یونگچیسچانّی دوس 17 - New Testament in Ladakhi Langage

زوگستسونگما تانگ جیگسنانگچانّی سیمسچان۔

¹ گورمو یودکھانّی فرشتا ردونّی ٹونے چیگ نگا یودسا سکیودتے مولس، ”ایرو یونگ، لژانگسپو مانگپوے تھاما چھاگستے یودکھانّی مینگچان بومو زوگستسونگما چھادپا پھوگچیسپو کھیورانّگا نگے ستانین۔

² دُنیائی گیالپو تشانگمے، تے بومو نیامپو لوسڈیل نگانپا چوس، یانگ راروسکھانجیگ، سامبا میدکھان گیورّا تسوگسلا دُنیائی می ایمان میدکھان گُون، تے بوموے سچودپا نگانپے ستینگرانگنے سونگ۔“

³ رُوحانی نانّگا نگا تے فرشتابوے ریستونگجیگّا ٹھیدتے کھیرّا زادس۔ تیرو نگا جیگسنانگچانّی سیمسچان مارپوجیگّا ژونکھانّی بوموجیگ تھونگ، تے سیمسچانبوا گو ردون تانگ ریچو رچُو دوگ، یانگ زوگسپو گانگپویکا خُدا نلوق چھوکھاننّی مینگّون ڈِیستے دوگ۔

⁴ تے بوموے مارپو تانگ سنگونپو دوگی کوس ما لدیموجیگ گونتے سیر، موتیگ، رینچان ٹاردو یودکھانّی گیانچھا تاگستے لاگپے نانّگا کھوے لوسڈیل نگانپے کھاملوگ تانگ تشیتو لاسگون گنگستے یودکھانّی سیرّی کورے کھورتے دوگ۔

⁵ تے بوموے تھودپیکا ہاگوچیسلا ما کاگسپو یودکھانّی، مینگجیگ ڈِیستے دوگ۔ تیبو نی، ”مینگچان بابلی گیالسا جیگسپوبو نی زوگستسونگما بوموگون تانگ دُنیائی می گونّی کھاملوگ لاسگونّی اما اینوگ۔“

⁶ نگے تھونگ، تے بوموبو خُدے میگونّی ٹھاق تھونگستے راروستے دوگ، کاگون حضرت عیسیٰ سی گواہ تانگچیسپوے سادتے اینپین۔ تیبو تھونگتے نگا ہالاس یانگ ہانڈانگ سونگ۔

⁷ فرشتے نگا مولس، ” کھیرانگ چیا ہالاستے ہانڈانگ چھاد؟ نگے کھیورانّگا تے بوموبو تانگ کھو ژونتے یودکھانّی گو ردون تانگ ریچو رچُو یودکھانّی جیگسنانگچانّی سیمسچان نیسکوے سانگوابو ہاگوچوگین۔

⁸ کھیرانگی تھونگکھان جیگسنانگچانّی سیمسچانبو سنگونماجیگ سونتیا یودپین، داگسا میدتے اینوگ، اِین نانگ کھو تھامانے میدکھانّی سادونگ تینگچانّی نانگنے بینگین، یانگ خُدے کھو توسگیونّی پھیا ٹھیسّتور زادِین۔ دُنیا مالدانی سانگ سنگونلا، تھامیدپے میتشیے شوقبُوئ نانّگا مینگ ڈِیستے میدکھان دُنیائی می گونّی تے جیگسنانگچانّی سیمسچانبو تھونّگاچیگ ہالاسین، چیازیرنا کھو سنگونماجیگ یودپین، داگسا میدتے اینوگ، اِین نانگ یانگسکیار یونگین۔“

⁹ فرشتے تارُوانگ مولس، ”یگون ہاگوچیسلا کھیوجاگون شیسرابسچان ریگ یونگّوس۔ جیگسنانگچانّی سیمسچانی گو ردونکو نیری چھونگون ردون اینوگ، کابویکا تے بوموبو دُوگستے وانگثولّاد۔ تے گو ردونکو نی گیالپو ردونّانگ اینوگ۔

¹⁰ گیالپو ثنا بو شیتے ڈوگپابوے وانگثولین اینوگ، یانگ ردونپابو نی بینگچیس اینوگ۔ اِین نانگ کھوے وانگثولچیسّی توسپو نیونگونجیگ مانے مییونگ۔

¹¹ سنگونماجیگ سونتیا یودکھان جیگسنانگچانّی سیمسچان مارپو، اِین نانگ داگسا میدکھانبو نی گیالپو گیادپابو اینوگ۔ کھوے جان ردونکو تسوگسلا وانگثولین، اِین نانگ خُدے کھوانگ ٹھیسّتور چوا زادِین۔

¹² کھیورانّگا تھونگکھانّی راچو رچوبو نی تارُونگ تشوگپا وانگ ماثولکھانّی گیالپو رچُو اینوگ۔ یانگ تیگونلا جیگسنانگچانّی سیمسچان نیامپو توس نیونگونجیگی پھیا وانگثولچیسلا وانگچھا تانگین۔

¹³ تے گیالپوگونّی جیگسنانگچانّی سیمسچانلا کھورانگونّی کھیود تانگ وانگچھاگون تانگچیسلا کھاچھامساین۔“

لُوگوا گیالکھا تھوب۔

¹⁴ جیگسنانگچانّی سیمسچان تانگ گیالپو رچُوکوے لوگُو نیامپو ماگ تانگین، اِین نانگ لوگُوا تیگونّیکا گیالکھا تھوبین۔ چیازیرنا کھونگ نی مسیح تانگ گیالپوگونّی گیالپو جُوگستے اینوگ۔ کھونگی بودّا زادتے لدامّا زادتے کھونگی نانّگا ایمان چوکھانگون کھونگ نیامپو دوگین۔

¹⁵ تینے تے فرشتابوے نگا مولّاراگ، تے زوگستسونگما دُوگستے یودکھانّی لژانگسپو گون نی میگون، میتشوگسگون، گیالکھاگگون تانگ سکادریگسگون اینوگ۔

¹⁶ ریچو رچُو تانگ جیگسنانگچانّی سیمسچانی، تے زوگستسونگما ناپھراد چوین۔ کھونگونی کھوے کانے چیتشانگما کوگستے کھو لجیرنیال چوین، یانگ کھوے شاگون زوستے لاگلوسگون میا ثاگاین۔

¹⁷ خُدے تھوگستھادپو ڈوبچیسلا، کھونگی تے وانگثولپاگونّی سنینگی نانّگا تھابشیگ لدینّگا زادس۔ خُدے حُکم گون ڈانڈا ڈوبچیسّی پھیا کھونگونی وانگچھاگون جیگسنانگچانّی سیمسچانبوا تانگچیسلا کھاچھامس چوگّا زادِین۔

¹⁸ یانگ کھیرانگی تھونگکھانّی بوموبو نی دُنیائی گیالپو گونّیکا وانگثولین یودکھانّی گیالسا جیگسپوبو اینوگ۔