یوہའنའن ۳ 1 - New Testament in Ladakhi Langageیوحنّانی سلام جْوس ۔ 1 خُدے میگونّی گوٹھیدّی چھوگسنے، ای ایگیبو نگے چیسپے دزاو گیُس لا ڈِیاد، کابوا نگے لدینبا چیسپا چواد۔ 2 چیسپے دزاو، نگے دُعا این، کھیرانگ چیتشانگمے نانّگا یارگیاس چوچیس یانگ، کھیرانگ مسیح نانّگا رُوح بوے تھوگنے کھامزانگ لوسّا تسوگسلا زوگسپے تھوگنیانگ کھامزانگ لوسشیگ۔ 3 مسیحاپے فونو ریگ نگیکا یونگستے کھیرانگ نی، خُدے نانّگا ایمان چان تانگ خُدے لدینبا نانگجین کھیرانگی میتشے پھودّوگ زیرتے گواہ تانگسپا، نگا مانگپو تھاد۔ 4 نگے ٹھوگوگونّی میتشے خُدے لدینبا نانگجین پھودّوگ زیرتے تشورکھانبوے سانگ تھادپوجیگ نگے پھیا چی یونگین۔ مسیح جابستوگپاگون نیارا چوس۔ 5 نگے چیسپے دزاو، کھیرانگی نگوانگ ماشیسکھانّی فونو ، جابستوگ جوکھانگونلا، روگس گیالّا چوستے، کھیرانگ خُدا ایمان چانجیگ اینکھانبو ستانتے اینوگ۔ 6 کھونگونی عبادت خانہے لدُونلا، کھیرانگی یاشے سکورلا گواہ تانگس۔ شزدے زادتے خُدے تھوگنییسشیسچانّی تشولّا، بیسّی نانّگا یودکھانّی جانما مسیح پا ژابستوگپاگونلانگ روگس چوشیگ۔ 7 چیازیرنا، کھونگون مسیح مِنتخسی پھیا جابستوگ جوالا بینگتے اینوگ۔ یانگ ایمان میدکھانگونّی کانے روگسّی ریوانگ چوا مانوگ۔ 8 تینے نگاتانگونّانگ گاموےناتسُول کھیابسشوگچیسّی نانّگا کھونگون نیامپو ڈیسچیسّی پھیا نگاتانگ مسیحا پا گُونی کانیمید، تے میگونلا روگس چوگوشیس اینوگ۔ 9 نگے کھیرانگی عبادت خانہ لانگ ڈیسپین، اِین نانگ عبادت خانہے گوبا گیورّا تھادکھان دیوٹیپھیسّی، نگاجے وانگّونلا سنانگمید چوروگ زیرتے تشور۔ 10 تا نگا یونّگاچیگ، نگے کھوے چوسکھانّی لاس کھیوجا تشانگمالا شادین، کا بو نگاجے سکورلا زون تانگستے سپیرا نگانپا زیرکھان یانگ نگاجے فونو گون یونگ زانے، گاسوس میچوچیس، ماتشاد گاسوس چوا تھادکھانگون گاگستے تیگونلا عبادت خانہے ٹونے پھینگستانگستوگ۔ 11 نگے چیسپے دزاو، تے می نگانپے سپییکا ماڈولّا، زانگپو میگونّی سپییکا ڈولگوشیس اینوگ۔ لاس زانگپو چوکھانگون نی خُدانے اینوگ، یانگ لاس نگانپا چوکھانگون نی خُدا مانے ماشیسّا اینوگ۔ 12 نگاتی فونو ، دیمیترِیُس لا نگاتانگی فونو تشانگمے ستودّوگ۔ کھوے رانگی میتشیبو خُدے لدینبا نانگجین پھود پاسانگ، کھو تے ستودپابوے اوسپانگ یودتے اینوگ۔ نگاچیانگ اینّابوے گواہ تانّگاد۔ نگاجے سپانگپوگون ٹانگپو اینکھانبو کھیورانّگا گیوس اینّوگ۔ ستینگجوگی سلام جْوس ۔ 13 نگا زیرچیس تا ما مانگپوجیگ راگ، اِین نانگ نگا ناگتسا تانگ نییگو نیامپو ڈیچیسپو لدیموجیگ تشورّا میراگ۔ 14 نگا کھیرانگ تانگ گیوگسپا تھوگچیسّی ریوا این، تینے نگاتانگونّی لدُونلا دُوگستے سپیرا تانگین۔ 15 کھیورانّگا خُدے جیدے تھوبشیگ۔ یانگ ایرو یودکھانّی دزاوگونّی کھیورانّگا سلام کالدوگ۔ تیرو یودکھانّی دزاو تشانگما چیگّانگ لوس ماچوگّا نگاجے چھوگسنے سلام جُوس۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation