اول قرنتیان 6 - کتاب مقدس به زبان لکی - گویش مرکزیمِرافَه اِنوم ایمودارَل 1 وخدی یَکی اژ هُمَه شکائَتی اَرضد یَکی‌تِر دیری، چطور زِلَه مِهِه اَوَه نیَری اَرِه تک ایمودارَل مسیح، بلکِم بیَری اَرِه دادگا آمَل گناکار؟ 2 مَر نِمَذانینو گه ایمودارَل مسیح، دنیا قضاوتَ مَهَن؟ اِسَه گه هُمَه مِ دنیا قضاوت کِینو، چطور نِمَتونینو اِبارَه چیئَل گُجَر قضاوت کِینو؟ 3 مَر نِمَذانینو گه ایمَه فریشدَه‌ل قضاوتَ مِهِیم؟ چه برَسیَ قضاوت اِبارَه چیئَل ایی دنیاءَ. 4 اَنی اَرِه‌چَه وخدی هُنَ چیئَلی مَکو اِنومتو کسَلی مِهِینونَ قاضی گه اِنوم کلیسا اِتِبار نِرِن؟ 5 یَه اَرِه یَه موشِم گه خجالتتونا کَم. یانی اِنوم هُمَه آم دونای نیَ گه بتونی نوم بِرال باوژی اَر یَک؟ 6 مِنتائای بِرا اَرضد بِرا مَچو اَرِه دادگا، اویشَ اَرتَک بی‌ایمونَل! 7 هُنَ شکائَتَلی گه ها نومتون‌اِر هَر ووژ اَرِنتو شِکِسَ. اَرِه‌چَه نِمِتو مظلوم بوئینو؟ اَرِه‌چَه حاضر نیئینو ضِرَد بِهِینو؟ 8 اِجال یَه هُمَه ووژتو اَر آمَلی‌تِر ظلمَ مِهِینو ئو فَنونَ مِینو جُ‌جُ بِرال ووژتو. 9 مَر نِمَذانینو گه آمَل ظالم پاتِشائی خدا نِمیَرنَ میرات؟ فن نیرِن! بی‌عصمتَل، بِت‌پِرَسَل، زِنهاکارَل، پیالی گه وَه‌گَرد هُم‌جنس ووژونَ میئسِن، 10 دُزَل، طَمَ‌کارَل، عِرَخیَل، دُشمین‌فِروشَل ئو رِنگَرَل پاتِشائی خدا نِمیَرنَ میرات. 11 بِری اژ هُمَه هُنَ بینونَ، مِنتائای وَه نُم عیسی مسیحِ خداون ئو وَه‌سونگَ روحِ خدامو شوریاینونَ، تقدیس بینونَ ئو آمَل صالح اِلوم بینونَ. بی‌عصمتی وَه‌گَرد ژِنَل خِراو 12 «شرعاً صِلا دیرِم هر کاری بِهَم،» مِنتائای کُل چی فادَه نِری. «شرعاً صِلا دیرِم هر کاری بِهَم،» مِنتائای نِمِیلِم چیئی صِلا مِه بِگِریِ دس. 13 موشینو: «خوراک اَرِه لَمَ ئو لَم اَرِه خوراک»، ئو خدا، هم یَه ئو هم اَوَه اژ بِنَ میَری. لار آم اَرِه بی‌عصمتی نیَ، بلکِم اَرِه خداونَ ئو خداون‌یش اَرِه لار، 14 ئو خدا، خداون عیسی اژ مِردیَل زِنیا کِردی ئو ایمِه‌یش وَه قدِرت ووژ زِنیا مِهِه. 15 یانی نِمَذانینو گه لارَلتو عضا مسیحِن؟ یانی عضا مسیح هیزدَم بِهَمونِ عضا ژَن خِراوی؟ هرگِس! 16 یانی نِمَذانینو کسی گه مَکُوءِ ژَن خِراوی دیَر لاری وَه‌گَرد لار اَ ژِنَ ماوَ یَکی؟ اَرِیَگه اِنوم تورات، نُیسیاءَ: «اَ دوءَ موئنَ یِه لار.» 17 مِنتائای کسی گه وَه‌گَرد خداون یَکی ماو، وَه‌گَرد اوءَ ماوَ یِه روح. 18 اژ بی‌عصمتی بِحوان! هر گنای‌تِر گه اِنسو بِهِه، اژ لاری اِدِرَ، مِنتائای کسی گه بی‌عصمتیَ مِهِه اَر لار ووژ گنا مِهِه. 19 یانی نِمَذانینو گه لارتو معبد روح‌القدسَ گه ها نومتون‌اِر ئو هُمَه اَوَه اژ خدا دیرینو؟ ئو هُمَه دیَر هِن ووژتو نیئینو، 20 اَرِیَگه هُمَه وَه خیمتی خِریاینونَ، اِسَه لار ووژتون اَرِه جِلال خدا بیَرِنِ کار. |
@ 2024 Korpu Company