" nghoid. Yedaia (Yeshua kung: mo)- 973 Imera- 1052 Pashura- 1247 Harim- 1017 nghoid.

^40-42 Pyoung" she: loo" shoug" jang" mo doem tau" lo da" Levi akung: joem gi Yeshua yo' Kadmiela (Hodavia kung: mo)- 74 Noku Yhoem: Moo" mo music phung: (Asab kung: mo)- 128 Noku Yhoem: Moo" zung" mo, (Shalum Atera Talamon Akub Hatita yo' Shobai kung: mo)- 139 nghoid.

^43-54 Pyoung" she: loo" shoug" jang" mo doem tau" lo da" Noku Yhoem: Moo" mo moo" koid mo, gi Ziha- Hasupha- Tabaod- Kero- Siaha- Padon- Lebana- Hagaba- Akub- Hagab- Shamlai- Hanan- Gidela- Gahara- Reaia- Rezin- Nekoda- Gazam- Uza- Pasea- Besai- Asna- Meunim- Nephisim- Bagbug- Hakupha- Harahura- Bazlutha- Mehida- Harsha- Barko- Sisera- Tema- Nezia yo' Hatipha kung: bang: nghoid.

^55-57 Pyoung" she: loo" shoug" jang" mo doem tau" lo da" Sholumon dei zoo: yi da" akung: gi Sotai- Hasophered- Peruda- Yala- Darkon- Gidela- Shephatia- Hatila- Pokherid- Hazebim yo' Ami bang: nghoid.

⁵⁸ Pyoung" she: loo" shoug" jang" mo doem tau" lo da" Noku Yhoem: Moo" mo moo" koid mo, yo' Sholumon dei zoo: yi da" akung: ako' dangain" gi 392 yug nghoid.

^59-60 He: zigi Tela- Mela- Tela- Harsha- Kheruba- Adan yo' Imera voogung mo thu lo da" Delaia- Tobia- Nekoda mo da" zoo: du yigi 652 yug nghoid ago". Nghoid loug we' yhoem: seing: phoug" phyid" akung: ako'' ri Israela byumyu" joem mo byuxeig ase' shab yu loo: bang: nghoid.

^61-62 Khainjung joem mo Habaia Hakoza Barazilai mo da" zoo: du yigi nyangnu" phoug" phyid" akung: ako' ri lhid" xoem" to" ziri ayo" myang nghoid ago". (Barazilai khainjung akung: mo nya: phoug" gi Gilead byu Barazilai akung: mo myiyi: ri lo, xo' yu wigi nya: yug phoo yi da" akung: ako' myeing myheing yu boem ago") Hau: ayo, mo wigi nyangnu" phoug" phyid" hang" nghoid zi ayo" si' loo: ziyo' nyangnu" ri khainjung khyo" akhab yu loo: nghoid ago".

⁶³ Urim yo' Thumin se' ci: da" khainjung athu ri" ri" gi Mangsoo ri xoin" to' da" zoo: shug ri nyangnu" age zoo: wa ga: Yuda mung" zoug: gi nyangnu" ri tid bye:.

^64-67 Pyoung" she: loo" shoug" jang" mo doem tau" loo mo, dangain" gi 42360 yug nghoid. Nyangnu" da" dei zoo: myhi'- dei zoo: phoo yigi 7337 yug nghoid. Music phung: myiyi: yug gi 200 yug nghoid. Myang:- 736 du: Loo kung"- 245 du: Gola-ug- 435 du: Loo zei:- 6720 du: nghoid.

⁶⁸ Pyoung" she: loo" soug" jang" mo wigi Yerusalem mo Aseing yhoem: moo" khyoo: doem ju" lo vhu" ri akung: ako' dayham" mo vhujhung: yigi joyoo xoug" moo nyang: Noku Yhoem: Moo" doem koid jang" moo nheugshid: nheugdeug bo pang" ago".

⁶⁹ Nyangnu" he: moo" moo nyangnu" ge bui" myhoo' byid: ago". Houg nghoid yoomo sheing: 283 joid: jain" ngei 1578 joid: jain" yo' khainjung yi shid mo byisheing: 100 khab' re" kaid byid: boem bye: ago".

⁷⁰ Khainjung yi Levi yi yo' mung" byu dayham" gi Yerusalem akhoug: yo' aqei: ayam moo nyid boem ago". Music phung: yi Noku Yhoem: Moo" zung" mo, Noku Yhoem: Moo" moo moo" zei: mo, yo' deing nyid shi" da" Israela byumyu" yi gi nyangnu" phoug" phyid" yi da" voogung joem nyid boem ago".