دوئِم پطرس 1 - کتاب مقدس به زبان لکی - گویش مرکزی1 اژ شَمعونِ پطرس، خُلُم ئو رسول عیسی مسیح، وَه اونَلی گه وَه‌سونگَ عدالت خدا ئو نجاددهندَه‌مو عیسی مسیح، ایمونی اِجور ایمون ایمَه بیَسَ نَصُیو: 2 فیض‌وسِلامتی وَه‌سونگَ شناخت خدا ئو خداونمو عیسی، چَل‌چَل اَر هُمَه بو. اونَلی گه خدا دیاری کِردِنِ 3 قدِرت الهی او هرچی گه اَرِه ژییاین ئو دینداری اِکَلَ داسیَ بینمو، یَه وَه‌سونگَ شناخت او اَنجوم گِرتیِ گه ایمَل دَوَت کِردیَسیَ جِلال ئو خوئی ووژ، 4 گه وَه‌سونگَ یوئنَ او وَدَه‌ل کَلِنگ ئو خیمتی ووژ بَشخیَسیَ ایمَه، تا وَه‌سونگَ اونَ بوئینونَ هُم‌بیَر طبیعت الهی ئو اژ فسادی گه وَه خاطر میلَ گنا ها نوم دنیااِر، آزاد بوئینو. 5 هَراَ ایی خاطرَ، فِرَه تقِلا بِهَن تا اَر ایمونتو خوئی اضافَه‌آ کِینو ئو اَر خوئی، شناخت، 6 ئو اَر شناخت، نوا ووژ گِرتِن، ئو اَر نوا ووژ گِرتِن، دَرین‌داری، ئو اَر دَرین‌داری، دینداری، 7 ئو اَر دینداری، دوس داشدِن بِرائی ئو اَر دوس داشدِن بِرائی، مِحبت. 8 اَرِیَگه اَرّ ایی صفتِلَ اِنوم هُمَه بو ئو فِرَه‌آ بوئن، نِمِیلی اِ شناخت خداون ایمَه عیسی مسیح، بی‌‌اثر ئو بی‌ثمر بوئینو. 9 اَرِیَگه هرکی ایی صفتِلَ نِری، اَخَ کورَ گه تا تُک پِت ووژ ویشتِر نِموئینی، ئو اژ ویرا چیَسی گه اژ گنائَلی گه وِرِکار کِردوئیتی، پاکا بیَ. 10 اِسَه اِاِ بِرال، ویشتِر تقِلا بِهَن تا دَوَت ئو دیاری بیئین ووژتو ثابت بِهِینو، اَرِیَگه اَرّ هُنَ بِهِینو هرگِس اِرانِمَکُوئینو. 11 اَرِیَگه هُنَ، صِلا میَنَ هُمَه گه بِچینون اِنوم پاتِشائی ابدی خداون ئو نجاددهندَه ایمَه عیسی مسیح. 12 اِسَه میا ایی چیئِلَ هَر باوژمِ ویرتو، وَه‌یاآگه اونِلَ مَذانینو ئو اِنوم اَ حخیختی گه دیرینو، پایارینو. 13 مِه گُمونَ مَهَم یَه دُریسَ گه تا وخدی هامِ نوم ایی لارَ، ایی صفتِلَ باوژمِ ویرتو تا بارِمتون اَر سر خیرَت، 14 اَرِیَگه مَذانِم وَه ایی زویَ اژ ایی لارَ جیاآ موئم، هَرهُنَ گه خداون ایمَه عیسی مسیح اَر مِه آشگارا کِردی. 15 اَژونَسَ گه هر کاری بتونِم مَهَم تا دُما یَگه اژ ایی دنیاءَ چِم بتونینو ایی چیئِلَ هَر بارینونِ ویر. 16 اَرِیَگه وخدی قدِرت ئو هاتِن خداونمو عیسی مسیحمو اِلومَ مَهَرد اَرِنتو، وَه دُم پاچائَلی گه وَه رِنگَری دُریس بینَ، نوئیمو، بلکِم عظَمت اومونَ چیَم دوئی. 17 اَرِیَگه وخدی او اژ خداءِ باوَه، جِلال ئو عزّت گِرتی ئو دَنگی اژ جِلال عظیم رَسیتیَ بی گه موئِتی: «یَسَ کُر عزیزگرامی مِه گه فِرَه وَه دل مِنَ.» 18 ایمَه ووژمو اَرسر اَ کوی مقدّسَ وَه‌گَرد بیمونی ئو اَ دَنگمونَ گه اژ آسمو هات شنَفت. 19 ئو کلوم فِرَه مِطمئن پِخَمَرَل دیریم گه خوءَ حُواستون اَری بوتی، اَرِیَگه اِجور چراخی اِ جا تیَریکی مَدَرشخی تا وخدی گه بوءَ شفق ئو آسارَه صو اِنوم دلَلتو باءَ دِریر. 20 وِر اژ کُل چی، بِذانِن گه هُیچ نبوّتی اژ نُسَخ مقدّس تعبیر خودِ نبوّت‌کَر نیَ. 21 اَرِیَگه هُیچ نبوّتی وَه خواس اِنسو نِهات، بلکِم آمَل وَه‌سونگَ روح‌القدس اژ جونِم خدا قصه‌ئو کِرد. |
@ 2024 Korpu Company