دوئِم پطرس 3 - کتاب مقدس به زبان لکی - گویش مرکزیروژ گِلاهُاردِن خداون 1 اِاِ عزیزَل، یَه نُامَه دوئِمَ گه اَرِنتونَ مَنُیسِنِم. هَردِک ایی نُامَه‌لمَ اَرِه یَه نُیسو گه بارمَ ویرتو تاگَه فگِرَل پاکتو بارِم اَرسر خیرَت، 2 تا قصَه‌لی گه پِخَمَرَل مقدّس اِ قدیم وِتونَ، بارینونِ ویر ئو هَمیش حکِم خداون ئو نجاددهندَه‌مو گه وَه‌سونگَ رسولَلتو وِتی. 3 وِر اژ هر چی، بِذانِن گه اِ روژَل آخِر تیزمَتَل‌کَرَلی ظاهرَ موئن گه هانَ تُرّ هُواوهوسَل گَن ووژونا ئو وَه تیزمَتَلَ 4 موشِن: «اَنی چَه بی وَدَه هاتِنی؟ اژ زمونی گه باوَه‌لمو مِردِن، کُل چی هَراَ جورَسَ گه اژ اَ اول خلقتَ بی!» 5 اَرِیَگه اونَ وَه قَص، ایی حخیختَ وَه نِئیَ مَگِرِن گه وَه کلوم خدا آسمونَل اژ قدیم بین ئو زمین اژ آو ئو وَه‌سونگَ آو شکِل گِرتی؛ 6 ئو وَه‌سونگَ هَر ایی آوَ، دنیا اَ زمونَ غرخ ئو نابود بی. 7 مِنتائای وَه‌سونگَ هَراَ کلومَ، آسمونَل ئو زمینی گه اِسگَه هَسی اَرِه آگِر نیریانَسِ لا ئو تا روژ داوری ئو نابودی بی‌دینَل حفظَ موئن. 8 مِنتائای اِاِ عزیزَل، ایی حخیختَ نِئیَ نَگِرِن گه اَرتَک خداون یِه روژ اِجور هزار سالَ ئو هزار سال اِجور یِه روژ. 9 برعسک اَ چیئَه گه بِری گُمونَ مَهَن، خداون اَرِه اَنجوم وَدَه‌لی دیر نِمِهِه، بلکِم اَرِه هُمَه صبِر دیری، اَرِیَگه نِمِیتی کسی نابود بو بلکِم مِیتی کُل توئَه بِهَن. 10 مِنتائای روژ گِلاهُاردِن خداون اِجور دُزی مای، اَ موقَع وَه گِرِمهُر کَلِنگ ئو ترسناکی آسمونَل اژ بِنَ مَچِن ئو آسارَه‌ل آسمونَ مَسُزِن ئو اژ یَکَ مَچویچِن، زمین ئو کُل کارَلی آشگارا موئن. 11 اِسَه گه کُل یوئنَ وَه ایی جورَ اژ یَکَ مَچویچِن، هُمَه اِ ایی زِنِه‌ی مقدّس ئو دینداریَ گه دیرینو باس چطور آمَلی بوئینو؟ 12 چیَمَ‌رئی روژ خدا بوئن ئو باوژِنیِ نوا. اِ اَ روژَ گه آسمونَل آگِرَ مَگِرِن ئو اژ یَکَ مَچویچِن ئو آسارَه‌ل آسمون اِ زور تاو آگِرَ مَتاوِنا. 13 مِنتائای ایمَه مِطابق وَدَه او وَه شوقا چیَمَ‌رئی آسمونی تازَه ئو زمینی تازه‌یم گه هرچی گه اِ چیَم خدا دُریسَ، لیز گِرتیَس اِنوم. 14 اِسَه اِاِ عزیزَل، اِسگَه گه چیَمَ‌رئی ایی چیئَلینونَ، خو تقِلا بِهَن تا اَرتَک او بی‌لکَه ئو بی‌عِو ئو اِنوم صُئل بوئینو. 15 ئو صبِر خداون ایمَه نجاد بِذانِن، هَرهُنَ گه بِرا عزیزگرامیمو پولُس‌یش مِطابق حکمتی گه بَشخیاسیَ بی، اَرِنتو نُیسونی. 16 او اِنوم کُل نُامَه‌لی، هر وخد گه اژ ایی چیئِلَ موشی، هُنَ مَنُیسِنی. اِنوم نُامَه‌ل او چیئَلی هَس گه فیَمو فِرَه سخدَ ئو نایونَل ئو کسَلی گه ایمونو سُسَ دَسَ میَرِنی اِنوم، هَراَ جورَ گه هُنَ اَر نُسَخ مقدّسی‌تِرَ مَهَن، ئو یَه باعث نابودیونَ ماو. 17 اِسَه هُمَه اِاِ عزیزَل، اِسگَه گه یَه اِ وِرِکارَ مَذانینو، هوشیار بوئن تاناخواد ویرِ رئی نادُریس بی‌دینَل اژ رئی اِرباینو ئو پایاریتون اژ کیستون اِربِچو، 18 بلکِم اِنوم فیض ئو شناخت خداون ئو نجاددهندَه ایمَه عیسی مسیح رشد بِهَن، گه جِلال اژ اِسگَه تا ابد اَر او بو! آمین. |
@ 2024 Korpu Company