یعقوب 5 - کتاب مقدس به زبان لکی - گویش مرکزیهُشتار وَه ثرودمنَل ظالم 1 اِسگَه هُمَه، اِاِ آمَل ثرودمن، بگیرِن ئو مُووَ بارِن اَرِه مِصیوَتَلی گه میا وَه سرتو بای، 2 ثرودتو یِه لا چیَ ئو جِنِکَلتو پید هُاردِنَسی! 3 طِلا ئو نُخِرَه‌تو ژَنگ داسی ئو ژَنگ دائِنو ماوَ مدرکی اَرضد هُمَه ئو اِجور آگِر گوشد لارتونَ میری. هُمَه اَرِه روژَل آخِر هُنَ ثرودتونی جیَم کِردیَ. 4 اِسگَه عمِلَه‌لی گه زمینَلتو دروئو کِردیَ ئو هُمَه وَه فنِ‌فیت مِزتو نانَ، مِزو اَرضد هُمَه هُوارَ مِهِه ئو دای دِروکِرَل رَسیَسَ گوش خداون لشکرَل. 5 هُمَه اَررُی زَمی، تجمِلاتی ئو اِ بریزبپاش زِنِه‌یتو کِردیَ ئو دلَل ووژتون اَرِه روژ قُرونی پروارتو کِردیَ! 6 هُمَه اَ آم صالحَ گه نوسیا اِنوم رُیتو، مَکومتو کِرد ئو کُشتِتو. صبِر داشدِن اِ موقَع مِصیوَت 7 اِسَه بِرال، تا هاتِن خداون صبِرتو داشدوئی. سِیل کَن گه چطور کشاورز اَرِه ثمر اَرزِشدمَن زَمی چیَمَ‌رئیَ مَمینی ئو اَرِنی صبِرَ مِهِه تاگَه اول وارُ پایز ئو آخِری وارُ وِهار باواری. 8 اِسَه هُمِه‌یش صبِرتو داشدوئی ئو دلتو قرص کَن، اَرِیَگه هاتِن خداون نزیکَ! 9 اِاِ بِرال، شکائَت یَکتِری نَهَن، تاناخواد اَر هُمَه قضاوت بو، اِسگَه ’قاضی‘ هوسیاس اَر دِراخِل. 10 اِاِ بِرال، پِخَمَرَلی گه وَه نُم خداون قصه‌ئونَ مَهَرد، باس اِ صبِر ئو تیَمِل اِنوم مِصیوَتَل اَرِه هُمَه نمونَه بوئن. 11 اِسگَه ایمَه کسَلی خوشبختَ مَذانیم گه پایار مَنِنَ ئو هُمَه اِبارَه صبِر ئو تیَمِل ایوبتو شنَفتیَ ئو دیتونَ گه خداون آخِرسر چَه اَرِه کِرد، ئو خداون چَنی رِئیم ئو مِرِبونَ. 12 مِنتائای اِاِ بِرال، اژ کُل مِهمتِر یَسَ گه قسم نیرینو، نه وَه آسمو، نه وَه زَمی ئو نه وَه هُیچ چیئی‌تِر. بِیلِن «اَاَ» هُمَه هَراَ «اَاَ» ئو «نه» هُمَه هَراَ «نه» بو، تاناخواد مَکوم بوئینو. دوعا وَه ایمو 13 اَرّ اِنوم هُمَه کسی ها عذاواِر، بِیلِن دوعا بِهِه؛ اَرّ کسی خَوشالَ، بِیلِن اَرِه خدا سرو بحیوَنی. 14 کسی اِنوم هُمَه مریضَ؟ بِیلِن هِنا بِهِه اَر شیخَل کلیسا تا دوعا اَرِه بِهَنی ئو وَه نُم خداون وَه روین مسح کَنی. 15 دوعای گه وَه ایمو بو، مریض شِفا مِ ئو خداون او هیزَمِ ئو اَرّ گنا کِردیَسی، بَشخیا ماو. 16 اِسَه اَرتَک یَکتِری وَه گنائَل ووژتو اعتراف بِهَن ئو اَرِه یَکتِری دوعا بِهَن تاگَه شِفا بِگِرینو. دوعا آم صالح، وَه قویَت فِرِه عملَ مِهِه. 17 ایلیا پِخَمَر پیای بی اِجور ایمَه، مِنتائای اَرِیَگه اژ تیَه دلا دوعا کِردی گه وارُ ناواری، سه سال ئو نیم وارُ ناواریا اَر زَمی؛ 18 ئو اِدوارَه دوعا کِردی ئو اژ آسمو وارُ هات ئو زَمی ثمر ووژ آوِردیَ عمل . 19 اِ بِرال، اَرّ کسی اِنوم هُمَه اژ رئی حخیخت اِربای ئو کسی‌تِر گِلادِیتی، 20 بِیلِن بِذانی هر کی آم گناکاری اژ رئی نادُریس گِلادِ، گیونی اژ مرگ نجادَ مِ ئو گنائَل فِرِه مَپوشِنی. |
@ 2024 Korpu Company