ཡ༌ཀོབ༌ 5 - New Testament in Ladakhi Langageچھوگپوگونلا لدامجاگ۔ 1 می چھوگپوگون نیونشیگ، چھیما تانگین نگوسمانگ تونگشیگ، چیازیرنا کھیوجاگونلا ثانٹے ناگس تانگ باردو تھونگین ۔ 2 کھیوجاگونّی گیونورگون رولتے، یانگ کھیوجے رینچان کوسگونلا بوتسیگ تابستے اینوگ۔ 3 کھیوجاگونّی سیر تانگ مول گُون رینمید گیورتے اینوگ۔ کھیوجے ریوا بورکھانّی تینّا گیونوربوے میے تسوگسلا کھیوجے شاگون زوستے کھیوجا میدکھان چوین۔ ٹھیمسچادّی جاگّا، کھیوجے ساگستے بورکھانّی تینّا گیونورگونّی کھیوجے دِیگپے گواہ تانگین۔ 4 تا ژینگیکا لاس چوکھانّی لاچھے نانّگا کھیوجے گوبسکور تانگکھانگونّی کُوچو تانگ نگوچیس گُونلا نیونشیگ، کھیوجے ماتانّگا بورکھانّی تے لاچھاگونّی، کھیوجارانگی گیابگالّا گواہ تانگین اینوگ۔ کھیوجے ژینگرنگاکھانگونّی کُوچو تانگ نگوچیس گُون، نامکھے ماگمی مسیح خُدے سانّا زادتے اینوگ۔ 5 کھیوجاگونّی ای دُنیائیکا نور مانگپو تانگ رانگرانگی دودپا یودکھان تشانگما ڈانڈا ڈوبچوگاین میتشے پھودتے اینوگ۔ راما تانگ لُوگ گُون سادچیسّی پھیا گیاگسپا چھاچوگچیس تسوگسلا کھیوجاگونّیانگ سادچیسلا کھیوجارانگ گیاگسپا چھاچوگستے اینوگ۔ 6 کھیوجاگونّی نونگسمیدکھانّی میگون سادچیسّی ٹھیمسچاد تانگستے سادّانوگ، کاگونّی کھیوجے گیابگال ماچوس۔ زودپا گومچیس۔ 7 نگے لے فونو گون کھیوجاگون حضرت عیسیٰ مسیح لوگستے سکیودچیس تشوگپا زودپا نیامپو ثونگستے دوگشیگ۔ جینگبادپا ستوسشیگ، کا بو ستون تانگ سپید نیسکو زودپا نیامپو چھارپا ثونگستے کھورانگی رینچان ستونتھوگّون تشوستے رنگالا رینگسّاد۔ 8 کھیوجاگونّیانگ زودپا چوستے سنینگّونلا سپوسپا سکییچوگشیگ، چیازیرنا حضرت عیسیٰ مسیح لوگستے پھیبشیسّی توسپو نیموا لیبستے اینوگ۔ 9 فونو گُون، چیگ تانگ چیگی گیابگالّا زیرگیو ماتانگشیگ۔ کالتیس تانگنا حضرت عیسیٰ مسیح کھیوجاگونلا ٹھیمسچاد سالّا زادِین۔ ستوسشیگّانگ ٹھیمسچادکھانبو گھوے لدُونلا جانگستے دوگ۔ 10 فونو گُون، ردوگنگالّی نانّگانگ زودپا نیامپو مسیح خُدے وانگی نانّگا سپیرا سالکھانّی پیغمبر گون سپیجیگی تشولّا ستوسشیگ۔ 11 کھیوجاگونلا گیُوس اینوگ، خُدے زودپا نیامپو ردوگنگال کھورکھانگونلا برکت سالّا زادتے اینوگ۔ سپیرنا سنیینگروسچانّی می یوبّا، مسیح خُدے ستینگجوگپویکا سنگونّی سانگ مامانگپو سالّا زادسکھانبوے سکورلا کھیوجاگونّی تشورتے اینوگ۔ مسیح نی شزدے تانگ سنینگرجے گنگستے اینوگ۔ 12 اِین نانگ نگے فونو گُون، تشانگمیسانگ کھاگچانبو، نامکھا یا دُنیا یا جان چیجیگیانگ نامانے ماکھورشیگ۔ تیبوے تشابسلا کھیوجاگونّی اینّا این، یا مانّا مان زیرشیگ، تے مانے کھیوجاگونلا ٹھیمسچاد پھوگین۔ 13 چی کھیوجے ٹونے سوجیگ ردوگپوے نانّگا یودا؟ تینے خُدا دُعا ژوشیگ۔ چی کھیوجاگون تھادپو اینّا؟ تینے خُدا ستودپے لو پھولشیگ۔ 14 چی کھیوجے ٹونے سوجیگّا زُومو یودا؟ تینے کھیرانگی عبادت خانہے اُسکیونگونلا بُود، یانگ کھونگونلا کھیورانّگا مسیح تشان وانگچانّی نانّگا مار سکوستے دُعا ژوچوگشیگ۔ 15 تیتسوگسی دُعا ایمان نیامپو پھولکھانبوے نادپو گیالتے مسیح کھیرانگ پھانچوگا زادِین۔ کالتیس کھیرانگی دِیگپا چوستے یودنانگ کھیورانّگا مُعافی سالّا زادِین۔ 16 کھیوجاگون گیالچیسّی پھیا کھیوجے دِیگپاگون شادتے چیگ تانگ چیگی پھیا دُعا ژوشیگ۔ می ٹانگپوے دُعا پھولکھانبوا ماثانٹے کھیود یودتے ڈاسبو ہالاسشیس سمینّانوگ۔ 17 پیغمبر حضرت اِلیاس ایدتو چوسشیگ، کھونگ نی نگاتانگ تسوگسلا میجیگ جُوگستے اینپین۔ نام کھونگی سنینگنے خُدا بنی اِسرائیلی نانّگا چھارپا میبابسشیسلا دُعا پھولپا، لو سوم نانگ پھید چھارپا مابابس۔ 18 تینے یانگسکیار کھونگی چھارپا پھابچیسلا دُعا پھولّاچیگ، نامکھا نےچھارپا بابستے سیکا ستونتھوگس سمین۔ ایمان ستورکھان ایمانی نانّگا لوگستے کھیونگچیس۔ 19 نگے فونو گُون، کالتیس کھیوجاگونّی ٹونے سوجیگ خُدے لدینبے لامی کانے نورتے سونگتے، جانماجیگی کھو ایمانی نانّگا لوگستے کھیونگستے یودنا، 20 لوگستے کھیونگکھانبوے تے دِیگپاچانبو نیالوے نانگنے تھارچُوگستے دِیگپا مانگپوجیگی کانے مُعافی تھوبچوگسکھانبو کھیوجاگونلا تانتان گیُوس یونگّوس۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation