མད༌ཐཱ༌ 7 - New Testament in Ladakhi Langageجانما سکیون رجود میچوچیس۔ 1 حضرت عیسیٰ مسیح مولس، ”کھیوجے جانما سکیون رجود ماچو تینے کھیوجانگ سکیون رجود میزاد۔ 2 کازوگ تشولّا کھیوجے جانما سکیون رجود چوس تینّا تشولّا کھیوجانگ سکیون رجود زادِین، کھیوجے کولکھانّی تشادپو کھیوجاگونّی پھیانگ کولّا زادِین۔“ 3 ”کھیوجے رانگی میگی نانّگا یودکھانّی ردونگمابوا نانگستاگ چوا میدنا تینے فونو سی میگی نانّگا یودکھانّی ٹماق بوا چیا ستاد؟ 4 کھیرانگی فونو ، نگے کھیرانگی میگی نانگنے ٹماق بو پھینگین زیرچیسّی ہامپا کازوگی چواد، نام توس گانگپو کھیرانگی میگی نانّگا ردونگمابو یود۔ 5 کھیوجا ریاکاری گُون، سنگونلا رانگی میگی ردونگمابو پھینگ، تینے فونو سی میگی نانگنے ٹماق بو پھینّگالا کھیوجا سالپو چوستے تھونگ تھوبین۔“ ہلژخمہ کا سنانگمید چوکھان۔ 6 ”ہلژخمہ اینکھانبو کھییگونلا ماتانگ کالتیس تانگنا تیگون کھیوجا چھوگسلا گیورتے ثانٹے تھامساین۔ موتیگ رینچان پھاگّونّی لدُونلا ماپھانگ کالتیس پھانگنا پھاگّونّی تیبو کانگپے یوگا نانتے ڈولین ۔“ جوچیس، ژالچیس تانگ گھو ردونگچیس۔ 7 حضرت عیسیٰ مسیح مولس، ”جوین دوگ کھیوجا سالّا زادِین، ژالین دوگ کھیوجا تھوب چوگّا زادِین، گھو ردونگین دوگ پھیا زادِین۔ 8 جوکھان تشانگمالا سالّا زادِین، ژالکھان تشانگمالا تھوبین، یانگ گھو ردونگکھان تشانگمالا پھیا زادِین۔“ 9 ”کھیوجاگونّی ٹونے سوی رانگی بوتشے تاگی تونگ زیرنا ردوا تانگین؟ 10 یا ٹھوگوی نیا تونگ زیرنا، رُول تانگین؟ 11 کھیوجاگون دِیگپاچان اِین نانگ رانگی ٹھوگوا پھانتھوگسچان تانگچیسپو شیسنا تینے کھیوجے نامکھا جوگسکھانّی یابّی مانّگا پھانتھوگسچان کھونّگا جُووا جوکھانگونلا میسالّا؟ 12 جانمے کھیوجا چوگوس سامکھان ژوگس کھیوجاگونّیانگ چیتشانگمے نانّگا جانماگونلا چوس، تیبوے شریعت تانگ پیغمبر گونّی ڈیسکھانگون ڈانڈا ڈوب چوگّانوگ۔“ گیاسگھو نیس۔ 13 ”گیاسگھو ٹامونے جوگسشیگ چیازیرنا بربادی چھوگسلا چھاکھانّی لام تانگ گیاسگھو جانگچان تانگ ڈولچیسلا لامو یودتے اینوگ یانگ تینانّگا می مانگپو جُوگستے چھانوگ۔ 14 اِین نانگ تھامیدپے میتشیے چھوگسلا ٹھیدکھانّی گیاسگھو نی ٹامو یانگ لام نی کاگسپو یودتے اینوگ، ژالکھانّی می نیونگونجیکّا مانے تے لامبو میتھوب۔“ لچانگما تانگ تیبوے ڈاسبو۔ 15 ”پیغمبر زوسماگونّی کانے شانگ چوشیگ، نودپا میسکیالکھانّی لوگوا زوستے کھونگون کھیوجے ٹوا یونگین، اِین نانگ سیمسّی نانّگا کھونگون نودسکیال جیگسنانگچانّی شانگکو ژوگس یودتے اینوگ۔ 16 کھونگونی ڈاسبو گیُودتے کھیوجے کھونگون شیساین۔ کھیوجاگونّی چی سامّاراگ، کھیوجے تشیرمانگی کانے رگونّی کھازاس یا لجانگتسیرّی کانے پھیگی کھازاس تو نیا نینّا؟ 17 تینّا تسوگسلا لچانگما زانگپوجیکّا ڈاسبو زانگپو سمینّانوگ یانگ لچانگما نگانپاجیگّا ڈاسبو نگانپا۔ 18 لچانگما زانگپونے ڈاسبو نگانپا میسمین یانگ لچانگما نگانپانے ڈاسبو زانگپو میسمین۔ 19 ڈاسبو زانگپو ماسمینکھانّی لچانگما، چادتے میا تابّا زادِین۔ 20 کھونگونی ڈاسبو گیُودتے کھیوجے کھونگون شیساین۔“ لدینبے لوبٹوگسگون۔ 21 نگا، مسیح لے، مسیح لے، ”زیرکھانگونّی نانگنے تشانگما نامکھے گیالثیدّی نانّگا چھا مینیان، نامکھا جوگسکھانّی نگے یابّی تھوگّونگس ڈوبچوگکھانگون چیگپو چھا نیا نین۔ 22 خُدے ٹھیمسچادّی جاگّا می مانگپوے نگا زیرین، ’مسیح لے، مسیح لے، نگاجے نیرانگی مِنتخسی نانّگا لونگستان شادپین، میگونّی نانگنے ردودگون پھینگسپین، یانگ معجزہ مانگپو ستانپین۔‘ 23 تینے نگے کھونگونلا زیرین، ’نگا کھیوجا شیسّامید، لاس نگانپا چوکھانگون نگے کانے تھاگرینّگا سونگ‘۔“ سیگسپون نیس۔ 24 ”نگے سپیراگون نیانتے تیکا لاگلین چوکھان تشانگما، کھورانگی کھانگپا ڈاگیکا سیگکھانّی سیگسپون کھاسپا ژوگس این۔ 25 چھارپا بابستے، چھولوگ تانگ لونگسپو شیدچان یونگتے کھانگپا پھوگنانگ، تیبو ردیب می ردیب چیازیرنا تیبو ڈاگیکا سیگستے اینوگ۔ 26 نگے زیرکھانگون تشورتے لاگلین ماچوکھان تشانگما، کھورانگی کھانگپا پیمیکا سیگکھان لدادپا میدکھان می ژوگس این۔ 27 چھارپا بابستے چھولوگ تانگ لونگسپو شیدچان یونگستے کھانگپا پھوگنا تیبو ردیبستے پاد میدکھان چھین۔“ 28 حضرت عیسیٰ سی تے تشانگما مول تشارّاچیگ، میمانگسگون کھونگی لابجاگونّیکا ہالاس، 29 چیازیرنا کھونگی لابجاگون شریعتی عالِم گون ژوگس میدپا، وانگچھا نیامپو سالّادپین۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation