COUNG" NGHEI 4 - Lacid Common Language Bible

Pang" Thoug Yu Wa Shid Re Myen" Thang Mo Akyu" Mho' Dang:

¹ Ngoo ri goem loem byid: nyid da" Mangsoo we"- nga" akyu" mho' dang: ri tam" gyoo: byid: we'. Ngoo yau: khi" zi shoug" nyid uri nang ngoo ri pang" thoug byid: bye:. Ngoo ri akhid" nyang: nheugkhyeug ziyo' nga" akyu" mho' dang: ri shoug" gyoo: byid: we' o".

² Byumyu" yi khanham ju' sho' ngoo ri aphoug" akhyoid koid nyid boem wa la". Akyu" abo khyoo: ri nanu" vho: nyid boem wigi shoid vhang: lo" khyoo: moo khamyhang ju" sho' cang loo" wa ein: go" la".

³ Aseing gi deungmain" da" byu yiri nya: shid re" khyen: to" ziri myid boin: ge'. Nyang: ri yoid mho' da" bidnyid ri nyang: gi ngoo ri tam" gyoo: byid: nyid.

⁴ Gyoug nain" ziyo' yooboo koid da" khyoo: ri to" pyam loo ge'. Nanu" da" yhoeb cuang tho' moo sam" zoo: jhang" jo, uri hau: khyoo: ri no" no, myid yu" nyid ge'.

⁵ Aseing ri ce: noo dam abo da" xoin" ri to' byid: lho: nyang: ri loem khau: nyid ge'.

⁶ «Aseing we" ngoo ri jeju" je" wigi byid: nyid we'. Nheig khyeug shoomyen: ziyo' ngoonu" ri goem byid: coung: byid: we'» ga: byu yi myoo" sho' mo, akyu" mho' nyid boem.

⁷ Nghoid loug we' nang ngoo ri byid: da" gau yi ngei pyo: khyoo: gi nyangnu" yo" yu boem wa zi nghoid. Nyangnu" da" gugzoo meiloem: joem yo' zabyid moin" joem we' dangain" tho moo: je" ge byid:.

⁸ Ngoo jhang" jo, uri ngei pyo: ziyo' ngoo yo" yhoeb lo. Aseing we"- nanyang: za: ngoo ri joeb joeb byeung" byeung" gau: yi joyoo moo: nyhid: too" bye:.