ལུ༌ཀ༌ 5 - New Testament in Ladakhi Langageحضرت عیسیٰ سی لوبٹوگس ٹانگپو۔ 1 جاگشیگ حضرت عیسیٰ مسیح گنّیسرت تشوے تھاما جانگستے یودتوس، خُدے حُکم نیانچیسلا کھونّگا میتشوگس چھینموجیگی سکورتے ناناین کھیونّگادپین۔ 2 کھونگی ٹُھوزینگ نیس تشوے تھاما بورتے زِیگس، نیاپاگون تینانگنے بینگستے نیادولگون ٹھوادپین۔ 3 شمعُوؔن حضرت پطرؔس سی اینکھانّی ٹُھوزینگبوے نانّگا سکیودتے حضرت عیسیٰ سی کھوا ٹُھوزینگبو تھامانے ژاپیگ چھوی نانّگا کھیرچیسلا مولس یانگ ٹُھوزینگیکا جُوگستے میتشوگسلا لابجا سالس۔ 4 لابجا سال تشارّاچیگ کھونگی شمعُوؔن لا مولس، ”چھو کونڈو یودسا ٹُھوزینگ کھیرتے نیا زومچیسلا نیادولبو پھونگ۔“ 5 شمعُوؔن ی کھونّگا زیرس، ”سپونبولے، نگاجے تشان گانگپو سونڈوس ثانٹے چوستیانگ نیا چیگّانگ ماکھاد۔ اِین نانگ نیرانگی مول پاسانگ نگے نیادول پھانگین۔“ 6 یانگ کھونگونی تیزوگ چواچیگ، نیا مامانگپو کھادتے کھونگونی نیادول چھادکییس سونگ۔ 7 جان ٹُھوزینگی نانّگا یودکھان ٹوپاگونلا لاگپا یوگستے روگس چوالا یونگ زیرس۔ کھونگون یونگستے ٹُھوزینگ نیسکو چھوی نانّگا نوبکییس چھاچھا تشوگپا نیے سکانگس۔ 8 تیبو تھونّگاچیگ شمعُوؔن حضرت پطرؔس حضرت عیسیٰ سی پِیکموے لدُونلا گییلتے زیرس، ”مسیح، نگانے تھاگرینّگا سکیود نگا دِیگپاچان جیک این۔“ 9 چیازیرنا کھو تانگ کھوے ٹوپاگون نیا کھادکھانّی زادپابو تھونگتے ما ہالاس 10 یانگ شمعُوؔن ی تشونگپا ٹوپا زبدی بُوژا حضرت یعقُوبؔ تانگ یُوؔحنّا نگ ہالاس۔ حضرت عیسیٰ سی شمعُوؔن لا مولس، ”ماجیگسشیگ، تانیپھارلا کھیوجے نیے تشابسلا میگون زومیین۔“ 11 تینے کھونگونی ٹُھوزینگّون تھاما کھیونگس یانگ چیتشانگما پھانگستے حضرت عیسیٰ سی گیابنے ڈانگس۔ حضرت عیسیٰ سی دزیناد یودکھانجیگ پھانچوگا زادس۔ 12 حضرت عیسیٰ مسیح ڈونگکھیرجیگی نانّگا یودتوس تیرو زوگسپو گانگپوا دزیناد یودکھانّی میجیگ یودپین۔ کھوے حضرت عیسیٰ سی جالّاچیگ، سیکا گییلتے جوجو جوین زیرس، ”مسیح لے، نیرانگ تھوگستھادنا نگا گیالچوگستے ژانگما زاد نیانّانوگ۔“ 13 حضرت عیسیٰ سی چھاگ کیانگستے کھوا تھوگ چوگّا زادتے مولس، ”نگا کھیرانگ گیال چوگتے ژانگما چوا تھادّاراگ۔“ تینّامالّا دزینادپو میدکھان سونگ۔ 14 تینے کھونگی کھوا کا سالس، ”سوانگ ماشاد، اِین نانگ سونگتے رانگی زوگسپو اِمام ستون یانگ پیغمبر حضرت مُوسیٰؔ سی کا سالکھان نانگجین خُدا چھودپا پھول، تیبو میگونلا کھیرانگ ژانگما چھاکھانّی گواہ این۔“ 15 اِین نانگ کھونگی سکورلا ناتشولبو مانّگا پھیل۔ تیبوے جاستے میتشوگسگون کھونّگا نیانچیس تانگ نادنے پھانچیسلا کھونگ یودسا یونگس۔ 16 اِین نانگ حضرت عیسیٰ سی یانگنے یانگ دُعا جوالا سوانگ میدسے ناسّا سکیودّادپین۔ حضرت عیسیٰ سی کھونگسکھانجیگ پھانچوگا زادس۔ 17 جاگشیگ حضرت عیسیٰ مسیح لابجا سالّا زاد زانے گلِیلی تانگ یہُودیہ گامیول تشانگما تانگ یروشالیم گیالسانے یونگسکھانّی فریسی پاگون تانگ شریعتی عالِم گون تیرو سیکا دُوگستے یودپین، یانگ پھانچوگچیسّی خُدے ستوبس حضرت عیسیٰ سی نیامپو یودپین۔ 18 تینے می کھاچیگی زاپھوگکھان جیگ مالتسیکا کھورتے کھیونگس یانگ کھانگپے نانّگا حضرت عیسیٰ سی یودسا کھیرچیسّی سونڈوس چوس۔ 19 میتشوگسّی جاستے کھونگونلا کھو نانگکوگا کھیر مانیان۔ کھونگون کھانگپے کھیتھوگّا سونگتے تھوگسّا کوگستے مالتسا نیامپو کھو میتشوگسّی ژونّگا حضرت عیسیٰ سی لدُونلا پھابس۔ 20 کھونگونی میبو گیالچوگچیسّی ایمان چوکھانبو حضرت عیسیٰ سی زیگستے کھونگی زاپھوگکھانبوا مولس، ”دزاو، نگے کھیرانگی دِیگپاگونلا مُعافی تانّگاد۔“ 21 تینے شریعتی عالِم تانگ فریسی پا گُونی سیمسّی نانّگا سامس، ”نلوق چھوکھاننّی ای میبو سو اینوگ۔ خُدے ماستوگ سُوا دِیگپا مُعافی سال نیانین۔“ 22 کھونگونی سامکھانبو حضرت عیسیٰ سی کھیینتے ٹیا زادس، ”کھیوجے کھیوجارانگی سیمسّی نانّگا ایزوگ چیا سامّاد؟ 23 چی سامّاراگ، ’ کھیرانگی دِیگپا مُعافی تانگستے این‘ زیرچیسپو لامو اینّوگا یا ’لانگستے ڈول‘ زیرچیسپو؟ 24 اِین نانگ اِبنِ آدم دُنیائیکا دِیگپا مُعافی تانگچیسّی وانگچھا یودکھانبو کھیوجا ستانین“ تینے حضرت عیسیٰ سی زاپھوگکھانبوا مولس، ”نگے کھیرانگ زیرّاد، لونگس، رانگی مالتسا کھورتے کھانگپا سونگ۔“ 25 تینّامالّا کھونگونی لدُونلا کھو لانگستے کھورانگ نیالکھانّی مالتسابو کھورتے خُدا ستودپا پھولین کھانگپا سونگ۔ 26 میتشانگما ہالاستے خُدا ستودپا پھولس، یانگ سیوا تانگ جیگسّی نانّگا زیرس، ”دیرینگ نگاتانگونّی معجزہ چھاگلاس تھونگ۔“ حضرت عیسیٰ سی ٹھال نینکھان یہُوداؔہ ا بودّا زادس۔ 27 تے ستینگنے حضرت عیسیٰ مسیح پھیلوگا سکیودس یانگ لاوی زیرکھانبو ٹھالنینسے ناسّیکا دُوگستے یہُوداؔہ زِیگس یانگ کھونگی کھوا مولس، ”نگے ستینگرانگنے ڈونگس۔“ 28 کھو لانگس یانگ چیتشانگما پھانگستے حضرت عیسیٰ سی ستینگرانگنے ڈانگس۔ 29 تینے لاوی حضرت عیسیٰ سی پھیا کھورانگی کھانگپا ڈون چھینموجیگ تانگس۔ ٹھالّینکھان تانگ جان، میتشوگس چھینموجیگی کھونگون نیامپو کھارجی زادپین۔ 30 اِین نانگ فریسی پاگون تانگ تینّا سدے شریعتی عالِم گُونی حضرت عیسیٰ سی لوبٹوگس گونلا سکیون رجود چوین زیرس، ”کھیوجے ٹھالّینکھان تانگ دِیگپاچان میگون نیامپو چیا زاد یانگ تھونّگاد؟“ 31 حضرت عیسیٰ سی کھونگونلا لانسالس، ”زُومو یونگکھان جیگّا مانے کھامزانگ میجیگّا امچھی گوسّا مانوگ۔ 32 نگا کھیوجا ٹانگپو این سامکھانگونلا مانپا، دِیگپاچانگونلا گیادپا چوچیسلا بودّا یونگسپین“ روزا دوگسچیسّی سکور۔ 33 تینے کھونگونی حضرت عیسیٰ سی زیرس، ”یوحنّانی لوبٹوگسگون تانگ فریسی پے لوبٹوگسگون لان مانگپو روزا دُوگستے دُعا جُوروگ، اِین نانگ نیرانگی لوبٹوگسگون توسگیون زین تھونگین چیا دوگّانوگ؟“ 34 حضرت عیسیٰ سی لانسالس، ”باگستونّی نانّگا ماگپا نیامپو یود زانے کھوے ڈونپوگون روزا دوگاینّا؟ میدوگ۔ 35 اِین نانگ توسپو لیباین نام ماگپا ڈونپوگونّے پھیستے کھیرین، تینے کھونگونی ردوگپو چوستے روزا دوگین۔“ 36 حضرت عیسیٰ سی ای رومسپو شادّا زادس، ”سوجیگیانگ کوسلاگ سوما چادتے سنیینگپیکا لانبا تابّا مانوگ، کالتیس تابنا کوسلاگ سومابو چھاداین یانگ لامبا سومابو سنیینگپیکا میزوبس۔“ 37 ”تینّا تسوگسلا چھانگ سوما پاگسپے سکیاپا سنیینگپے نانّگا میلوگ۔ کالتیس لوگنا چھانگبوا سکیور لانگستے پاگسپے سکیاپا بوستے چھاداین، چھانگ بوتے سکیاپانگ دودمید چھین۔ 38 چھانگ سوما سکیاپا سومے نانّگا گیانگّوس۔ 39 یانگ چھانگ سنیینگپا تھونگستے ستینگنے سوجیگیانگ سوما تھونگین ٹوا مانوگ۔ چھانگ سنیینگپا ڈودچان راگ زیرین۔“ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation