کولُسیَل 4 - کتاب مقدس به زبان لکی - گویش مرکزی

¹ اِاِ اَرباوَل، وَه‌گَرد خُلُمَلتو وَه عدل ئو انصاف رفدار بِهَن، اَرِیَگه مَذانینو هُمِه‌یش اَرباوی اِ آسمو دیرینو.

² وَه حُواس‌جیَمی ئو شگِر کِردِن، هَر بنیشِنَ دوعا کِردِن.

³ ئو اَرِه ایمِه‌یش دوعا بِهَن، گه خدا دری اَرِه کلوم اَررُی ایمَه واز بِهِه، تا راز مسیح گه اَرِه اَوَه هامِ زندو اِلوم بِهِیم.

⁴ تاگَه بتونِم هُنَ گه باس قصَه بِهَم ئو آشگارا کَمی.

⁵ وَه‌گَرد مردِمی گه اژ کلیسا هانَ دِریر، وَه حِکمتا رفدار بِهَن، اژ هر مِجالی استفادَه بِهَن.

⁶ قصَه‌لتو هَر پِر اژ فیض، وَه خوا طُم‌دارا بو، تاگَه بِذانینو گه چطور باس جوواو هر کَسیکا بِینو.

سِلامَل آخِر.

⁷ تیخیکوس اژ کُل چی اِبارَه مِه خَوَردارتونا مِهِه. او بِرا عزیزگرامی، ئو خادم وفادار ئو هُم‌خذمتی‌ای اِنوم خداونَ.

⁸ مِه اوئِم هَر اَرِه یَه کِل‌کِرد، گه هُمَه اژ حالِ‌روژ مِه باخَوَرا بوئینو ئو تاگَه او دلگرمتونا کِ.

⁹ ئو او وَه‌گَرد اُنِسیموس، بِرا وفادار ئو عزیزگرامی ایمَه، گه یَکی اژ هُمِئَه، ما اَرِه تَکتو. اونَل هرچی گه اَر ایرَه اتفاق کَتیَ، اَرِنتونَ موشِن.

¹⁰ آریستارخوس گه وَه‌گَرد مِه ها زندون‌اِر، سِلامَ مَرَسِنیَ بینتو؛ هَمیش مَرقُس، تاتِزا برنابا(گه وِرِکار امونَتَلمی اِبارَه او داءَ- گه هروخد هات اَرِه تَکتو، وَه گرمی بِچِنیِ گِرد)

¹¹ ئو عیسی‌یش گه یوستوس هِنا مَهَنی، سِلامَ مَرَسِنیَ بینتو. یوئنَ اِنوم هُمکارَلِم اِ پاتِشائی خدا، تَنیا ختینَه‌کَریائَلِن، ئو اَرِه مِه دلگرمی بینَ.

¹² اِپافْراس، گه یَکی اژ هُمِئَه، ئو خادم مسیحْ عیسیَ، سِلامَ مَرَسِنیَ بینتو. او هَر اِ دوعائَلی اَرِه هُمَه تقِلاءَ مِهِه تاگَه هُمَه بتونینو بالغ ئو وَه اطمینو کامل بوسینون اَر سر تموم خواس خدا.

¹³ اَرِیَگه مِه شاتِم گه او اَرِه هُمَه ئو اونَلی گه هانِ لائودیکیَه ئو هیراپولیس سخد کار کِردیِ.

¹⁴ لوقا حکیم عزیزگرامی ئو دیماس سِلامَ مَرَسِنِنَ بینتو.

¹⁵ سِلام برَسِنِنَ بِرال اِ لائودیکیَه ئو هَمیش وَه نیمفا ئو کلیسای گه ها نوم مال ایی ژَن‌اِرَ.

¹⁶ ئو وخدی ایی نُامَه اِنوم هُمَه حیوَنیا، اِ کلیسا لائودیکیه‌یش بحیوَنِنی، ئو هُمِه‌یش نُامه‌ی گه اَرِه لائودیکیه‌‌ءَ بحیوَنِن.

¹⁷ ئو بوشِنَ آرخیپوس: «حُواسِت بو گه خِلمَتی گه اِنوم خداونِت گِرتیَ تمومِ‌کمال اَنجوم دِین.»

¹⁸ مِه پولُس، ایی سِلامَ وَه خط ووژمَ مَنُیسِنِم. زنجیرَل مِن اِنوم زندو اَویرتو بو. فیض وَه‌گَردتو بو.