རོམ༌པ༌ 6 - New Testament in Ladakhi Langageدِیگپے وانگبو چاگّا زادس۔ 1 تینے نگاتی چی زیرگوس، خُدے شزدے رگیاس شوگچیسلا، چی نگاتانگونّی دِیگپا چوین چھاگوسّا؟ 2 مانے ماگوس۔ نگاتانگون دِیگپے پھیا شیتے این پاسانگ، تینے نگاتانگونّی تینانّگا میتشے کازوگی پھودین؟ 3 حضرت عیسیٰ مسیح غوتا ای نانّگا ڈیسکھانگونّی کھونگی شیچیسّی نانّگانگ ڈِیستے اینکھانبو، چی کھیوجاگونلا گیوسمیدّا؟ 4 غوتا لینچیس گیُودتے، نگاتانگون مسیحا نیامپو شیتے سوبسکھان ژوگس اینوگ۔ یانگ کازوگ خُدے یابّی شان ّی کھیود گیُودتے، مسیحا شیکھانگونّی ٹونے لانّگا زادپا، تا نگادانگونّیانگ میتشے سوماجیگ پھودتھوبچیس اینوگ۔ 5 کالتیس غوتا لینچیسپوے، نگاتانگون حضرت عیسیٰ سی ڈونگشیسپوے نانّگا ڈیسنا، تینے نگاتانگون کھونگ نیامپو سونتیا لانگچیسپوے نانّگانگ ڈیشیسپو تانتان اینوگ۔ 6 نگاتانگونلا گیوس اینّوگ، دِیگپے وانگبو نگاتانگی میتشیے نانّگا میلوسشیسّی پھیا، نگاتانگونّی سنینگپا دِیگپاچان زوگسپوبو مسیحا نیامپو کیانگشینگیکا کیانگستے اینپین۔ تا نگاتانگون دِیگپے تشییوگا لوسگوشیس مانوگ۔ 7 چیازیرنا نام نگاتانگون مسیحا نیامپو شی، نگاتانگونلا دِیگپے وانگنے تھارپا تھوبتے اینوگ۔ 8 یانگ نگاتانگون مسیحا نیامپو شی پاسانگ، کھونگ نیامپو میتشے پھودچیسپوانگ نگاتانگونلا گیوس اینّوگ۔ 9 تیگون تانتان اینکھانبو نگاتانگونلا گیوس اینّوگ، چیازیرنا مسیحا شیکھانگونّی ٹونے سونتیا لانّگا زادس، کھونگ یانگسکیار مانے میشی، تا شیچیسلا کھونگی کا وانگ میدپا اینوگ۔ 10 نام مسیحا ڈونگس، دِیگپے وانگبو چاگچیسلا کھونگ لانپھوگ چیگ ڈونگس۔ اِین نانگ تا کھونگ سونپو جُوگستے، یانگ کھونگی خُدے سپالّی پھیا میتشے پھودّا زادّانوگ۔ 11 تینّا تسوگسلا کھیوجاگونّانگ دِیگپے وانگی پھیا شیتے یانگ حضرت عیسیٰ مسیح گیُودتے، خُدے سپالّی پھیا میتشے پھودین اینکھانبو سامگوس۔ 12 تینے نگانپے دودپاگونّی کھا مینیانچیسّی پھیا کھیوجاگونّی شیچیسچانّی زوگسپیکا دِیگپا وانگثول ماچوگشیگ۔ 13 کھیوجاگونّی زوگسپوے کھاگچیگّانگ، دِیگپے یوگپو چوین نگانپے لاگچھا ریگّا گیور ماچوگّا، کھیوجارانگون چیساتھوگنے خُدا پھولشیگ۔ چیازیرنا کھیوجاگون شیتے اینپین، اِین نانگ تا کھیوجاگونلا میتشے سوماجیگ یودتے اینوگ۔ تیبویپھیا کھیوجاگونّی زوگسپوبو خُدا سپال تھوبچیسلا اوسپے لاسگون چوچیسّی لاگچھا تسوگسلا کولشیگ۔ 14 تا دِیگپابو کھیوجاگونّی مالِک مانوگ، چیازیرنا کھیوجاگونّی شریعتی نگایوگا میتشے ماپھودّا، خُدے شزدے رانگوانگی نگایوگا میتشے پھودّانوگ۔ 15 تینے چیا، نگاتانگون شریعتی نگایوگا مانپا، شزدے نگایوگا اینچیسپوے دِیگپا چوگوسّا؟ مانے ماگوس۔ 16 کھیوجے کھانیانچیسلا لدامسکھانبوے، کھیوجا یوگپو گیورچیسپو، ہاگوا میراگّا؟ کالتیس دِیگپے یوگپو گیورچوگنا، تیبوے کھیوجاگون نیالوے نانّگا ٹھیداین، اِین نانگ خُدے کھانیانّا، تیبوے کھیوجاگون میتشے ٹانگپوجیگی نانّگا ٹھیدین۔ 17 کھیوجا دِیگپے ت شینا گ اینپین، اِین نانگ تا کھیوجاگونّی نگاجے لابجا تانگکھانگونّیکا سیمس گانگپونے کھانیانچیسپویکا نگے خُدا شُکر جُواد۔ 18 تا کھیوجاگون دِیگپے کانے تھارتے ٹانگپو میتشے جیگ پھودچیسّی تشیوگ گیورتے اینوگ۔ 19 سیمسشوگس میدکھانّی می اینچیسپوے، کھیوجاگونلا ای تشانگما ہاگوچوگچیسلا نگے تشییوگی سپیبو کولّاد۔ سنگونلا کھیوجے، کھیوجارانگون مانگنے مانّگا نگانپا تانگ تشیتو لاس نیسکوے تشیوگ گیورچوگس۔ تا ہلژخمہ گیورچیسّی پھیا کھیوجے رانگ رانگ میتشے ڈانگپوجیگی تشیوگ گیورچوگوس۔ 20 کھیوجاگون دِیگپے تشیوگ این زانے، کھیوجاگونلا میتشے ٹانگپوجیگ پھودچیسّی تشیرکھا مانے میدپین۔ 21 یانگ تیبوے ڈاسبو کازوگشیگ یونگس؟ تا کھیوجاگون تیزوگ چوکھان گونّیکا تسامشیگی ٹھیلبا تشورّانوگ، کابوے ڈاسبو تھامیدپے شیچیسپو اینوگ۔ 22 اِین نانگ کھیوجاگون دِیگپے وانگی یوگنے تھارتے، خُدے تشیوگ گیورتے اینوگ۔ تا کھیوجاگونّی ہلژخمہ چھوگسلا ٹھیدکھانّی لاسگون چوین اینوگ، کابوے ڈاسبو نی تھامیدپے میتشے بُو این۔ 23 دِیگپے لاچھابو نی شیچیس پو اینوگ۔ اِین نانگ نگاتانگونّی حضرت عیسیٰ مسیح گیُودتے خُدے چھونلا سالّا زادکھانّی شزدے نی، تھامیدپے میتشے بُو این۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation