རོམ༌པ༌ 16 - New Testament in Ladakhi Langageحضرت پولُسی کھورانگی دزاوگونلا سلام جوس۔ 1 نگے نگاتانگونّی سپونمو پھوبی زیرکھانبوے سکورلا شادّاد۔ کھو کنخریہ عبادت خانہے نانّگا ژابستوگماجیگ اینوگ۔ 2 خُدے میگونّی ٹوا سیوے اوسپاچان، تے بوموبو مسیح اینچیسپوے گاسوس جْوس ۔ کھوا گھوسدوم یودکھانگونّی نانّگا روگس چوشیگ، چیازیرنا کھوے مانگپوجیگّا روگس چوستے اینوگ، میگسالّی نگا۔ 3 پرِسکِلہ تانگ کھوے ماگپا اکوِلہ، نگے ٹوپا حضرت عیسیٰ مسیح لاس چوکھانگونلا سلام جُوس۔ 4 کھونگونی نگے پھیا کھورانگونّی ثوگپوانگ جیگسپے نانّگا تانگس۔ نگا ماتشاد یہُودی مانکھان گُونی عبادت خانہ تشانگمیانگ کھونگونلا شُکر جُودوگ۔ 5 کھونگونی کھانگپے نانّگا دزومین یودکھانّی عبادت خانہ لانگ نگے سلام جوس۔ نگے چیسپے دزاو ایپھینیٹوسلانگ سلام جُوس۔ کھو نی آسیہ یولجونگسّی نانگنے مسیح گیابنے ڈولکھان تانگپورانگ این۔ 6 کھیوجاگونّی پھیا ماثانٹے لاس چوسکھان سپونمو حضرت مریم نگے سلام جُوس۔ 7 نگے ٹوپا یہُودی پا اینڈونیکوس تانگ یونیا گُونلا سلام جُو، کاگون نگا نیامپو تسونکھانگی نانّگا یودپین۔ مسیح رسُول گُونی کھونگونلا ما سیوا چوانوگ، کھونگون نگے سانگ سنگونلا مسیح گیابنے ڈولکھان ریگ گیورتے اینپین۔ 8 مسیح اینکھان نگے چیسپے دزاو ایمپیلیاٹوسلانگ سلام جُوس۔ 9 مسیح نانّگا لاس چوکھان نگاجے ٹوپا فونو وربانوس تانگ نگے چیسپے دزاو ستاگیسلانگ سلام جوس۔ 10 نگے مسیح جابستوگی نانّگا ایمان چان تھیاکھان اپیلیسلا سلام جوس۔ یانگ اریستوبولوسّی کھانگپے نانّگا دوگکھانّی ایمان چانگونلانگ سلام جوس۔ 11 نگے یہُودی پا ٹوپا ہیرودیونلانگ سلام جُوس۔ نارسیسوسّی کھانگپے نانّگا دوگکھانّی مسیح میگونلانگ سلام جُوس۔ 12 مسیح پھیا لاس ثانٹے چوکھان سپونمو ٹیپھینا تانگ ٹیپھوسا گُونلا یانگ مسیح پھیا ماثانٹے لاس چوسکھان سپونمو چیسپے پارسیسلانگ سلام جُوس۔ 13 ہالاسشیسچان مسیح پا، فونو روپھوس تانگ کھوے اما، کابوے نگا بُوژا ژوگس تھیادپین، کھونگون لانگ سلام جوس۔ 14 اسینٹیٹوس، پھیلیگون، ہارمیس، پیٹوباس، ہارماس، یانگ کھونگون نیامپو دزومکھانّی فونو گُونلا سلام جُوس۔ 15 پھیلولوگوس، یولیا، نیروس تانگ کھوے سترِنگمو یانگ اولیمپاس تانگ کھونگون نیامپو دزومکھانّی ایمان چان تشانگمالانگ سلام جوس۔ 16 چیگ تانگ چیگّا چامسپا نیامپو سلام جوس۔ مسیح عبادت خانہ تشانگمے کھیوجاگونلا سلام جوروگ۔ حضرت پولُسی ستینگجوگی لابجا۔ 17 یانگ نگے لے فونو گون، ای جووابو نیانچیسلا نگے سپوسپا تانگید۔ عبادت خانہے نانّگا پوبودکھان تانگ کھیوجا لابکھانّی لابجے گولوگپو لابکھان گُونی کانے شانگ چوشیگ۔ تیگونّے تھاگرینّگا دوگشیگ۔ 18 تے میگونّی نگاتانگونّی مسیح جابستوگ ماجوا، کھونگرانگونّی پھانتھوگسّی پھیا لاس چوستے اینوگ، سپیرنا کھاسپا سپیرا تانگ لچے کولتے کھونگونی نونگسمید میگونلا گوبسکور تانّگانوگ۔ 19 اِین نانگ کھیوجاگون مسیح کھانیانکھان اینکھانبو تشانگمالا گیوس اینّوگ، تیبوے نگا ما تھادپو یونگچوگس۔ کھیوجاگون زانگپو چوچیسّی نانّگا شیسرابسچان تانگ نگانپے تھوگنے نونگسمید یونگّوشیسپو نگے دودپا این۔ 20 جیدیے خُدے گیوگسپا شیطان کھیوجے کانگپے یوگا ٹھیسّتور چوا زادِین۔ نگاتانگونّی حضرت عیسیٰ مسیح شزدے بو کھیوجاگون نیامپو لوسشیگ۔ 21 نگے ٹوپا لاس چوکھان تِیمُتھیُس کھیوجاگونلا سلام کالدوگ، تینّا تسوگسلا لوکیوس، یاسون تانگ، سوسیپاتار نگے ٹوپا یہُودی پا فونو گونّیانگ سلام کالدوگ۔ 22 حضرت پولُسی پھیا ای ایگے ڈیکھان نگا، تارتیوس مسیح گیابنے ڈولکھانبوینگ سلام کالّاد۔ 23 گیُسی کھیوجاگونلا سلام جُوروگ۔ کھوے نگا کھورانگی کھانگپا دوگچوگین اینوگ، یانگ یرو یودکھانّی عبادت خانہ گانگپوانگ کھورانگی کھانگپے نانّگا دزومچوگین اینوگ۔ اِراستُس، گیالسے بانگدزودّی کھاگکھورپا تانگ نگاتانگونّی فونو کیورٹوس گُونی سلام کالدوگ۔ 25 تا خُدا ستودپا پھولشیگ۔ کھونگ نی کھیوجاگون ایمانی نانّگا شیدچان زادتھوبکھان این، کازوگ نگے گاموےناتسُولّی نانّگا شادس۔ حضرت عیسیٰ مسیح سکورلا ای لونبوے، کھیوجا یہُودی مانکھان گُونی پھیا کھونگی تھابسلدینگسپو سنگون چوگّا زادس، کا بو توسّی گوزوگنے پھارلا سانگوے نانّگا بورّا زادتے یودپین۔ 26 اِین نانگ یہُودی مانکھان تشانگمے ایمان چوستے کھانیانچیسّی پھیا داگسا تھامیدپے خُدے حُکم سالتے، پیغمبر گونّی لونگستانگون گیُودتے، کھونگونلا تے لونبو سنگون چوگّا زادتے اینوگ۔ 27 حضرت عیسیٰ مسیحاگیُودتے شیسرابسچانّی خُدے چیگپوا توسگیون سپال تھوبشیگ، امین ۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation