عِبرانیَل 12 - کتاب مقدس به زبان لکی - گویش مرکزیعیسی بِناوَه ایمون ایمِئَه ئو ایمونمو کاملا مِهِه 1 اِسَه اَرِیَگه هُنَ اُر کَلِنگی اژ شاتیَل اِراگِرتیمونیِ، بورِن هر بار ئو هر گنای گه سفدِسخد پیچَ میریَ قِمونا، بنیمِ لا ئو وَه پایاری، اِ مِسابقه‌ی گه ها نوامون‌اِر، بِرَمیم. 2 ئو گِز بِهِیم اَر عیسی گه بِناوَه ایمون ایمِئَه ئو ایمونمو کاملا مِهِه گه وَه خاطر اَ خَوشی‌ای گه اَر نوا بیتی، صلیب تیَمِل کِردی ئو ننگ اَوَه خوارا کِردی ئو اِسگَه نیشتیَس اَر دس راس تخت خداآ. 3 فگِرتو بِنِن اَر او گه هُنَ دشمنی‌ای اژ جونِم گناکارَل تیَمِل کِردی، تاگَه هُمَه شَکَت ئو دلسردا نوئینو. 4 هَنی اِ جنگتونَ گَرد گنا تا پا گیو نوسیاینونَ. 5 مَر اَ پَنتون اِنوم کِتاو امثال سلیمان اِویر چیَ گه هُمَئَه کُرَل هِناءَ مِهِه، موشی: «اِاِ کُرِم، تربیت خداون خوار نَذان، ئو وخدی خِضت اَرینَ مِهِه دلسردا نو. 6 اَرِیَگه خداون کسَلی گه دوسو دیری، تربیتَ مِهِه، ئو هر کُری گه قبولَ مِهِه، تنبیَه مِهِه.» 7 یَه اَرِه تربیت بیئِنَ گه هُمَه باس تیَمِل بِهِینو؛ خدا هَر اِجور کُرَلَ گَردتو رفدارَ مِهِه. اَرِیَگه کُماین کُرَ گه باوِه تربیت نِهِیتی؟ 8 اَرّ هُمَه تربیت نوئینونَ، وَه‌یاآگه کُل اَژی بیَرو بِردیَ، اِسَه زولینو، نه کُرَل حخیخی. 9 هَمیش ایمَه باوَه‌ل زمینیمونی داشدیَ گه تربیتمو کِردونَ، ئو ایمَه اِتِرومو داشدِنَ. یانی نَباس فِرَه ویشتِر فِربوبَر باوَه روحَل بوئیمو تاگَه ژییاینمو داشدوئی؟ 10 اَرِیَگه باوَه‌لمو وَه صِلا ووژو، اَرِه مِدتی ایمَه‌ئو تربیت کِرد، مِنتائای خدا اَرِه خِریَّت ووژمو تربیتمونَ مِهِه تا اژ قدوسیّت او بیَرمو داشدوئی. 11 حِنی گه تربیتَ موئیمو، اِجال یَگه خَوشمو بای، میَژیمو. مِنتائای دُماخِرِ اَرِه کسَلی گه وَه‌سونگَ اَوا تربیت بینَ، صالح‌بیئینَ ماریَ بار گه پِر اژ صُئل‌وسِلامتیَ. 12 اِسَه قویَت بیَنَ دَسَل سُس ئو زُنیَل ضِیفتو! 13 رئیَل راس اَرِه پائلتو بسازِن، تا پا شَل اِ جا اِرنَچو، بلکِم شِفا بِگِری. 14 فِرَه تقِلا بِهَن تاگَه وَه‌گَرد کُل مردِم اِ صُئل بوئینو ئو مقدّس بوئینو، اَرِیَگه وَه بی‌اَوَه هُیچ‌کس خداون نِموئینی. 15 حُواستو بو کس اِ یَگه فیض خدا باریَ دس شِکِس نیری تاگَه هُیچ ریشی تیَلی سُز نِهِه، ئو باعث دردسر ناو ئو بِری آلودَه نِهِه. 16 تاگَه هُیچ‌کُم اَژینتو اِجور عیسو بی‌عصمت یاگَه نامقدّس ناو، گه حخ اول‌زا بیئِن ووژ فِروتیَ جُمی آش. 17 اَرِیَگه مَذانینو، دُماخِرِ گه هِستی اَ بِرَکتَ بیَریَ میرات، قبول نوئی. وَه‌یاآگه وَه گیری‌گاوا وَه دُما بیتی، مِجالی اَرِه توئَه نَهَردیَ دی. 18 اَرِیَگه نزیکا نوئینونَس اَر کوی‌ای گه بتونینو دس بِنینونی اَر قِ، کوی‌ای گه آگِر گُر گِرتی بو، ئو نه وَه تیَریکی ئو ظلمات ئو واگیژَه؛ 19 ئو نه وَه دَنگ شِپور ئو یاگَه دَنگ کلومی گه کسَلی گه مَشتَفتو لالکیان گه دیَر قصه‌ئونَ گَرد نِهِه. 20 اَرِیَگه اونَل تیَمِل اَ فِربونونَ ناآشد گه موئِتی، «جُ‌جُ اَر حِوونی دس بِنی اَر قِ کوی، باس سنگسار بو.» 21 اَ صَنَه اَخَ ترسناک بی گه موسی وِتی: «مِه هُنَ زِلَم چیَ گه هاتِمَسِ رِکَه.» 22 مِنتائای هُمَه نزیکا بینونَس اَر کوی صَهیون، ئو اَر شیَر اورشلیم آسمونی گه شیَر خداءِ زِنیَ ئو اَر جیَم هزارون هزار فریشدَه خَوشال، 23 ئو اَر کلیسا اول‌زائَلی گه نُمون اِنوم آسمو نُیسیاءَ. نزیکا بینونَس اَر خدای گه داور کُلَ، ئو اَر روحَل آمَل صالحی گه کاملا بینَ، 24 ئو اَر عیسی گه بَسخَه‌کَر عَت جدیدی کَ، ئو اَر خوین پِشکیای گه بیتِر اژ خوین هابیل قصَه مِهِه. 25 حُواستو بو گه رُیتون اژ او گه قصَه مِهِه اِرنَپِلِنینو. اَرِیَگه اونَلی گه رُیون اژ اَوَه گه اَررُی زَمی هُشتار دائونو، اِرپِلو، رئی حِواینو نَهَردَ دی، اِسَه ایمَه چه رئی‌ای اَرِه حِواین دیریم اَرّ رُیمون اژ اَوَه گه اژ آسمو هُشتارَ مِ‌ئونمو اِربِپِلِنیم؟ 26 اِ اَ موقَع، دَنگ او زمینَ ماریَ رِکَه، مِنتائای اِسگَه وَدَه داسی گه «یِگِلی‌تِر نه فَخَد زَمی بلکِم آسمونَل‌یشَ مارِمَ رِکَه.» 27 ایی کِلمَه ’یِگِلی‌تِرَ‘ هَشارَه مِهِه اَر اژ بِن چیئِن چیئَلی گه مانِ رِکَه -یانی چیئَلی گه خَلک بینَ- تا اَ چیئِلَ گه نِمانِ رِکَه، بِمینِن. 28 اِسَه بورِن اَرِیَگه پاتِشائی‌ای گه نِماءِ رِکَه، ماریمَ دس، شگِرگزار بوئیمو ئو وَه ترس ئو عزّتی گه باوِ دلَ، بِپِرَسیمی، 29 اَرِیَگه «خداءِ ایمَه آگِری کَ گه مَسُزِنی.» |
@ 2024 Korpu Company