یونگچیسچانّی دوس 22 - New Testament in Ladakhi Langageیرُوشلم شہری حالت پو۔ 1 تینے فرشتابوے نگا، سروک تانگکھانّی چھو گیوگکھان لژانگسپو ، شیل تسوگسّی لاگمو، خُدے تانگ لوگوی جُوگسٹھیسّی کانے بینگکھانبو ستانّا زادس۔ 2 تیبو تُھورلا گیالسے کھاگچان ثانگی سکییلنے گیوگدوگ، یانگ لژانگسپو ے لدالدو نییسکوا سروک تانگکھانّی لچانگما سکیستے دوگ، کابوا لو چیگی نانّگا ستونتھوگ چوگنییس سمیندوگ۔ لزاوا ریرے نانّگا ستونتھوگ ریرے، یانگ تیبوے لوماگون، گیالکھاگگون پھانچیسّی پھیا سمانّی تشولّا کولدوگ۔ 3 خُدے رنگانتابّا زادکھانبو میدکھان چھین، چیازیرنا خُدے تانگ لوگوی ژوگسٹھیسگون تیرو یودتے اینوگ، یانگ کھونگی ژابستوگپاگونّی کھونّگا چولین۔ 4 کھونگونی خُدے ژالدونگ جالین، یانگ کھونگی تشان کھونگونی تھودپیکا ڈیاین۔ 5 تیرو تشان مانے مییونگ، یانگ کھونگونلا سکیونگتسے یا نییمے اودّی گھوسدوم مییونگ، چیازیرنا مسیح خُدے کھونگونی اوت پو اینوگ۔ کھونگونی گیالپوگون تسوگسلا تُوسگیُونّے گیُون وانگثولین۔ 6 تینے فرشتابوے نگا مولس، ”کھیورانّگا تشورکھانگون ایمان چان تانگ ٹانگپو این۔ پیغمبر گونلا شادچیسّی لونگون سالّا زادکھانّی مسیح خُدے، گیوگسپا چونگچیسچان گُون شادچیسلا کھونگی فرشتابو، کھونگرانگی ژابستوگپاگونلا کالا زادس۔“ حضرت عیسیٰ سی سکیودّوگ۔ 7 لوگوی مولس، ”ستوسشیگ نگا نی گیوگسپا یونگین۔ ای شوقبُوئ مایونگ لونگستان زادکھان گُون، کھانیانکھانگون برکت چان این۔“ 8 ای تشانگما نگا یوحنّانی تشور یانگ تھونگ۔ تیگون تشورّاچیگ یانگ تھونّگاچیگ، نگا تیگون ستانّا زادکھانّی فرشتابوے جابسّی لدُونلا چھاگپھولچیسلا گییلپین۔ 9 اِین نانگ کھونگی نگا مولس، ”مان؛ نگا تیزوگ ماچو۔ نگانگ کھیرانگ تانگ کھیرانگی فونو پیغمبر گون تسوگسلا، خُدے یوگپوجیگ این، ماتشاد ای شوقبُوئ نانّگا ڈِیستے یودکھان ثونگکھانگونّانگ۔ خُدے چیگپوا چول۔“ 10 تینے کھونگی نگا مولس، ای شوقبُوئ نانّگا ڈِیستے یودکھانّی مایونگ لونگستانگون سانگوے نانّگا مابور چیازیرنا یگون ڈانڈا ڈوبچیسّی توسپو نیمو دوگ۔ 11 نگانپا چوکھانگونلا نگانپا چوچیسنے ماگھاگ، لاس سوگپو چوکھانگونلا لاس سوگپو چوچیسنے ماگھاگ، ٹانگپو چوکھانگونلا ٹانگپو چوچیسنے ماگھاگ، ہلژخمہ اینکھانگون ہلژخمہ گیورچیسنے ماگھاگ۔ 12 حضرت عیسیٰ سی مولس، ”ستوسشیگ، نگا گیوگسپا یونگین، یانگ می ریریا رانگرانگی لاس نانگجینلا تانگچیسّی شزدے نگے کھیونّگاد۔ 13 نگا نی الپھا تانگ اومیگا، ٹانگپو تانگ تھاما، گوزوگ تانگ ستینگجوگ این۔ 14 کوسگون غوتا تے کھورانگ ژانگما چوکھانگون برکت چان این۔ کھونگون گیالسے نانّگا گیاسگھوگون گیُودتے چھاچوگّا زادتے سروک سالکھانّی لچانگمے کانے کھازاسگون زین۔ 15 جادُو چوکھان، لوسڈیل نگانپا چوکھان، میساد، سکونڈا چولکھان، زونما ہلژخمہ میتشے پھودکھان، تے کھیی تسوگسگون گیالسے پھیلوگا لوسین۔ 16 ای لونگون عبادت خانہ گونلا شادچیسّی پھیا نگا حضرت عیسیٰ، نگارانگی فرشتا کھیرانگی کا کالپین۔ نگا نی گیالپو داؤد تانگ کھوے اولاد چونگچوگکھان، یانگ ناملانگسّی سکارما لدانگشان زیرکھانبو این۔“ 17 ہلژخمہ رُوح تانگ مسیح باگما (یانگنا کھونگی عبادت خانہ) گُونی زیردوگ، ”یونگشیگ۔“ ای لون تشورکھانگونلانگ زیرچوگ، ”یونگشیگ۔“ سکومسکھانگون یونگچوگشیگ، یانگ تھونّگا تھادکھانگونلا سروک تانگکھانّی چھو چھونلا تھونگچوگشیگ۔ 18 ای شوقبُوئ نانّگا ڈِیستے یودکھانّی مایونگ لونگستانّی سپیرا تشورکھانگونلا نگا یوحنّانی سپانگپوداین زیرّاد۔ ای شوقبُوئ نانّگا ڈیسکھانگونّیکا تھیبا ساگستے ڈیکھانگونلا خُدے ای شوقبُوئ نانّگا ڈِیستے یودکھانّی ردوگنگال گُون سالین۔ 19 یانگ ای شوقبُوئ نانّگا ڈِیستے یودکھانّی مایونگ لونگستانگونّی نانگنے تھینتے ماڈیکھانگونّی کانے خُدے ای شوقبُوئ نانّگا مولکھانّی سروک تانگکھانّی لچانگمے سکالّا تانگ ہلژخمہ گیالسے نانّگا دوگچیسّی تھوبتانگبو تھینّا زادِین۔ 20 ای ڈیسکھان تشانگمے ایمان چانّی گواہ سالّا زادکھانّی مولّا زاد، ”اونا نگا گیوگسپا یونگین۔“ نگا یوحنّانی زیرپین، ”امین، کیے حضرت عیسیٰ مسیح سکیودّا زاد۔“ 21 حضرت عیسیٰ مسیح شزدے خُدے میگون نیامپو لوسشیگ، امین ۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation