یونگچیسچانّی دوس 13 - New Testament in Ladakhi Langage

گیاتشوے نانگنے بینگکھانّی سیمسچان جیگسنانگچان۔

¹ تینے نگے جیگسنانگچانّی سیمسچانجیگ گیاتشوے نانگنے بینّگا تھونگ۔ تے سیمسچانبوا گو ردون تانگ ریچو رچُو دوگ۔ ریچو ریریکا تاج یانگ گو ریریکا خُدے گیابگالّا تتلوک چوسکھانّی مینگ ڈِیستے دوگ۔

² تے جیگسنانگچانّی سیمسچانبو شان ژوگس، کانگپاگون ڈینمو یانگنا بالوی کانگپا تانگ کھابو سینگیے کھا ژوگس دوگ۔ ڈُوگپوے کھورانگی ستوبس، ٹھیس تانگ وانگ چھینمو تشانگما تے سیمسچانبوا تانگس۔

³ تے سیمسچانی گو چیگیکا شیچوگچیسّی سماکھاجیگ تھونگ، اِین نانگ تے سماکھابو سوبستے گیال، یانگ دُنیائی می ایمان میدکھان تشانگمے تیبو تھونگتے ہالاسین تے سیمسچانبوے ستینگرانگنے سونگ۔

⁴ ڈُوگ پوے رانگی وانگچھابو تے سیمسچانلا تانگس پاسانگ، میگونّی تے ڈوگپوا چولس۔ میگونّی سیمسچانلانگ چولین زیرس، ”سو ای سیمسچان ژوگس ٹاگپو این؟ کھوے گیابگالّا نولچیسّی کھیود سُوا یود؟“

⁵ تے سیمسچانبوا خُدے گیابگالّا تتلوکژوچیسّی گونگسپا یانگ لزاوا 42 تساگپا کھوے چیجیگ چوین سامنانگ چوچیسّی وانگچھا سالس۔

⁶ کھوے خُدے تشان، کھونگ جوگسے ناسّا تانگ کھونگ نیامپو نامکھے نانّگا جُوگسکھان تشانگمے گیابگالّا دادلوگی سپیرا زیرس۔

⁷ کھوا خُدے میگون نیامپو ماگ تانگچیس تانگ تیگونّیکا گیالکھا تھوبچیسّی کھیود تانگستے دوگ۔ یانگ کھوا میریگس، میگون، سکادریگس تانگ گیالکھاگ تشانگمیکا وانگثولچیسّی وانگچھا تانگستے دوگ۔

⁸ دُنیا مالدانی سانگ سنگونلا، سادکھانّی لوگوی تھامیدپے میتشیے شوقبُوئ نانّگا مینگ ڈِیستے میدکھانّی دُنیائی می گونّی تے سیمسچانبوا چولین،

⁹ نامچھوگ یودکھانگونّی نیونشیگ۔

¹⁰ تسونلا کاگچوگّا زادچیسچانگون تسونلا کاگین۔ یانگ رایَ نیامپو سادچیسچانگون رایَ نیامپو سادین۔ تینّابویپھیا خُدے میگون زودپا نیامپو ناگھسباردو کھورین ایمانی نانّگا ستانپو لوسگوسین۔

سے نانگنے بینگکھانّی سیمسچان جیگسنانگچان۔

¹¹ تینے نگے سے نانگنے یانگ جیگسنانگچانّی سیمسچانجیگ بینّگا تھونگ، کھوا لوگوی ریچو ژوگس نیس دوگ، اِین نانگ کھوے سکادپو ڈُوگی سکاد ژوگس راگ۔

¹² کھوے جیگسنانگچانّی سیمسچان تانگپوبوے شید تانگ وانگ گُون کولتے، دُنیائی می گونلا تینّا جیگسنانگچانّی سیمسچان ٹانگپو، شیچیسچانّی سماکھا یودتے گیالکھانبوا چولچوگس۔

¹³ یانگ جیگسنانگچانّی سیمسچان نیسپے مینڈا مینڈا معجزہ ستاگس گُون ستانس، سپیرنا میگونّی میگی لدُونلا نامکھانے میگون دُنیائیکا بودچوگچیسّانگ۔

¹⁴ جیگسنانگچانّی سیمسچان تانگپوے تشابسلا ستاگس گُون ستانتے، کھوے دُنیائی می گونلا کھوا چھوگس چوچیسلا گوبس سکورس۔ تینے تیگونلا رایَ گیابسکھانّی سماکھا یودتیانگ سونتیا لوستے اینکھانّی جیگسنانگچانّی سیمسچان تانگپوے سکونڈا چوچیسّی کا تانگس۔

¹⁵ سپیرا تانگ نیانچیسّی پھیا کھوا تے سیمسچانی سکونڈابوے نانّگا سروک تانگچیسّی وانگچھا سالس، تینے تے سکونڈابوے کھوا ماچولکھان تشانگما سادچیسلا کا تانگس۔

¹⁶ کھوے نیامشونگ تانگ جیگسپو، چھوگپو تانگ نیالباچان، رانگوانگچان تانگ تشییوگ، تشانگمے تھودپا یا لاگپا یاسپیکا وانگ تانگستے ستاگس شیگ چوس۔

¹⁷ تے ستاگس پو یودتے مانے سوجیگّانگ نیوبتشونگ تانگ نیانّا میدپین۔ تے ستاگس پو جیگسنانگچانّی سیمسچان تانگپوے مینگ یا کھوے مینگی انگ یانگنا نامباربو اینوگ۔

¹⁸ تے ستاگس پوے تونتاگ ہاگوچیسلا سیلکھانگون شیسرابسچان یونگّوس۔ ای ستاگس پو میجیگی انگبو اینوگ۔ یانگ تے انگبو نی 666 اینوگ۔