རོམ༌པ༌ 12 - New Testament in Ladakhi Langageخُدے پھیا میتشیے چھودپا۔ 1 نگے لے فونو گون، خُدے کھیوجاگونلا سنینگرجے زادچیسپوے، کھیوجے زوگسپو کھونّگا چھودپا پھولچیسلا، نگے جوجو جوین جُووا پھولّاد، تے زوگسگون سونپو تانگ ہلژخمہ چھودپا یونگّوس، کابوے کھونگ تھوگستھادّا زادچوگاین۔ تینّابو لدینبے کھونّگا چولچیسپو اینوگ۔ 2 ای دُنیائی سچودلام تانگ لوگثول گُونی لانمو ماچوشیگ۔ اِین نانگ خُدا کھیوجارانگی سامتشولّی نانّگا گیورجا کھیونگ چوگّا زادتے کھیوجارانگون می سوما ریگّا گیورّا زادچوگشیگ۔ تینے کھیوجاگونّی پھیا خُدے تھوگّونگسپو گیوسچھین، کا بو زانگپو، تھادپو تانگ دزومسپو اینوگ۔ 3 نگا سالّا زادکھانّی شزدے گیُودتے، نگے کھیوجا ریرے زیرّاد، کھیوجارانگ لدینبا اینکھانبوے سانگ گیاسپا ریگ این سام ماگوس۔ کھیوجاگونّی خُدے سالکھانّی ایمانی تابچیسّی تشادپو کولتے، کھیوجارانّگا ٹھیمسچاد زانے، ٹانگپو زیرشیگ۔ 4 کازوگی نگاتانگونّی زوگسپوا یانلاگ مانگپوجیگ یود، یانگ ریریے سوسو لاس ریگ چوانوگ۔ 5 تینّا تسوگسپو مسیح سکوزوگس، نگاتانگی عبادت خانہ پو اینوگ۔ نگاتانگون زوگسپو چیگی یانلاگ مانگپوجیگ اینوگ، یانگ نگاتانگ تشانگما چیگ تانگ چیگی اینوگ۔ 6 خُدے کھونگرانگی شزدے نانگجین نگاتانگونلا کھیود سناتشوگس ریگ سالّا زادتے اینوگ۔ کالتیس میجیگّا لونگستان شادچیسّی کھیود یودنا، تیبو کھوا، کھورانگی ایمان تانگ ستونتے کولچوگ۔ 7 کالتیس تیبو جابستوگ جوچیس اینّا، کھوا جابستوگ ژوچوگ۔ کالتیس تیبو لابجا تانگچیس اینّا، کھوا لابجا تانگچوگ۔ 8 کالتیس تیبو سپوسپا تانگچیس اینّا، کھوا سپوسپا تانگچوگ۔ کالتیس تیبو جانگونلا روگس تانگچیس اینّا، کھوا سنینگ پھیستے تانگچوگ۔ کالتیس تیبو عبادت خانہ لا گوٹھید چوچیس اینّا، کھوا تے کھاگپو ما سونڈوس نیامپو چوچوگ۔ کالتیس تیبو سنینگرجے ستانچیس اینّا، کھوا تھادپو نیامپو چوچوگ۔ 9 جانماگونلا چیسپا چوزون ماتانّگا، لدینبا چیسپا چوشیگ۔ نگانپا تشانگمالا ناپھراد چوشیگ۔ زانگپو اینکھانبوا تھامستے دوگشیگ۔ 10 چیگ تانگ چیگّا نگوسمے مینگثینگ ژوگس چیسپا چوشیگ۔ چیگ تانگ چیگّا رانگی سانگ مانّگا سیوا چوشیگ۔ 11 لاسمیلام ماگیورّا، سونڈوس ثانٹے چوین، مسیحا جابستوگ، دودپا چھینمو نیامپو ژوشیگ۔ 12 ریواے نانّگا گامو چوشیگ۔ ناگسّی نانّگا زودپا چوشیگ۔ دُعا جوچیس مانے ماپھانگشیگ۔ 13 خُدے میگون گھوسدومی نانّگا یود زانے، کھونگونلا روگس چوچیسلا ڈالڈیگ دوگشیگ۔ رانگی کھانگپا توسگیون بیسپاگونّی پھیا پھیستے بورشیگ۔ 14 کھیوجا ردوگنگال ستانکھانگونلا برکت تونگشیگ، تیگونلا نگان ماتابشیگ۔ خُدے کھونگونلا برکت سالّا زادچیسلا دُعا پھولشیگ۔ 15 سکیدپو چوکھانگون نیامپو سکیدپو چوشیگ۔ ردوگپو چوکھانگون نیامپو ردوگپو چوشیگ۔ 16 چیگ تانگ چیگ نیامپو تھونتے دوگشیگ۔ پھوسو ماتشورّا می نیامشونگون نیامپو ڈیشیسلا تھادگوس۔ یانگ کھیوجاگونلا چیتشانگما شیسّاد ماسامشیگ۔ 17 نگانپا چوکھانجیگی لانلا نگانپا ماچوشیگ۔ جانما تشانگمے سیواچان تھیکھانّی لاس ریگ چوشیگ۔ 18 تشانگما نیامپو جیدیے نانّگا دوگچیسلا کھیوجے سونڈوس ثانٹے چوشیگ۔ 19 چیسپے دزاوگون، نگانپا لان ماتانّگا، تیبو خُدے تھوگسثوے پھیا بورشیگ، چیازیرنا ہلژخمہ شوقبُو بوے نانّگا مولتے اینوگ، ”نگے لانتانگین۔ نگے کھونگونلا لوگستے لانتانگین۔“ مسیح مولس۔ 20 ماتشاد لانّی تشابسلا، ”کالتیس کھیوجے ڈاو گون ستوگسّادنا، کھونگونلا زاچیس تونگشیگ۔ کالتیس کھونگون سکومسّادنا، کھونگونلا تھونگچیسلا چھو تونگشیگ۔ تیزوگ چوچیسنے، کھیوجے کھونگونی گوے کھہ مے ردوق سپونگستے اینوگ۔“ 21 کھیوجیکا نگانپا گیالتھوب ماچوگشیگ، اِین نانگ لاس زانگپو گیُودتے کھیوجے کھیوجارانّگا نگانپیکا گیالتھوب چوگشیگ۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation