اول یوحنا 1 - کتاب مقدس به زبان لکی - گویش مرکزی

کلوم ژییاین

¹ اَ چیئَه گه اژ اول بی، اَ چیئَه گه شنَفتمو، ئو وَه چیَمَلمو دیمو، اَ چیئَه گه سِیلمونَ بی کِرد ئو دَسمو نا اَر قِ، اِبارَه کلوم ژییاینَ.

² ایی ژییاینَ آشگارا بی؛ ئو ایمَه اَومونَ دیَ ئو اَر اَوَه شاتیَ مِیم. ایمَه ژییاین ابدی‌ای اِلومَ مِهِیم اَرینتو، گه اَرتَک باوَه بی ئو آشگارا بی اَر ایمَه؛

³ ایمَه اَ کلومَ گه دیمونَ ئو شنَفتِمونَ اِلومَ مِهِیم اَر هُمَه تاگَه هُمِه‌یش وَه‌گَرد ایمَه رِقیفیتو داشدوئی؛ ئو مِنتائای رِقیفی ایمَه وَه‌گَرد باوَه ئو وَه‌گَرد کُری عیسی مسیحَ.

⁴ ئو یوئنَتونَ اَرِنَ مَنُیسِنیم تاگَه خَوشیمو کاملا بو.

زِنِه‌ی اِ نُیر

⁵ یَسَ پِغومی گه اژ اومو شنَفتیَ ئو اِلومَ مِهِیم اَرِنتو: خدا نُیرَ ئو اصِلا تیَریکی اِنوم نیِ.

⁶ اَرّ بوشیم وَه‌گَرد او رِقیفی دیریمو، وَه‌یاآگه اِنوم تیَریکیَ مَچیم‌َ رئیا، دِروءَ موشیم ئو وَه حخیخت عمل نِمِهِیم.

⁷ مِنتائای اَرّ اِنوم نُیرَ مَچیم‌َ رئیا، هَرهُنَ گه خدا ها نوم نُیراِر، وَه‌گَرد یَک رِقیفی دیریم ئو خوین کُری، عیسی مسیح ایمَه اژ کُل گنائَل پاکا مِهِه.

⁸ اَرّ بوشیم هُیچ گنای نِریم، ووژمو فنَ مِیم ئو حخیخت اِنوم ایمَه نیَ.

⁹ اَرّ وَه گنائَل ووژمو اعتراف بِهِیم، او اَمونتدار ئو صالحَ، گنائَلمونَ موئَشخی ئو ایمَه اژ هر نادُریسی پاکا مِهِه.

¹⁰ اَرّ بوشیم گه هُیچ گنامونی نَهَردیَ، اوءَ دِروزِن نشونَ مِیم ئو کلوم او اِنوم ایمَه نیَ.