تھیسའلونیکའپའ ۲ 2 - New Testament in Ladakhi Langageحضرت عیسیٰ مسیح لوگستے پھیبسشیسّی سکور۔ 1 فونو گون، تا کھیوجاگونلا نگاتانگی حضرت عیسیٰ مسیحالوگستے پھیبشیسّی توس تانگ کھونگی سکوندونلا نگاتانگ تشانگما دزومچیسّی سکورلا ای ژووابو جُواد۔ 2 کی روح ، یا خط اونگسید، زیرین مسیح لوقسے یونگمی جق پو لیب زیر نا یانتنگ شوخمو پریشان ما سونگ یانگ جِکس ما جِکس۔ 3 جوجو سوجیگیانگ گوبسکور ماتنگ شیگ چیازیرنا تے جاگپو تےتےتشوگپا مِیلیب، نامتشوگپا خُدا نگولوگ چوچیسّی توسپو مِیلیب یانگ شریعت میدکھانّی میبو سنگون میسنگون۔ تے میبو ٹھیسّتور چھوگسلا چھین اینوگ۔ 4 میگونّی خُدے سیکھان یا چولکھان تشانگمالا ای می بوے گیابگال چوستے کھورانّگا تیگونّی سانگ سیوا مانّگا تانّگانوگ۔ کھو خُدے بیت المقدِس سی نانّگا ٹھیسّیکا دُوگستے کھورانگ خُدے این زیرّانوگ۔ 5 نگا کھیوجا نیامپو یود زانے، تیگونّی سکورلا کھیوجاگونلا زیرکھانگون ایدتو میراگّا؟ 6 شریعت میدکھانّی می، توسپوے سانگ سنگونلا سنگون ماچوگّا گاگستے بورّا زادکھانبو کھیوجا گیوس اینّوگ۔ 7 شیطانی وانگی سانگوے تشولّا لاس چوچیس گوزوگ تشارتے اینوگ۔ اِین نانگ گاگستے بورّا زادکھانبوے، کھو تےتےتشوگپا گاگستے بورین نامتشوگپا خُدے کھونگ تے لامی کانے تھینّا میزاد۔ 8 تینے تے شریعت میدکھانبو یونگین، اِین نانگ حضرت عیسیٰ مسیح اوگس چیگ نیامپو حکم سالتے ، کھوا پھامکالّا زادِین۔ یانگ کھونگ شان ّی نانّگا سکیودچیسپوے، کھو میدکھان زادِین۔ 9 تے شریعت میدکھانبو شیطانی ستوبس نیامپو یونگین، یانگ زون ستاس تانگ ستاگس تانگ کھیودی ریگس تشانگما ستانین۔ 10 کھوے تے ٹھیسّتورّی لامیکا ڈولکھان تشانگمالا نگانپے گوبسکور سناتشوگسّی نانّگا کھیونگین، چیازیرنا کھونگونی سکیوبتھوبکھانّی لون ڈانگپوا چامسپا چوا میروگ۔ 11 تینّابویپھیا خُدے گوبسکور چھینموجیگ جُونگ چوگّا زادِین، کابوے تیگونلا شیطانی زُوسما لاسگونلا ایمان چوچوگاین۔ 12 کھونگونی لون ڈانگپوبویکا ایمان ماچوا، نگانپابوا تھادپو چوچیسپوے جاستے، کھونگّونّیکا شیچیسّی تھاگچاد سالین۔ ایمانی نانّگا ستانپو دوگچیسّی سکور۔ 13 مسیح چیسپا زادکھانّی فونو ، نگاجے کھیوجاگونّی پھیا خُدا توسگیون شُکر ژوچیسپو اوسپا تشورّاراگ۔ چیازیرنا خُدے کھیوجاگون تھارپے پھیا دُنیا چھاگسّی سانگ سنگونلا، ہلژخمہ رُوح بوے ژانگما زادچیس تانگ حضرت عیسیٰ مسیح سکورلا ٹانگپوے لونبویکا ایمان چوکھانگون گیُودتے، لدامّا زادتے اینوگ۔ 14 نگاتانگی حضرت عیسیٰ مسیح سپالّی نانّگا ڈیس تھوبچیسّی پھیا خُدے، کھیوجاگون نگاجے گاموےناتسُول شادکھانگون گیُودتے، تھارپا تھوبچیسلا بودّا زادتے اینوگ۔ 15 تیبویپھیا فونو گُون، نگاجے کھانے تشورکھان یا ایگے نانّگا ڈیسکھانّی لابجاگونّیکا تھےژومس ماچھا ستانپو دوگشیگ۔ 16 نگاتانّگا چیسپا زادتے شزدے زیگستے تھامیدپے سیمسدے تانگ ہالاسّی ریواجیگ سالّا زادکھانّی، نگاتانگی حضرت عیسیٰ مسیح ا تانگ خُدے نگاتانگی یاب نیسکوے، 17 کھیوجے سیمسلا، لاس تانگ سپیرا زانگپو گُونی نانّگا، سپوسپا تانگ ستوبس سالّا زادشیگ۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation