ཆག༌ལས༌གུན༌ 16 - New Testament in Ladakhi Langage

حضرت پولُس تانگ سیلاس لا تِیمُتھیُس تھوگ۔

¹ حضرت پولُس تانگ سیلاس دِربے ستینگنے لُسترا سکیودس، تیرو تِیمُتھیُس زیرکھانّی لوبٹوگسجیگ دوگادپین۔ کھوے اما یہُودی پا ایمان چانجیگ یانگ ابا یُونانی اینپین۔

² لُسترا تانگ اِکُنیُمامی نانّگا یودکھان ایمان چانگونّی تِیمُتھیُس سچودلامگونلا ستودّادپین۔

³ حضرت پولُس لا تِیمُتھیُس کھونگ نیامپو کھیرچیسلا دودپا یودپا، کھونگی تِیمُتھیُس لا لقپہ ہلژخمہ چوچوگس، چیازیرنا تے یولّی نیکھورلا یودکھانّی یہُودی پاگونلا کھوے ابا یُونانی اینکھانبو گیوسیودپین۔

⁴ کھونگون ڈونگکھیر چیگنے چیگّا سکیود زانے، تے یولّی ایمان چانگونلا یروشالیمّی نانّگا یودکھانّی رسُول تانگ اُسکیونگ گُونی تھاگچادکھانگون سیلتے شادین، یانگ تیگون کھانیانچیسلا سپوسپا سالین سکیودس۔

⁵ تیزوگ زادچیسپوے عبادت خانہ گون ایمانی نانّگا ستانپو سونگ یانگ ایمان چانگونّی ٹانگسکا جاگدانگ گیاسین سونگ۔

حضرت پولُس لا ژالزیگس تھونگ۔

⁶ حضرت پولُس تانگ کھونگی ٹوپاگونلا ہلژخمہ رُوح یَ آسیہ نانّگا چھوسشادچیسنے گھاگّا زادسپا کھونگون پمفیلیہ تانگ گلَتیہ نا فروگیہ سکیودس۔

⁷ کھونگون میسیا یولّی سانتشامسلا لیبّاچیگ، کھونگونی بتُھنیہ نانّگا سکیودچیس چوس اِین نانگ حضرت عیسیٰ سی رُوح بوے کھونگون تیرو سکیود ماچوگس۔

⁸ تیبویپھیا کھونگون میسیا یول گیُودتے تروآس گیالسا سکیودس۔

⁹ تینّا ژانلا ژالزیگسشیگی نانّگا حضرت پولُس لا مکدنیہ پاجیگ کھونگی لدُونلا لانگستے، ”جوجو مکدنیہ سکیودتے نگاجا روگس زاد“ زیرین جُووا پھولّا تھونگ۔

¹⁰ حضرت پولُسی ژالزیگسپو زیگستے ستینگنے تینّامالّا نگاجے مکدنیہ چھاچیسّی ڈال چوس، چیازیرنا خُدے نگاجا، کھونگونلا گاموےناتسُول شادچیسلا بودّا زادکھانبو ہاگو۔

فِلپّی پا لیدییے ایمان کھیونگس۔

¹¹ تروآسنے نگاجا گُون ٹُھوزینگا ژونتے سوموٹاکیا لیب، یانگ ستینگماجاگپوا نیی اُپلّوؔس لا لیب۔

¹² تیکانے نگاجا گُون مکدنیہ یولجونگسّی گیالسا ما کھاگچان فِلپّیا سونگپین، کابوے نانّگا رومپا مانگپوجیگ دوگادپین۔ تیرو نگاجا گُون جاگبانشیگ دوگسپین۔

¹³ شابّادّی آرام چوچیسی جاگّا دُعا چوسے ناسّاجیگ تھوبین سامتے نگاجا گُون گیالسے گھونے بینگستے لژانگسپو چھوگسلا سونگپین۔ تیرو دزومستے یودکھانّی بوموگون یودسا دُوگستے کھونگون نیامپو سپیرا تانگسپین۔

¹⁴ سپیرا نیانکھانگونّی ٹوا لیدیا زیرکھان بوموجیگ دوگپین، کھو تھواتِیرہ گیالسانے گیالپوے کوسلاگ جوگس راس رینچانّی تشونگ چوکھان تانگ خُدا چولکھانجیگ اینپین۔ مسیح، کھوے سیمس حضرت پولُسی مولکھانگونلا ایمان کھیونگچیسّی پھیا پھیازادس۔

¹⁵ کھو تانگ کھوے نانگمی گُونی غوتا لینس یانگ کھوے نگاجا جُووا پھولس، ”کالتیس نیجے نگا حضرت عیسیٰ مسیح نانّگا ایمان چانجیگ اینوگ سامّادنا، سکیودتے نگے کھانگپا جوگسا زاد۔“ کھوے نگاجا جُووا پھولین دوگسپا نگاجا گُون کھوے کھانگپا دوگسپین۔

حضرت پولُس تانگ سیلاس گُون زومس۔

¹⁶ جاگشیگ نگاجا دُعا چوسے ناسّا چھوگسلا چھین یود زانے، نگاجا گُونلا ت شینا گ بوموجیگ تھوگ، کھوے نانّگا سیمسنید نگانپا یودچیسپوے کھوے میگونلا یونگچیسچانگونّی توسّی سکورلا سنگونکھیین تانگستے کھوے داگپوگونّی پھیا پینے مانگپو چوادپین۔

¹⁷ بوموبو حضرت پولُس تانگ نگاجے ستینگرانگنے یونگستے کُوچو تانگین زیرس، ” کھیود چان خُدے جابستوگپا اینکھانّی ای میگونّی کھیوجاگونلا تھارپے لامی سکورلا شادّانوگ۔“

¹⁸ کھوے جاگدانگ تینّا ژوگس چوین دوگسپا، ستینگجوگا ماثانٹے سنانّگا تشیرتے حضرت پولُسی گیابلوگا زِیگس یانگ سیمسنید نگانپابوا مولس، ”نگے کھیورانّگا حضرت عیسیٰ مسیح مِنتخسی نانّگا کھوے نانگنے بینگستے یونگچیسلا کاتانّگاد۔“ تینّامالّا تے سیمسنید نگانپابو کھوے نانگنے بینگستے سونگ۔

¹⁹ کھوے داگپوگونّی پینے چوچیسّی سکابس میدکھان چھاکھانبو ہاگواچیگ، کھونگونی حضرت پولُس تانگ سیلاس زومستے ٹھومسّی نانّگا وانگثولپاگونّی لدُونلا ٹُودین کھیرس۔

²⁰ کھونگون شخ چوکان گونّی لدُونلا لیبّاچیگ اِزوک زیرس، ”ای یہُودی پاگون نگاتانگی گیالسے نانّگا یونگستے ہیلینگس پھینگدوگ،

²¹ یانگ نگاتانگی رومپے شریعت نے گالکھانّی لام لوگثول ریگ نگاتانّگا لابدوگ“ ۔

²² تیبو تشورّاچیگ میتشوگسّیانگ حضرت پولُس تانگ سیلاسّی گیابگال چوس، یانگ شخ چوکان گونّی کھونگ نییسکوا لجیرنیال پھودتے بیرگا تانگچیسّی کا تانگس۔

²³ کھونگونلا بیرگا نیامپو ماثانٹے ردونگس یانگ تسونلا کاگستے تسونکھانگی سپونبوا گیالّا چوستے، ثونگچوگچیسلا کا تانگس۔

²⁴ کا تانگسکھانبو تھوبّاچیگ، کھوے کھونگ نیسکو تشانگمیسانگ نانگکوگا یودکھانّی تسونکھانگی نانّگا کانگپاگون شینگی نانّگا چوگستے لدامستے بورس۔

²⁵ تشانپھیدلا حضرت پولُس تانگ سیلاس نیسکوے خُدا دُعا چوین، زبُور تانّگادپین، یانگ جان تسونپاگونّی کھونّگا نیانتے یودپین۔

²⁶ ہونمیدلا سانگّول ٹاگپو یونگستے تسونکھانگی ماگلدانگون سکولس۔ تینّامالّا گھو تشانگما بے، یانگ تیرو یودکھانّی تسونپا تشانگمے لچاگتھاگون ڈولتے بُود۔

²⁷ تسونکھانگی سپونبوا نییدتشاد یانگ کھوے تسونکھانگی گھوگون پھیستے تھونگ۔ تسونپا تشانگما شورتے میدکیاگ سامتے، کھوے رانگی رایَ پھینگستے رانگثوگ چادچیس چوس۔

²⁸ حضرت پولُسی کُوچو تانگستے کھوا مولس، ”رانگی سروک ماچاد، نگاجا تشانگما ینیکانے یود۔“

²⁹ تسونکھانگی سپونبوے اوت کھیونگ زیرتے بودس یانگ کھو نانگکوگا بانگتانگستے سونگ یانگ داراینجیگ حضرت پولُس تانگ سیلاسّی لدُونلا گیل۔

³⁰ کھوے کھونگون پھیلوگا کھیونگستے زیرس، ”سپونبولے نگے تھارپا تھوبچیسلا چی چوگوس؟“

³¹ کھونگونی لانسالس، ”حضرت عیسیٰ مسیح یکا ایمان کھیونگ، تینے کھورانّگا تھارپا تھوبین، ماتشاد کھیرانگی کھانگپے نانّگا دوگکھانگونّانگ۔“

³² کھونگونی تسونکھانگی مالِک تانگ کھوے نانگمی گُونلا حضرت عیسیٰ مسیح سکورلا شادّا زادس۔

³³ مِنتخسی تینّا توسلا تسونکھانگی سپونبوبوے کھونگون کھیرتے کھونگونی سماکھاگون غوتا، یانگ تینّا توسلا کھو تانگ کھوے نانگمی تشانگمے غوتا لینس۔

³⁴ کھوے حضرت پولُس تانگ سیلاس کھورانگی کھانگپا کھیرتے دونتانگ پھولس، کھو تانگ کھوے نانگمی تشانگما سکیدپو سونگ چیازیرنا کھونگونی خُدے کا ایمان کھیونگس۔

³⁵ ناملانگسّاچیگ، شخ چوکان گونّی تسونکھانگی سپونبویکا ماگمیگون کالتے، ”کھونگون پھودّونگ“ زیرتے کا تانگس۔

³⁶ تسونکھانگی سپونبوبوے حضرت پولُس جوس، ”شخ چوکان گونّی نییژا پھود زیرتے کا تانگستوگ۔ تا نییجاگون جیدے نیامپو سکیود۔“

³⁷ اِین نانگ حضرت پولُسی لانسالس، ”نگاجا رومپا اینتیانگ شخ چوکان گونّی نگاجیکا شریعت ماچادّا میگونّی لدُونلا نگاجا ردونگستے تسونکھانّگا کاگس۔ تا چی کھونگونی نگاجا سوانگ گیُوس چھا ماچوگّا پھودتانگین سامّانوگّا؟ نگاجا میچھا۔ کھورانگّون ایکا یونگستے، نگاجا تسونّے پھینگستے کھیرگوس۔“

³⁸ ماگمیگون سونگتے سپیراگون شادس یانگ حضرت پولُس تانگ سیلاس گُون رومپا اینکھانبو تشورتے شخ چوکان گُون ثانٹے جیگس۔

³⁹ شخ چوکان گُون تسونکھانّگا یونگس یانگ حضرت پولُس تانگ سیلاس لا گونگسپا سالچیسلا جوس۔ کھونگون تسونّے پھیلوگا کھیرتے کھونگونلا گیالسانے بینگستے چھاچیسلا جُووا پھولس۔

⁴⁰ حضرت پولُس تانگ سیلاس تسونکھانگنے بینگتے لیدیاے کھانگپا سکیودس، تیرو کھونگون فونو گون نیامپو تھوگتے کھونگونلا سپوسپا سالّا زادس، یانگ تے یولنے سکیودس۔