རོམ༌པ༌ 2 - New Testament in Ladakhi Langage

دِیگپا چوچیسپویکا خُدے ٹھیمسچاد۔

¹ کھیوجے تے دِیگپا چوکھانّی میگونلا سکیون رجود چو نیانّانوگ سامّانوگ، اِین نانگ کھیوجانگ تیگون ژوگس دِیگپاچان اینوگ، یانگ خُدے ٹھیمسچادنے تھارمیتھوب۔ کھیوجے جانماگونلا ٹھیمسچاد تانگ زانے کھیوجے کھیوجارانّگا سکیون رجود چوستے اینوگ، چیازیرنا کھیوجیانگ تینّا ژوگس لاس چوستے اینوگ۔

² خُدے ٹانگپو ٹھیمسچادّی نانّگا، تیتسوگس لاس چوکھانگونلا چھادپا سالّا زادچیسپو نگاتانگونلا گیوس اینّوگ۔

³ جانما تیزوگ لاس چوکھانگونلا سکیون رجود چوکھان، کھیوجاگونّیکا خُدے ٹھیمسچاد میبابس چیا سامّاراگ، نام کھیوجیانگ تینّا ژوگس لاس چواد؟

⁴ خُدے نی، کھیوجاگون نیامپو تسامشیگ کاٹینچان، زودسیمسچان تانگ زودپاچان اینکھانبو کھیوجاگونلا تھونّگا میدوگّا؟ کھونگی کاٹینّی گیونتشانبو نی، کھیوجا دِیگپاگونّی کانے گیورتے گیودپا چوچیسلا ٹھیدچیسپو، کھیوجاگونلا ہاگوامیراگا؟

⁵ اِین نانگ کھیوجا سکیونگپو تانگ کھیوجارانگی دِیگپے کانے گیورتے گیودپا میچوچیسپوے، کھیوجے کھیوجارانگیکا جیگسنانگچانّی چھادپا گُون ساگاین اینوگ۔ خُدے تھوگسثوے جاگپو لیبین نام خُدے ٹانگپوے ٹھیمسچادپو سنگونین۔

⁶ خُدے ”می ریریا رانگرانگی لاس نانگجین ٹھیمسچاد زادِین۔“

⁷ خُدے سالّا زادچیسّی سپال، سیوا تانگ مانے میشیچیسّی زوگسپو، زودپا نیامپو لاس زانگپو چوین، تسالکھانگونلا کھونگی تھامیدپے میتشیبو سالّا زادِین۔

⁸ اِین نانگ رانگی پھیا میتشے پھودین، لدینبابو پھانگستے، نگانپے گیابنے ڈولکھانگونلا، خُدے تھوگسثو تانگ چھادپا گُون پھوگین۔

⁹ نگانپا چوین دوگکھانگونلا، ناگس تانگ ردوگنگالّی چھادپا پھوگین، سنگونلا یہُودی پاگونلا تیستینگنے یہُودی مانکھان گونلانگ۔

¹⁰ اِین نانگ زانگپو چوکھان تشانگمالا خُدے چھوگسنے سپال، سیوا تانگ جیدے گُون تھوبین، سنگونلا یہُودی پاگونلا تے ستینگنے یہُودی مانکھان گونلانگ،

¹¹ چیازیرنا خُدے سوانگ چھوگسریس چوا زادّا مانوگ۔

¹² حضرت مُوسیٰؔ سی شریعتی یوگا میدکھان یہُودی مانکھان دِیگپا چوکھان تشانگما خُدے چھادپا سالّا زادِین۔ یانگ حضرت مُوسیٰؔ سی شریعتی یوگا یودکھان یہُودی پا دِیگپا چوکھان تشانگمانگ شریعت نانگجین کھونگی ٹھیمسچاد سالّا زادِین۔

¹³ شریعت تشورچیس چیگپو مانپا، تیگونّیکا لاگلین چوکھانگون خُدے سکوندونلا ٹانگپو تھیا زادِین۔

¹⁴ خُدے شریعت میدکھانّی یہُودی مانکھان گُونی رانگجینلا شریعت نانگجین گھوسدومی لاسگون چو زانے، جان کھونگونلا خُدے چھوگسنے شریعت پو ماتھوبّا اِین نانگ ، تیگون، کھونگونی پھیا ٹھیمسشیگ اینوگ۔

¹⁵ تیگونّی سنینگی نانّگا خُدے شریعت پو ڈِیستے یودکھان ستانّانوگ، چیازیرنا کھورانگونّی سیمس تانگ سامتشول گُونی کھونگونلا سکیونجان یا سکیونمید اینکھانبو ستانّانوگ۔

¹⁶ یانگ ای گاموےناتسُول نگے شادّاد، تے جاگپو لیبین، نام خُدے حضرت عیسیٰ مسیحاگیُودتے می تشانگمے، سانگوے سامتشولگونلا ٹھیمسچاد زادِین۔

یہُودی پاگون تانگ شریعت۔

¹⁷ کھیوجارانّگا یہُودی پا زیرکھانگونّی، خُدے شریعت دیکا ایمان چوستے خُدے نیامپو میگسالّی ڈیلیود زیرتے پھوسو چوانوگ۔

¹⁸ کھونگی تھوکگونگس گُون یانگ اوسپا اینکھانبو، کھیوجاگونلا گیوسیود زیرتے پھوسو چوانوگ، چیازیرنا کھیوجاگونلا کھونگی شریعت پو لابستے اینوگ۔

¹⁹ کھیوجے تانتانلا کھیوجا جاراگونلا لامستانکھان، مونڈیگی نانّگا یودکھانگونلا اوت این، سامّانوگ۔

²⁰ کھیوجے سامبا میدکھان بونگبوگونلا لابجا تانگکھان، ٹھوگو ژوگس چوکھانگونّی پھیا گیرگان این سامّانوگ، چیازیرنا کھیوجاگونّی حضرت مُوسیٰؔ سی شریعت پو گیُودتے کھیوجاگونلا یونتان تانگ ٹانگپو چھاتشانگ یودتے این سامّانوگ۔

²¹ تینے جانما لابکھان، کھیوجاگونّی، کھیوجارانگی لابجاگون چیا نیانّامید؟ جانماگونلا کوماکو زیرتے لابدوگ، چی کھیوجارانگونّی کوادا؟

²² کھیوجے زیرّانوگ، میگونّی رانگی جیدماد مانپا جانما نیامپو لوسڈیل بور ماگوس، چی کھیوجاگونّی جانما نیامپو لوسڈیل بورّادا؟ کھیوجاگونّی سکونڈا چولچیسلا ناپھراد چوانوگ، چی کھیوجے تے سکونڈا بورسے بیت المقدِس نے کوادا؟

²³ شریعت شیسّاد زیرتے مانگستیانگ پھوسو چوکھان کھیوجاگونّی شریعت پو چاگچیس گیُودتے خُدا سیوا ماچوا اینوگ۔

²⁴ ہلژخمہ شوقبُو بوے نانّگا، ”کھیوجے جاستے یہُودی مانکھان گُونی خُدا تتلوکچوستے اینوگ“ مولتے یودکھانبوا نگا ہالاسّا میراگ۔

²⁵ یہُودی پے لوگثول نانگجین لقپہ ہلژخمہ چوچیسپوے پھانتھوگس میدتے اینوگ نامتشوگپا خُدے شریعت گون کھامینیان۔ اِین نانگ کالتیس کھیوجے شریعت پو چاگّادنا، کھیوجا تانگ لقپہ ہلژخمہ ماچوکھانّی یہُودی مانکھان گُونی پارلا چانگ کھیاد میدتے اینوگ۔

²⁶ یانگ کالتیس لقپہ ہلژخمہ ماچوکھان یہُودی مانکھان گُونی شریعت پو کھانیانّادنا، چی خُدے کھونگون کھونگرانگی می این میمولّا؟

²⁷ تانتانلا، لقپہ ہلژخمہ ماچوکھان یہُودی مانکھان گُونی، ٹھیمسلا کھانیانچیسپوے، کھیوجاگونلا سکیون رجود چوستے اینوگ، کاگونلا شریعت تھوب، اِین نانگ کھا مانیانس۔

²⁸ کھیوجا زوگسّی تھوگنے یہُودی پے پھامانے سکیستے اینچیس یا، کھیوجاگونلا یہُودی پے لوگثول نانگجین لقپہ ہلژخمہ چوچیسپوے، کھیوجاگون لدینبے یہُودی پا ریگ گیورّا مانوگ۔

²⁹ اِین نانگ خُدے نیامپو ٹانگپو ڈیل یودکھانبو نی، لدینبے یہُودی پاجیگ اینوگ۔ یانگ لدینبے لقپہ ہلژخمہ چوچیس نی، ٹھیمسلا کھانیانچیسپو مانپا، رانگی سنینگی نانّگا گیورجا کھیونگچیسپو اینوگ۔ یانگ گیورجا یونگکھانّی میجیگی، میگونّے مانپا، خُدے ستودپا جالّانوگ۔