دوئِم تیموتائوس 3 - کتاب مقدس به زبان لکی - گویش مرکزیروژَل آخِر 1 مِنتائای یَه بِذان گه اِ روژَل آخِر، روژگار سخدی مای. 2 اَرِیَگه مردِم فَخَد ووژو دوس دیرِن، پیل‌دوسِن، قُرات ئو کِلَچِن، دُشمین‌فِروشِن، کورفِربون اژ دائوباوَه‌لو ئو بولَت ئو ناپاکِن، 3 عاطفَه نِرِن، کینَتی ئو بُختِم‌چیِن، بی‌قِدِبَن ئو وَشی، ئو دشمن خوئیِن 4 خیونتکار ئو بی‌مِلاحظَه ئو پِر اژ رِنگَریِن گه عِیاشی ویشتِر اژ خدا دوس دیرِن. 5 وَه‌یاآگه شیوَه دینداری دیرِن، مِنتائای قدِرت حاشاءَ مَهَنی. اژ هُنَ کسَلی دویرا بِگِر. 6 اَرِیَگه اِنوم اونَ کسَلی هَن گه مَچِنَ مال مردِما، ئو ژِنَل ساعَخِل اسیر ووژونَ مَهَن، ژِنَلی گه اِ ژیر بار گنا چَمیانَ ئو هُواوهوسَل جوراجور مَکیشیو ویرِ هر لای. 7 وَه‌یاآگه هَر هانِ تیَلیمَ گِرتِن مِنتائای هرگِس نِمَتونِن برَسِنَ شناخت حخیخت. 8 هَرهُنَ گه یَنّیس ئو یَمْبْریس بین اَرضد موسی، ایی پیال‌یش‌َ گه فگِرَلو گَنیاءَ ئو اِ ایمو رِفوزَه بینَ، هان اَرضد حخیخت. 9 مِنتائای تَرَخدی نِمَهَن، اَرِیَگه اَخمَخیو آشگارا ماو اَر کُل کس، هُنَ گه اَخمَخی اَ دوئیشَ کَتِ در. کُل نُسَخ مقدّس حَفار دَم خداءَ 10 مِنتائای تو اژ نزیک شات تیَلیم ئو رفدار ئو مصقود ئو ایمون ئو صبِر ئو مِحبت ئو دَرین‌داری مِه، بینَ، 11 ئو اژ آزارَل ئو عذاوَلی گه اِ اَنطاکیَه، قونیَه ئو لِستْرَه هاتَ سرِم ئو آزارَلی گه تیَمِلِم کِرد، خَوَر دیرین. وَه ایی حالا، خداون اژ کُل اونَ نجادِم داتی. 12 اِراسی کُل کسَلی گه بِ‌ئون اِنوم مسیحْ عیسی وَه دینداری زِنِه‌ی بِهَن، عذاوَ موئینِن؛ 13 مِنتائای شَرَبارَل ئو رِنگَرَل اِ گَنی گَنتِرا موئن، فنَ میَن ئو فنَ میرِن. 14 مِنتائای تو سفدِسخد بوس اَرسر اَ چیئَه گه گِرتِتَسا ئو ایمونتَ بی آوِردیَ، اَرِیَگه مَذانین اژ چه کسَلی گِرتِتَسا. 15 ئو چطور هِر اژ آویلی نُسَخ مقدّسِت ذِناسدیَ، گه مَتونی حکمتتَ بی دِ گه نجاد وَه‌سونگَ ایمون اَر مسیحْ عیسیَ. 16 کُل نُسَخ مقدّس حَفار دَم خداءَ ئو اَرِه تیَلیم ئو خِض اَر خطائَل، اصِلاح ئو تربیت اِ صالح‌بیئین فادَه دیری. 17 تا پیا خدا اَرِه هر کار خوئی کامل آمادَه بو. |
@ 2024 Korpu Company