1 KHOKHAM MHOOMYID: 4 - Lacid Common Language Bible

Yuda da" Amyed Ashen Yi

¹ He: zigi Yuda da" amyed ashen yi mo dayham" nghoid da:. Houg: bang: gi Pereza- Hezron- Kharmi- Hura yo' Shobala bang: nghoid ago".

² Shobala gi Peaia da" nya: phoo- Reaia gi Yahad da" nya: phoo- Yahad gi Ahumai yo' Lahad tang: da" nya: phoo nghoid wigi hau tang: gi Zora moo: nyid bang: da" phoug" phyid" yi nghoid da:.

^3-4 Hura gi Khaleb da" yuggi zoo: zoo shed" nghoid wigi Ephrad da" oung: mo gyo" zi nghoid. Nya: amyed ashen yigi Bedlehem voomoo" ri de: to" da:. Hura gi Etam- Penuela yo' Ezera ga: da" yuggi zoo: soem" yug yo" da:. Etam gi Yezrela- Ishama yo' Idbasha ga: da" yuggi zoo: soem" yug yo' myiyi: zoo: Hazeleponi ga: ziri yo" da:. Penuela gi Gedora voomoo" ri de: to" lho: Ezera gi Husha voo ri de: to" da:.

⁵ Tekoa voogung ri de: da" Ashura gi Hela yo' Naara ga: da" yhoem: seing: myhi' eig yug yo" da:.

⁶ Nyang: yo' Naara gi Ahuzam- Hephera- Temeni- Hashtari ga: da" yuggi zoo: myid: yug yo" ago".

⁷ Ashura yo' Hela gi Zered- Izhara yo' Etnan ga: da" yuggi zoo: soem" yug yo" ago".

⁸ Koza gi Anub yo' Zobeba tang: da" nya: phoo nghoid wigi Harum da" yuggi zoo: Ahahela da" amyed ashen yi phoug" phyid" yi nghoid da:.

⁹ Yabed ga: da" byu dayug nyid da:. Hau: yug gi nya: yhoemkhung: byu yi mo je: phau" myang: byid: shau" su: nghoid da:. Nya: myhi' gi nyang: ri Yabed ga: myeing myheing byid: da:. Ciwim gari: nyang: ri khu: ri gye" noo yoomo nghoid.

¹⁰ Nghoid loug we' Yabed gi Israela Mangsoo ri akyu" mho' da:. Nyang: gi «Mangsoo we"- ngoo ri mainkaid byid la- ngoo ri mougmyid myoo" sho' byid: la. Ngoo yo' dage" nyid byid la- ngoo ri noo nhang: wa da" akhyeing" da" ja: khang" moo" mo we' goem loem byid: la o"» ga: akyu" mho' da:. Houg: lho: Mangsoo gi nyang: mho' ziri byid: da:.

Gootu: Yhoemkhung: Zhayhen" Joem:

¹¹ Shuha da" nya: nhung" Khaleb gi Mehira ga: da" yuggi zoo: dayug yo" da:. Mehira gi Eshton da" nya: phoo nghoid.

¹² Eshton gi Bethrapha- Pasea- Tehina ga: da" yuggi zoo: soem" yug yo" da:. Tehina gi Nahasha voomoo" ri de: su: nghoid. Houg: bang: da" amyed ashen yigi Rekha moo: nyid boem ago".

¹³ Kenaza gi Othniela yo' Seraia ga: da" yuggi zoo: eig yug yo" da:. Othniela moo we' Hathad yo' Meonothai ga: da" yuggi zoo: eig yug yo" da:.

¹⁴ Meonothai gi Ophra da" nya: phoo nghoid da:. Seraia gi lo, moo" zei: bang: lang: khung" ri de: su: Yoba da" nya: phoo nghoid. Hougmoo: nyid da" byu dangain" bang: ga: lo, moo" gye" jhang: bang: nghoid ago".

¹⁵ Yephune da" yuggi zoo: Khaleb gi Iru- Elah yo' Naam ga: da" yuggi zoo: soem" yug yo" da:. Ela gi Kenanza da" nya: phoo nghoid da:.

¹⁶ Yahalela gi Zipha- Ziphaha- Tirla- Asarela ga: da" yuggi zoo: myid: yug yo" da:.

^17-18 Ezra gi Yethera- Mered- Ephera yo' Yalon ga: da" yuggi zoo: myid yug yo" da:. Mered gi Egutu khokham da" myiyi: zoo: Bithia ri lo, xo' yu da:. Nya: tang: gi Miriam ga: da" myiyi zoo: dayug yo' Shamai yo' Ishba ga: da" yuggi zoo: eig yug yo" ago". Ishba gi Eshtemoa voogung ri de: to" da:. Mered gi Yuda kung: mo myiyi: dayug ri we' lo, xo' yu lho: nyang: tang: gi yuggi zoo: soem" yug yo" da:. Houg: bang: gi Gedora voogung ri de: su: Yered- Sokho voogung ri de: su: Hebera- Zanoa voogung ri de: su: Yekuthiela bang: nghoid da:.

¹⁹ Hodia gi Naham da" nhammoo" ri lo, xo' yu da:. Nya: tang: da" amyed ashen yigi Keila voogung moo: nyid da: Garmi byumyu" kung: yi yo' Esthemoa voogung moo: nyid boem da Makhathi byumyu" kung: yi nghoid ago".

²⁰ Shimon gi Amnon- Rina- Benhanan- Tilon ga: da" yuggi zoo: myid yug yo" da:. Ishi gi Zohed yo' Benzohed ga: da" yuggi zoo: eig yug yo" da:.

Shela Da" Amyed Ashen Yi

²¹ Shela gi Yuda da" yuggi zoo: yi mo dayug nghoid da:. Nya: amyed ashen yi moo: Lekha voogung ri de: su: Era- Maresha voogung ri de: su: Laoda yo' jid: moo" zin: yung" pain" yo, gain: yo, da" akung: ako' yi houg: bang: gi Bed Ashbea voogung moo: nyid boem ago".

²² Khozeba voogung moo: nyid boem da" Yekim yo' byumyu" yi yo' Moba myiyi: yiri lo, xo' yu lho: Bedlehem voogung moo: de: nyid boem da" Yoasha yo' Sarapha bang: nghoid da:. (He: mhoomyid: shen" dam gi gye" myang: bye: zi nghoid.)

²³ Nyangnu" gi khokham da" oug" koid moo" zei: bang: nghoid lho: Netaim yo' Gedera voogung moo: nyid ago".

Simun Da" Amyed Ashen Yi

²⁴ Simun gi Nemuela- Yamin- Yarib- Zera- Shaula ga: da" yuggi zoo: wim: yug yo" da:.

²⁵ Shaula da" yuggi zoo: gi Shalum nghoid wigi Shaula da" myid: zoo: gi Misam nghoid da:. Nya: myid: ki" gi Mishma nghoid da:.

²⁶ Houg: lho: Mishma mo zi azo" thung" shab gyoo" lo" ri Hamuela- Zakhura- Shimi bang: nghoid.

²⁷ Shimi gi yuggi zoo: daxe: khyug yug yo' myiyi: zoo: khyug yug yo" da:. Nghoid loug we' nya: bidnoem seing: cang" yigi zooshang: yi neing: ago". Houg: lho: Simun kung: bang: gi Yuda kung: bang: yhi' amyoo: aji: nghoid ago".

²⁸ Khokham David da" apyaid ju" sho' Simun da" amyed ashen yigi vho: mo voogung joem moo: nyid lo boem ago". Hau: voogung joem gi Berasheba- Molada- Hazarshuala-

²⁹ Bila- Ezem- Tolad-

³⁰ Bethuela- Horma- Ziklag-

³¹ Bed Makhabod- Hazarsusim- Bethbiri- Sharim voogung joem nghoid da:.

³² Nyangnu" gi gootu: voogung wim: loem: moo: we' nyid loo bye:. Hau: voogung joem gi Etam- Ain- Rimon- Tokhen yo' Ashan voo joem nghoid.

³³ Houg: lho: mougpyi: bidvang shoid moo: jo, da" Balad voogung ju" sho' aqei: ayam: mo voo joem jo, jo, da:. Hau: joem gi nyangnu" yhoemkhung: mhoomyid: yo' nyangnu" nyid lo da" joyoo lhid" xoem" joem nghoid da:.

^34-38 Vhoo: mo bang: gi nyangnu" kung: mo vhujhung: yi nghoid ago". Houg: bang: gi Meshoba- Yamleg- Amazia da" yuggi zoo: Yosha- Yoela. Yehu gi (Yoshibia da" yuggi zoo:- Yoshibia gi Seraia da" yuggi zoo:- Seraia gi Asiela da" yuggi zoo:. Elionai- Yakoba- Yeshohaia- Asaia- Adeila- Yesimela- Benaia- Ziza gi (Shiphi da" yuggi zoo: Shiphi gi Alon da" yuggi zoo:- Alon gi Yedaia- Shimri- Shemaia bang: da" amyed ashen nghoid da:. Nyangnu" yhoemkhung: joem gi xo' lho: myo: je loo yoomo

³⁹ nyangnu" gi bidvang shoid Gerara moo: alug ju" sho' nyid byo: lo" wigi hau: voomoo" jo, da" janggyoin: bidthu shoid coung" yoo moo: nyangnu" yang joem ri zung" boem ago".

⁴⁰ Meing: pyo: lho: yug yoo myenjham" da" jang: pa: moo hau: joyoo moo: myid xu: ge da" coung" yoo myoo" sho' ri nyangnu" sho: myang boem ago". Ham byumyu" yigi shid phyang" hougmoo: nyid lo da" byumyu" yi nghoid ago".

⁴¹ Yuda khokham Hezekia pyaid moo: atho' moo: lhid" to" da" bang: gi Gerara khyoo: yhe: wigi hougmoo: nyid boem da" byumyu" yi da" dab joem yo' zang joem ri phyo' pyam boem ago". Nyangnu" gi byumyu" yiri khaid thu pyam lho: hougmoo: apyaid atoo: de: nyid boem ago". Ciwim gari nyangnu" da" yang joem shid re" coung" yoo gye" joyoo mo nghoid da:.

⁴² Simun byumyu" kung: mo gootu: wim: shoo: yug gi bidthu shoid Edom khyoo: yhe: lo" ago". Nyangnu" ri Ishi da" yuggi zoo: yi nghoid boem da" Pelatia- Nearia- Rephaia yo' Uziela bang: wigi shu" vhu" she: yhe: lo" da:.

⁴³ Nyangnu" gi hougmoo: nyid deing nyid da" Amaleg byu yiri said pyam lho: hougmoo: apyaid atoo: nyid boem ago".