عِبرانیَل 1 - کتاب مقدس به زبان لکی - گویش مرکزیکُر خدا هار بِلِنگ کُل چی 1 قدیم، خدا چَن گِل ئو اژ رئیَل جوراجور وَه‌سونگَ پِخَمَرَل قصَئَه گَرد باوَه‌جدَلمو کِردی، 2 مِنتائای اِ ایی روژَل آخِرَ وَه‌سونگَ کُر ووژ وَه‌گَرد ایمَه قصَه کِردیِ، هَراَ کُرَ گه کِردیِ وارث کُل چی ئو وَه‌سونگَ او دنیا خَلک کِردی. 3 او نُیر جِلال خدا ئو نَشق کامل ذاتَسی، ئو وَه کلوم قدِرت ووژ، کُل چی حفظَ مِهِه. او دُما پاکا کِردِن گنائَل، نیشت اَر دس راس حضرت اعلی‌آ، اِ عرشِ فِلک. 4 اِسَه هَر اَخَ گه اژ فریشدَه‌ل سرتِرا بی، نُمی گه بِردیَ میرات اعلی‌تِر اژ نُم اونِلَ. 5 اَرِیَگه خدا تاگَه اِسگَه وَه کُمین اژ فریشدَه‌ل وِتیَسی: «تو کُر مِنین؛ ایمِرو مِه تونِم زاندَه کِردیَ»؟ ئو یاگَه اِدوارَه، «مِن اَرِه او موئمَ باوَه، ئو او اَرِه مِنَ ماوَ کُر»؟ 6 ئو هَنی وخدی او، اول‌زا ماری اِنوم دنیا، موشی: «کُل فریشدَه‌ل خدا بِپِرَسِنی.» 7 اِبارَه فریشدِه‌لَ موشی: «او فریشدَه‌ل ووژَ مِهِئَه وائَل، ئو خادمَلیَ بِلیزَ آگِر.» 8 مِنتائای اِبارَه کُرَ موشی: «اِاِ خدا، تخت سِلطنت تو ابدیَ؛ موزبِرَه پاتِشائی تو موزبِرَه عدالتَ. 9 تو صالح‌بیئین دوس دیرین ئو اژ شرَباری بیزارین؛ اَژونَسَ خدا، خداءِ تو، ویشتِر اژ هُمکارَلِت، وَه روین خَوشالی مسح کِردینِ.» 10 ئو هَمیشَ موشی: «تو، اِاِ خداون، اژ اَ اولَ بِناوَه زمینِت نا، ئو آسمونَل کار دَسَل تونِن! 11 اونَل اژ بِنَ مَچِن، مِنتائای توءَ مَمینین! اُوُ کُل موئن اِجور جِنِک شِر! 12 اونَل اِجور چوخای لو اِرَمِین، اِجور جِنِکی عوضَ موئن. مِنتائای تو هَر اَوینَ، ئو سالَل تو آخِر نِرِن!» 13 خدا تاگَه اِسگَه وَه کُمین اژ فریشدَه‌ل وِتیَسی: «بِنیش اَر دس راس مِنا تاگَه دشمنَلِت بِهَمَ کرسی اِژیر پائلِت» 14 مَر اونَل کُل روحَل خِلمتکاری نیِن گه کِلَ‌موئن اِرَه خِلمت اژ کسَلی گه نجادَ میَرِنَ میرات؟ |
@ 2024 Korpu Company