COUNG" NGHEI 128 - Lacid Common Language Bible

Aseing Moo: Tam" Gyo: cang Lo" Da" Ngilho' Jhungshug

¹ Aseing ri gyoug phau" lho: wigi nya: da" amyeing" dang: joem yo' dakhyoo" ti" kangso' dei nyid mo, gi ngilho' boem.

² Re" da" lo, moo" gi nang ca" yo nyid da" khyoo: joem ri pang" thoug loo wa zi nghoid. Nang gi ngei pyo: gau yi lho: yo" loo se' loo wa.

³ Re" da" yhoem: seing: myhi' gi re" yhoem: khoug: moo ashi" zei: da" zabyid nei yhang: ti" du wa nghoid. re" da" zooshang: yigi zhainloin: seig zoo: gam, joem yhang: ti" re" da" zoobui" loem: lheing khab, moo nyid nyid boem wa nghoid.

⁴ Aseing moo: tam" gyo: lho: cang loo" su: gi hid: yhang: te" da" mainkaid jeju" ri deing deing shoug" kham: yu wa zi nghoid.

⁵ Aseing gi nang ri Ziun mo wigi mainkaid byid: nyid baja". nang dei nyid da" bidnyid dangain" jang" moo Yerusalem da" nyid gi nyid de khyoo: ri nang shau" myang baja".

⁶ Re" da" myid: zoo: yiri we' nang dei nyid shi" uri shau" myang baja". Ngei pyo: myenjham" khyoo: gi Israela yo' dage" dajo, jo, baja".