COUNG" NGHEI 12 - Lacid Common Language Bible

(David Lhid" da" jikhoin" daloem:) Pang" Thoug Byid Wa Shid Mo Akyu" Mho' Khyoo:

¹ O" Aseing we" ngoonu" ri pang thug byid: we' byu gi dayug we' anyid loo. Deungmain" mo, khanham we' ashau" myang loo.

² Byu dangain" mo, gi nyang: cang" myeung" khyo" mhoug go" nyid ago". Nyangnu" gi dayug yo' dayug- coung" myeung" khyo" mhoug go" nyid.

^3-4 O" Aseing we" mhau coung" byid: se' da" yhoo: joem ri tam" loo" nhang: we'. Se, phoug: bang: gi «Ngoonu" gi ngoonu" nya: da" dang: yo' ngoonu" civhoo: ciyo"- ngoonu" gi cimyid ri ciyo" tid wigi hang" wigi we' ngoonu" ri yo" toem too" wa zi anghoid» ga: phau: khuang nyid mo, da" nhoid ri myhed" pyam byid: we'.

⁵ Aseing gi «Nghoid loug we' akhid" ngoo re" loo wa. Khasu" wim ga: ri ca" yo' sho" jhen: mo, doin: zeug zi shoug" ziyo shen" yhen zi shoug" nyid yoomo nookyeing" kyeung" nyid boem. Nyangnu" vho: nyid da" lhoug zung" shoem" goem khyoo: ri ngoo byid: wa» ga: tid nyid.

⁶ Aseing da" dang: theing khoin" gi loem ge" nheugshid: cang bo zi nghoid. Myikhyoem moo: nyhed lheing koo: su" phoid kyeing bye: da- ngei gyeing" yhang: ti" loem gi" bye: zi nghoid.

^7-8 Akhyeing" ashoeb bang: gi joyoo khyi, khang" moo" moo: nyid ago". Byu xangsu" dangain" mo, gi age khyoo: ri coung" byid: nyid boem. Aseing we"- ngoo ri khanham we' ce: gyi aboo lo: da" joyoo moo shoung: too" byid: we'. Akhyeing" ashoeb bang: da" lo, mo ngoo ri lhoug zung" goem coung: byid: we'.