ཏི༌ཏུས༌ 3 - New Testament in Ladakhi Langage

زانگپو اینکھانگون چوس۔

¹ ایمان چانگونلا کھورانگّون وانگثولپا تانگ وانگ یودکھانگونّی لاگا ستادچیس، کھانیانچیس، تانگ توسگیون لاس زانگپو چوچیسّی نانّگا ڈالڈیگ چوستے دوگچیسلا، ایدتو سکول۔

² کھونگونی جانمے سچودپے سکورلا نگانپا مازیرّا، دزینگمو تانگچیسنے تھاگرینّگا دُوگوس۔ اِین نانگ کھونگون جانمے گھوسدومگون سامکھان یانگ لدینبے پاسمو اینکھانبو تشانگمالا ستانکھان ریگ یونگّوس۔

³ توسشیگّا نگاتانگونّانگ سامبا میدکھان تانگ کھامینیان ریگ یودپین۔ جانماگونّی نگاتانگون لام نورسیکا ٹھیدس، یانگ دودپا نگانپا مانگپوجیگ تانگ، دُنیائی سکیدپوگونّی تشیوگ گیور۔ نگاتانگونّی میتشیبوے نانّگا نگانپا تانگ تشیگچیس گنگستے ، جانماگونّی نگاتانگونلا ناپھراد یانگ نگادانگونّیانگ چیگ تانگ چیگّا ناپھراد چوادپین۔

⁴ اِین نانگ ”خُدے نگاتانگی کھوم چُوکھانی شزدے تانگ چیسپاگون سنگونّا زاداتانگ ،

⁵ کھونگی نگاتانگون سکیوبّا زادس۔ تیبو نگاتانگونّی لاس ٹانگپو چوچیسپوے جاستے مانپا، کھونگی سنینگرجے جاستے اینوگ۔ کھونگی نگاتانگی دِیگپاگون ٹھوا زادس، یانگ ہلژخمہ رُوح گیُودتے نگاتانگون یانگسکیار سکیستے، میتشے سوماجیگ سالس۔

⁶ حضرت عیسیٰ مسیحانگاتانگونّی کھوم چُوک کھن گیُودتے ہلژخمہ رُوح بو کھونگی سنینگ پھیستے نگاتانگونّیکا لوگّا زادس۔

⁷ کھونگی شزدے جاستے نگاتانگون ٹانگپو تھیا زادس پاسانگ، نگاتانگونلا خُدے ٹھوگو گیورتے تھامیدپے میتشے تھوبچیسّی ریوا یودتے اینوگ۔“

⁸ تے جالتاگون لدینبے لابجا اینوگ، یانگ نگے دودپا نی، ایمان چان تشانگمے توسپو لاس زانگپو چوچیسّی نانّگا پھودچیسّی پھیا، کھیرانگی تے لابجاگون خُدےنانّگا یونگّوشیسپو تانتان چوچیسپو این۔ تے لابجاگون تشانگمے پھیا زانگپو تانگ پھانتھوگسچانجیگ اینوگ۔

⁹ کھیرانگ کھونگونی میرگیودّی مینگتھوے سکورلا سامبا میدکھانّی ڈابسّی نانّگا ماڈیس، یا یہُودی پے شریعت گون ثونگچیسّی سکورلا دزینگمو تانگ نول مانول۔ تیگونّی پھانمیتھوگس تانگ توس گودلا چھاچیس مانے چانگ مانوگ۔

¹⁰ کالتیس میگونّی کھیرانگّون پھیچیس چونا، لدامجاگ تونگشیگ یانگ لان نییسپانگ، تیبوے ستینگنے کالتیس سیمس ماگیورنا، کھونگون نیامپو ڈیل مابورشیگ۔

¹¹ تیتسوگسی میگون خُدے لدینبا گیابلوگکھان یانگ کھورانگونّی دِیگپے کھورانگّونلا سکیون کالّانوگ۔

ستینگجوگی لابجا تانگ سلام۔

¹² نگے فونو ، ارتمِس یا تُخِکُس نیسکوے نانگنے چیگپو کھیرانگی کا کالّاچیگ، نیکوپولیس گیالسے نانّگا کھیرانگ نگا تُھوگا یونگچیسّی سونڈوس چوس، چیازیرنا نگا تیرو گُونلا دوگچیس تھاگچادتے این۔

¹³ نگے فونو واکیل زیناس یانگ فونو اُپلّوؔس گُون بیسلا چھاچیسّی نانّگا کھیرانگی چیساتھوگنے روگس چوچیسّی سونڈوس چوس۔ کھونگونلا گھوسدوم یودکھان تشانگما تانگستے دوگّا ستوس۔

¹⁴ نگاتانگی فونو گونّی جانما ایمان چانگونّی لدینبے گھوسدومگون ریگستے کھورانگونّی توسپو لاس زانگپو چوچیسّی نانّگا پھودچیس لوبگوس۔ تینے کھونگونی، تونمیدّی میتشے جیگ میپھود۔

¹⁵ یرو یودکھان تشانگمے سلام جُوروگ۔ جوجو تیرو یودکھانّی ایمان چان، نگاتانگونلا چیسپا چوکھانگونلا نگے چھوگسنے سلام جُوس۔ خُدے شزدے بو کھیوجا تشانگمالا سالشیگ ۔