ایپھیسوسپا 6 - New Testament in Ladakhi Langageٹھوگو تانگ پھاما۔ 1 ٹھوگوگون، کھیوجا مسیح این پاسانگ، رانگی پھامے کھانیونشیگ، چیازیرنا تیزوگ چوچیسپو ٹانگپوبو اینوگ۔ 2-3 ”کھیوجاگونّی ابا تانگ اما سیوا چوشیگ۔“ تیبو نی خُدے حُکم ٹانگپو، کا بو نیامپو ”کھیوجاگونلا دُنیائیکا میتشے کھامزانگ تانگ تشے رینگموے تھونّگومس چھین“ مولکھانّی وعدہ بو زادس۔ 4 اباگونّی رانگی ٹھوگوا مانگستیانگ لدامستے ثو یونگ ماچوگشیگ۔ اِین نانگ کھونگونلا سکیونگستے مسیح لابجے نانّگا لام زانگپویکا ٹھیدشیگ۔ یوگپو تانگ مالِک۔ 5 کھیوجا تشییوگّونّی ای دُنیائی نانّگا، کھیوجارانگی سپونبوا سیوا تانگ جیگس نیامپو سنینگنے کھانیونشیگ، کازوگ کھیوجاگونّی مسیح کھانیانّاد۔ 6 کھونگون تھادچوگچیسلا، کھونگونی کھیوجا ستا زانے، چیگپو کھا مانیانّا، مسیح تشیوگ تسوگسلا سنینگنے خُدے تھوگّونگس چوین، جابستوگ ژوشیگ۔ 7 میگونّی پھیا مانپا، مسیح پھیا این سامستے جابستوگ سنینگنے گامو نیامپو ژوشیگ۔ 8 ایدتو چوشیگ، تشیوگ اینڈو یا رانگوانگچان، لاس زانگپو چوکھان نگاتانگ ریریا مسیح شزدے سالّا زادِین۔ 9 تینّا تسوگسلا کھیوجا سپونبوگونّی، رانگی تشییوگّونلا گیالّا چوشیگ۔ کھونگونلا جیگسنانگ ماستانشیگ، چیازیرنا نامکھے نانّگا مسیحا نی، کھیوجا تانگ کھونگ نیسکوے مالِک جُوگستے اینکھان یانگ کھونگی سوجیگّانگ چھوگس مازادکھانبو، کھیوجا گیوس اینّوگ۔ شیطانی گیابگالّا نولچیسّی ماگچھا۔ 10 ستینگجوگی کھادا، کھیوجاگون مسیح تانگ کھونگی معجزہ ستوبسّی نانّگا شیدچان گیورشیگ۔ 11 شیطانی جوسنگانگونّیکا نول نیانچیسّی پھیا، کھیوجے خُدے سالّا زادکھانّی ماگچھا تشانگما گونشیگ۔ 12 چیازیرنا نگاتانگی، میگونّی گیابگالّا مانپا، ماتھونگکھانّی دُنیائی نگانپا رُوحانی وانگثولپاگونّی گیابگالّا نولاین اینوگ، کاگون ای توس مونڈیگی وانگثولپا، وانگ یودکھان تانگ بارسنانگی نگانپا وانگ گُون اینوگ۔ 13 تینّابویپھیا نگانپے جاگپو لیب زانے، کھیوجاگونّی نول نیانچیسّی پھیا، خُدے سالکھانّی نولچیسّی ماگچھا تشانگما گونشیگ۔ تینے ماگی ستینگنیانگ کھیوجاگون رانگرانگی ناسّیکا ستانپو لانگستے لوسین۔ 14 رانگرانگی ناسّابو ستانپو زومستے خُدے کے لدینبے سکییراگسپو رانگی سکییدپیکا ثیلشیگ، یانگ میتشے ٹانگپو پھودچیسّی ماگچھابو کھیوجارانگی ڈانگیکا گونشیگ۔ 15 کھیوجاگونّی کانگپیکا گاموےناتسُولّی جیدے پابوبو گونتے ماگی پھیا ڈالڈیگ چوس۔ 16 تیگونّیکا نانما، شیطانی میچانّی داگون سادنیانچیسّی پھیا، کھیوجاگونّی لاگپے نانّگا کابچیسّی ایمانی ماگچھابو زومشیگ۔ 17 کھیوجاگونّی گویکا تھارپے ماگی تیبیبو گونشیگ۔ یانگ ہلژخمہ رُوح بوے رایبو کھورشیگ، کا بو خُدے حُکم اینوگ۔ 18 کھیوجاگونّی ہلژخمہ رُوح بوے نانّگا توسگیون جُووا تانگ دُعا سناتشوگس تشانگما پھولشیگ۔ شانگ چوستے خُدے ہلژخمہ می تشانگمے پھیا دُعا چو چیس مانے ماپھانگشیگ۔ 19 نگا زیرچیسّی سکابس تھوب زانے، جیگسنانگ میدپا، گاموےناتسُولّی سانگوے سکوربو ما سپوسپا نیامپو شاد تھوبچیسلا نگے پھیانگ دُعا چوشیگ۔ 20 نگا گاموےناتسُول شادچیسّی نانّگا مسیح رسُول اینچیسپوے، تسونکھانّگا کاگس۔ تینّابویپھیا نگے سیمسّتوبس نیامپو گاموےناتسُولبو شاد تھوبچیسلا، دُعا چوشیگ، کا بو نگے چوگوس۔ ستینگجوگی سلام۔ 21 تُخِکُس، مسیحاپے فونو ما چیسپا تانگ مسیح جابستوگپا ما ایمان چانجیگ این۔ کھوے کھیوجاگونلا نگے ناسلوگ تانگ نگے چوین یودکھان تشانگمے سکورلا جیبسال چوستے شادین۔ 22 نگاجے ناسلوگّونّی سکورلا ہاگو چوگسچیس تانگ کھیوجاگونّی سیمسلا سپوسپا سکییچوگچیسّی پھیا، نگے کھو کھیوجا یودسا کالّاد۔ 23 خُدے یاب تانگ حضرت عیسیٰ سی مسیح، کھیوجا مسیح پا فونو گونلا جیدے یانگ ایمان نیامپو چامسپا سالشیگ۔ 24 نگاتانگی حضرت عیسیٰ مسیح ا تھامیدپے چامسپا چوکھانگونلا خُدے شزدے سالّا زادشیگ ۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation