پھیلیپیپا 3 - New Testament in Ladakhi Langageخُدے تھوگستھادچیسّی لدینبے لام۔ 1 ستینگجوگا، نگے فونو گون، مسیح نانّگا تھادپو چوشیگ۔ کھیوجا ای سپیراگون لدابستے شادچیسلا نگا سونچیس میراگ۔ ایبو کھیوجاگونّی ثونگسکیوبّی پھیا اینوگ۔ 2 کھیی ژوگس، نگانپا لاس چوکھان، تھارپا تھوبچیسّی پھیا لقپہ ہلژخمہ چوگوس زیرکھانّی ای یہُودی پاگونّی کانے شانگ چوسشیگ۔ 3 نگاتانگ نی۔ سیمسلا لقپہ ہلژخمہ زادتے خُدے لدینبے میگون، کھونگی رُوح گیُودتے چولکھان، حضرت عیسیٰ مسیح نگاتانگی پھیا زادکھانگونلا ستودپا پھولکھان تانگ دُنیائی می لوگثولگونّیکا لوکھیل ماچوکھانگون اینوگ۔ 4 تیتسوگسی دُنیائی می لوگثولگونّیکا نگیانگ لوکھیل چونیانچیس یودپین۔ کالتیس سوجیگّا تے لوگثولگونلا لوکھیل چوچیسّی گیونتشان یودنا نگانگ ما مانّگا یود۔ 5 سپیرنا سکیستے جاگ گیادپے جاگّا نگا لقپہ ہلژخمہ چوس، نگا بنی اِسرائیل پا این، نگا بنی اِسرائیلی سیواچانّی میریگس بِنیمِینؔ زیرکھانّے این، نگاتانگ نگے اتا اپو تشانگما عِبرانی پا این، شریعت ریرے گیالّا چوستے ثونگکھانّی شریعتی سدے فریسی پا زیرکھانبوے نانگنے نگانگ اینپین، 6 خُدے پھیا سیمسشوگس نیامپو نگے حضرت عیسیٰ سی عبادت خانہ گونلا ناگس ستانپین، یہُودی پاگونّی شریعت نانگجین نگا سکیونمیدجیگ اینپین۔ 7 اِین نانگ کاگون نگے سنگونلا ما رینچان سیادپین، تا نگے داگسا رینمید سیاد چیازیرنا نگے پھیا مسیحا ڈونگسّا زادس۔ 8-9 اونا نام نگے ما رینچان حضرت عیسیٰ مسیح ا نگوشیشیسپو نیامپو لدورنا تے تشانگما چانگ رین میدتے اینوگ۔ کھونگ نیامپو ڈیل یودچیس تانگ کھونگی اینچیسّی پھیا نگے تے تشانگما کھییمسا ژوگس سیستے، پھانگ تشارتے این۔ یہُودی پے شریعت گون کھانیانچیسپو مانپا مسیح کا ایمان کھیونگچیسپو گیُودتے نگا ٹانگپو تھیازادتے این، چیازیرنا خُدے لدُونلا نگاتانگ ٹانگپو اینچیسپو نی ایمانی کا راگلاستے اینوگ۔ 10 نگا مسیحا شیشیس یانگ شیکھانگونّی ٹونے سونتیا لانّگا زادکھانّی خُدے تے وانگ ٹاگپوے تھونّگومس چھانیینراگ۔ مسیحا نیامپو ردوگنگال تھونگتے کھونگی ڈونگشیسّی نانّگا ڈیس نیینراگ 11 نگانگ شیکھانگونّی ٹونے سونتیا لانّگا زادچیسّی ریوے نانّگا نگے تیگون چواد۔ ریوے چھوگسلا چھاچیس۔ 12 نگے نگارانگی ریوابو ڈوبتشارتے این یا، نگا مسیحا ژوگس گیورتے این زیرّامید۔ اِین نانگ نگے کھونگ ژوگس گیورچیسلا سونڈوس ما گیالّا چواد، چیازیرنا حضرت عیسیٰ سی کھونگی نگا لدامّا زادتے اینپین۔ 13 نگے فونو گون، نگا تے تسوگسّی می تارُونگ ماگیورّا این۔ اِین نانگ نگے سنگونما تشانگما رجیدتے یونگچیسچانّی توسّی پھیا سونڈوس ثانٹے چواد۔ 14 بانگلدورّی نانّگا بانگتانگکھانگون ستینگجوگی تھیگ تشوگپا بانگیوگس تانّگا تسوگسلا، خُدے حضرت عیسیٰ مسیح گیُودتے بودّا زادکھانّی نامکھے شزدے چھوگسلا نگیانگ بانگیوگس تانّگاد۔ 15 نگاتانگ رُوحانی نانّگا لدانکھان تشانگمے نگے لابکھانگونّیکا کھاچھامس گوشیس اینوگ۔ کالتیس کھیوجے نانگنے سوجیگی سامتشول تیسانگ سوسو یودنا، خُدے کھونگونلا لدینبے لامبو سالپو ہاگوچیسلا روگس زادِین۔ 16 تا خُدے داگسا تشوگپا سنگون چوگّا زادکھان نانگجین نگاتانگونّی میتشیبو پھودین۔ 17 نگے فونو گون، کھیوجاگونّی میتشے، نگے پھودکھان تسوگسلا پھودشیگ، یانگ نگاجے سپییکا ڈولکھانگونّی کانے گیالّا چوستے جونگشیگ۔ 18 نگے کھیوجا سنگونلا لان مانگپو زیر تشارتے این، یانگ تارُوانگ چھیما نیامپو زیرّاد، مانگپوجیگ مسیح کیانگشینگی گیابگال اینکھانّی لامیکا ڈولدوگ۔ 19 کھونگون میدکھان چھاچیسّی چھوگسلا چھین اینوگ، ڈودپابو کھونگونی خُدے اینوگ، کھونگرانگونّی ٹھیلمیدّی لاسگونّیکا پھوسو چوانوگ، دُنیائی می کھاگچان تھیکھانگونّی سکورلا کھونگونی توسگیون سامبا تانّگانوگ۔ 20 اِین نانگ نگاتانگون نی نامکھے یولمی اینوگ، یانگ کھوم چُوک کھن حضرت عیسیٰ مسیح ا لوگستے پھیبسشیسّی پھیا نگاتانگونّی رینگسین ثونّگانوگ۔ 21 کھونگرانگی وانگی یوگا چیتشانگما کھیونگنیانّا زادکھانّی مسیح ستوبسپوے، نگاتانگی ستوبسمید ای دُنیائی زوگسپوبو کھونگرانگ تسوگسّی شان چان گیورچوگّا زادِین۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation