ཨིབ༌རི༌པ༌ 12 - New Testament in Ladakhi Langage

خُدے کھونگرانگی ٹھوگوگون سکیونّگا زادس۔

¹ تیبویپھیا نگاتانگونلا ایمانی نانّگا میتشے پودکھانّی میتشوگس چھینموجیگی سکورتے یودپا، نگاتانگی ایمانی نانّگا ڈول ماچوگکھان تانگ لامو نیامپو ٹھیلکھانّی دِیگپاگون پھانگستے خُدے ڈالڈیگ چوا زادکھانّی بانگیوگسپو نگاتانگونّی سنینگروس نیامپو تانگین۔

² نگاتانگونّی میگون حضرت عیسیٰ سی یکا بورین، کابوے نگاتانگونلا گوٹھید زادتے نگاتانگونّی ایمان بو دزومسپو گیورچوگّا زادّاد۔ کھونّگا ثونگستے یودکھانّی سکیدپوے تھوگیوس یود پاسانگ، ٹھیلبا ماسامّا سنینگروس نیامپو کھونگی کیانگشینگی ردوگنگالبو نامسّا زادس۔ داگسا کھونگ خُدے جُوگسٹھیسّی یاسپا چھوگسلا سیواچانّی ناسّابویکا جُوگستے یودتے اینوگ۔

³ سامبا سالّانگ دِیگپاچان میگونّی ناگس ستانکھان گُون سنینگروس نیامپو ثانّا زادکھانّی حضرت عیسیٰ سی سکورلا، تینے کھیوجاگون ثانٹے نگالمینگال یانگ کھیوجے ریوابو پھانگمیپھانگ۔

⁴ دِیگپے گیابگالّا نولاین، کھیوجاگونلا تارُونگ تشوگپا شیچیسّی ردوگنگالبو ماچونّگا اینوگ۔

⁵ کھونگرانگی ٹھوگوگونلا سپوسپا سالین خُدے مولکھانبو کھیوجاگونّی رجیدّا؟ ”نگے ٹھوگو، مسیح سکیونّگا زادچیسپوا سنانگمید ماچوشیگ یانگ کھونگی چھادپا سالّا زاد زانے، سیمس چھاگستے ریوابو ماپھانگشیگ۔

⁶ چیازیرنا مسیح چیسپا زادکھانگونلا سکیونّگا زادّانوگ یانگ کھونگرانگی ٹھوگو تھیکھانگونلا چھادپا سالّا زادّانوگ۔“

⁷ خُدے سکیونگچیسپوا، کھیوجاگونّی سنینگروس چو زانے، کھونگی کھیوجا کھونگرانگی ٹھوگو ژوگس تھیا زادکھانبو ایدتو چوشیگ۔ ابے ماسکیونگکھانّی ٹھوگوجیگ سو یودکیاگ؟

⁸ سکیونگچیسپو تشانگمیکا چونّگانوگ۔ خُدے ماسکیونگکھانگون کھونگی لدینبے ٹھوگوگون مانپا، نالوگون اینوگ۔

⁹ جان نگاتانگون سکیونگکھان دُنیائی اباگونلا نگاتی سیوا چوانوگ، تینے تسامشیگ مانّگا نگاتانگون نگاتانگرانگی رُوح بوے یابّا ستاد ماگوس؟ تیزوگ چونا توسگیون سونتیا لوسین۔

¹⁰ دُنیائی اباگونّی توس نیونگونجیگی پھیا نگاتانگونلا سامبا گیالّا نیامپو سکیونّگانوگ۔ اِین نانگ خُدے نگاتانگرانگی پھانتھوگسّی پھیا نگاتانگون سکیونّگا زادّانوگ، تیبو زادچیسّی گیونتشان نی، کھونگ ہلژخمہ اینکھانبو نگاتانگ نیامپو گوا زادچیسپو اینوگ۔

¹¹ سکیونگچیسّی توسپو سکیدپو مانپا ردوگنگالچانجیگ یونّگانوگ۔ اِین نانگ ستینگنے یتسوگسّی لامی نانّگا لوبجونگ تھوبکھانگونلا ٹانگپو تانگ جیدیے ڈاسبوگون سمینین۔

¹² تینّابویپھیا نگالکھانّی لاگپا تانگ اُتھوکس پیگمو گُون شیدچان چوشیگ۔

¹³ اُتھوکس تانگ جاؤ گُون تھوا ماچھا شیدچان گیورچیسّی پھیا لام ٹانگپویکا ڈولشیگ۔

خُدے مولکھانگون نیانچیسلا جُووا۔

¹⁴ میتشانگما نیامپو جیدے نانّگا دوگچیسّی سونڈوس چوشیگ، ہلژخمہ میتشے جیگ پھودشیگ۔ ہلژخمہ مادوگکھانگونلا مسیح جالتھوبّا مانوگ۔

¹⁵ خُدے شزدے ماتھوبّا سوجیگّانگ لوس میلوسشیسلا نانگستاگ چوشیگ۔ یانگ توگی پاٹاگ نگانپا گیاستے ناگس ستانچیس تانگ مانگپوا لاسنگانگون چو میچوگچیسلا شانگ چوشیگ۔

¹⁶ سوجیگیانگ لوسڈیل نگانپے سچودلام یا عیسو تسوگسلا ایمان میدکھانّی میتشے میپھودچیسلا تانتان چوشیگ، کابوے کھورانگی گوما سکیسکھانّی تھوبتانگّون تشیندار چیگی کھارجیی پھیا تسونگس۔

¹⁷ کھیوجاگونلا گیوسیودتے اینوگ، ستینگنے عیسو کھورانگی ابے برکت پو گوس زانے ابے کھوا ماتانگس۔ جان کھوے گیودپا چوستے ماثانٹے نگواین جُووا پھولنانگ، کھوا کھورانگی ابے تھاگچادّی نانّگا گیورجا کھیونگ مانیان۔

¹⁸ کھیوجاگون تے ریبویکا لیبستے مانوگ کازوگ بنی اِسرائیل پاگون سینی زیرکھانّی ری، میے بارین، مونّاگ تانگ تھیب تھیب جیگشیس یانگ لونگتشوب گُونی کابسکھانبویکا لیب۔

¹⁹ تینّا ناسّابویکا بنی اِسرائیل پاگونلا ٹاگپو تونگی سکاد تانگ، ما جیگسنانگچانّی سونگسکادچیگ تشورپا، کھونگونی خُدا یانگسکیار میمولچیسلا جوجو جْوس ۔

²⁰ چیاجونا خُدے حُکم، ”کالتیس سیمسچانجیگیانگ ای ریبوا تھوگنا، تے سیمسچانبوا ردوا گیابستے سادگوس، “ مولکھانبو کھونگونی لینماتھوب۔

²¹ ریبویکا جیگسنانگچان جُونگکھانگون تھونگتے، حضرت مُوسیٰؔ سی مولس ”نگا ماثانٹے جیگستے دارّاراگ۔“

²² اِین نانگ کھیوجا صیُّون زیرکھانّی ری، نامکھے یروشالیمّی نانّگا لیبستے اینوگ، کا بو سونپو خُدے جوگسے گیالسابو این، کارُو ٹانگسکا میدکھانّی فرشتاگون سکیدپو چوچیسلا دزوماین اینوگ۔

²³ کھیوجاگون خُدے گوما سکیسکھانّی ٹھوگوگون دزومسّے عبادت خانہ لالیبتے اینوگ، کاگونّی مینگّون نامکھے نانّگا ڈِیستے یودتے اینوگ۔ کھیوجا، میتشانگمیکا ٹھیمسچادّا زادکھان خُدے کھونگرانگ یودسا، یانگ ٹانگپو میگونّی سیمسنید یودسا لیبتے اینوگ، کاگونلا دزومسپو زادس۔

²⁴ کھیوجاگون خُدے تانگ میگونّی پارلا وعدہ سومے بارمی، حضرت عیسیٰ سی سکوندونلا لیب، کھونگی سکو ٹھاق پھوسکھانبوے، حضرت ہابِیل لی ٹھاق تسوگسلا ثوگی تشابسلا ثوگلینچیس مانپا، مُعافی زادچیسّی پھیا مولّا زادس۔

²⁵ خُدے مولّا زادکھانبوا مینگنانگ مینیانچیسنے شانگ چوشیگ۔ کالتیس بنی اِسرائیل پاگونّی دُنیائی می لونکھیونگکھان، حضرت مُوسیٰؔ سی سپانگپودکھانگونلا نانگمید چوچیسپوے، کھونگون تے ٹھیمسچادنے شور مانیانّا اینّا، تینے کالتیس نگاتانگی نامکھانے جالتا سالکھانبوا نانگمید چونا، نگاتانگون کازوگی تھارتھوبین۔

²⁶ خُدے ری سینی کانے مول زانے، کھونگی سونگسکادّی دُنیا بو سکولّا زادس۔ اِین نانگ داگسا کھونگی وعدہ جیگ چوا زادس، ”یانگ لانچیگ نگے دُنیا چیگپو مانپا دزامبولینگ گانگپو سکولاین۔“

²⁷ ”یانگ لانچیگ“ مولکھانّی تونبو نی، سکولنیانکھانگون میدکھان زادِین، یانگنا خُدے زادکھان تشانگما۔ تینّابویپھیا سکولمانیانکھانگون چیگپو لوسین۔

²⁸ نگاتانگونلا مانے سکولمینیانکھانّی گیالثیدجیگ تھوبین یود پاسانگ، نگاتانگونّی شُکر جوین، یانگ جیگس تانگ سیوا چھینمو نیامپو چولتے خُدے تھوگنییس شوگاین۔

²⁹ چیازیرنا نگاتانگونّی ”خُداپو نی، میدکھان چوکھانّی میے ژوگس اینوگ۔“