ایپھیسوسپا 3 - New Testament in Ladakhi Langage

یہُودی مانکھان گُونی ٹوا حضرت پولُسی چھاگلاس۔

¹ تینّابویپھیا نگا حضرت پولُسی، حضرت عیسیٰ مسیح جابستوگ جْوس تے کھیوجا یہُودی مانکھان گُونلا گاموےناتسُول شادچیسپوے، نگا تسونّی نانّگا یود۔

² نگا تانتان راگ، کھیوجاگونّی ایبو تشورتے یودڈو، خُدے نگا کھیوجاگون نیامپو کھونگی شزدے گوچیسّی کھاگ سادچانبو سالّا زادس۔

³ خُدے سانگوے تھابس نگا سنگون چوگّا زادکھانبو نگے دورلدوستے ای ایگیے نانّگا ڈِیستے این۔

⁴ تیبو سیل زانے، مسیح پھیا سانگوے تھابس نگا ہاگوکھانبو کھیوجاگونلا گیُوس چھاتھوباین۔

⁵ سنگونّی میرابسگونلا، تے سانگوے تھابسپو سنگون چوگّا مازادکیاگ۔ اِین نانگ تا ہلژخمہ رُوح گیُودتے خُدے کھونگرانگی ہلژخمہ رسُول تانگ پیغمبر گُونلا، تیبو سنگون چوگّا زادس۔

⁶ تے سانگوے تھابسپو نی ایبو اینوگ، گاموےناتسُولّا ایمان چوچیسپوے یہُودی مانکھان گونلانگ یہُودی پاگون تسوگسّی نورسکال تھوبین۔ حضرت عیسیٰ مسیح نانّگا، تے نیسکو زوگسپو چیگی یانلاگ گیورتے خُدے وعدہ زادکھانّی نانّگانگ ڈیس تھوبین۔

⁷ خُدے کھیود تانگ کھونگی تھوگرجیچانّی شزدے گیُودتے، نگا گاموےناتسُول شادکھانّی جابستوگپا گیورتے این۔

⁸ خُدے ہلژخمہ می تشانگمے نانگنے نگا تشانگمیسانگ سیسمید اینین جیگ تانگ، کھونگی یہُودی مانکھان گُونلا مسیح گاموےناتسُولّی سکورلا شادچیسّی شزدے بو نگا سالّا زادس۔

⁹ یانگ دزامبولینگ زادکھانّی خُدے داگسا تشوگپا واستے بورّا زادکھانّی تھابسپو، میگونلا ہاگوچوگچیسلا نگا لدامّا زادس۔

¹⁰ خُدے تھوگسد اوت پو نی عبادت خانہ گون گیُودتے کھونگی شیسرابس سناتشوگس تشانگما نامکھے نانّگا یودکھانّی وانگثولپا تانگ وانگ گُونلا ستانّا زادچیسپو اینوگ۔

¹¹ تینّابو نی خُدے تھامیدپے تھابسلدینگسپو اینپین، کا بو حضرت عیسیٰ مسیح نگاتانگی مسیح نانّگا کھونگی ڈوبچوگّا زادس۔

¹² نگاتانگونّی مسیح کا ایمان تانگ کھونگ نیامپو ڈیل یودچیسپوے، دُعا تانگ چول زانے نگاتانگون جیگس ماجیگسّا سپوسپا نیامپو خُدے سکوندونلا یونگتھوباین۔

¹³ تینّابویپھیا نگے جُووا این، کھیوجا گاموےناتسُول شادچیسپوے نگا ردوگنگال تھونگین یودکھانبویکا سیمسشوگس ماچھاگّا، سپالنگامس تشورشیگ۔

اِفسُس سی عبادت خانہے پھیا دُعا۔

^14-15 تینّا گیونتشانبوے پھیا نامکھا تانگ دُنیائی نانّگا سروک یودکھان تشانگما چوا زادکھانّی خُدے نگاتانگی یابّا نگے پِیکدونگ ژُوگتے دُعا جُواد،

¹⁶ نگے دُعا نی، خُدے ستوبس نیامپو ہلژخمہ رُوح گیُودتے، کھونگی معجزہ گیونورّی کھیوجاگونّی سیمس شیدچان زادشیگ۔

¹⁷ تینے ایمانی جاستے مسیحا کھیوجے سیمسّی نانّگا جوگساین، یانگ کھیوجاگون خُدے چامسپے نانّگا پاٹاگ زومستے گیاسشیسپو نگے دُعا این۔

¹⁸ خُدے می ہلژخمہ تشانگما نیامپو، مسیح چامسپابو تسامشیگی جانگچان، رینگمو، تھونپو تانگ تینگزابمو اینکھانبو ہاگوچیسّی کھیود کھیوجاگونلا سالشیگ۔

¹⁹ مسیح چامسپا ٹاگپو کا بو گانگپو ہاگو تھوبّا مانوگ، تیبوے تھونّگومس کھیوجا چھاشیگ، تینے کھیوجاگون خُدے کھونگرانگی سچودلام نیامپو سکانّگا زادِین۔

²⁰ نگاتانگونّی خُدا ستودپا پھولین، چیاجونا نگاتانگی نانّگا چھاگلاس زادکھانّی کھونگی شید گیُودتے، نگاتانگونّی جوکھان یا سامکھان تشانگمیسانگ مانّگا کھونگی زاد نیانّانوگ۔

²¹ میرابس تشانگمے عبادت خانہ تانگ حضرت عیسیٰ مسیح اینکھان گونّے خُدا تُوسگیُونّے گیُون سپال تھوبشیگ، امین۔