پیٹའر ۲ 3 - New Testament in Ladakhi Langage

حضرت عیسیٰ مسیح لوگستے پھیبشیسّی سکور۔

¹ چیسپے فونو گون، ایبو نگے کھیوجاگونلا ایگے نیسپابو این۔ ای ایگیگون گیُودتے سامبا لاگمو تانگ زانگپو تانگچیسّی پھیا کھیوجاگونّی سنگونلا لوبستے یودکھانّی لابجاگون ایدتو سکولّاد۔

² کھیوجاگونّی سنگونمے ہلژخمہ پیغمبر گونّی مولکھانگون تانگ حضرت عیسیٰ سی رسُول گُون گیُودتے، نگاتانگی مسیح تانگ کھوم چُوک کھن حضرت عیسیٰ، کا سالکھانگون ایدتوا بورگوشیسپو نگے دودپا این۔

³ تشانگمیسانگ سنگونلا کھیوجاگونلا ایبو ہاگوگوس، تھامے توسلا دِیگپے دودپا نانگجین رانگی میتشے پھودین، کھیوجے ایمانی کا ٹھیلگود تانگکھانّی میریگ یونگین۔

⁴ کھونگونی زیرین، ”مسیحا لوگستے سکیودچیسّی وعدہ بو کارُو سونگ“ یانگ ”نگاجے اتا اپو گون شی تشارپانے پھارلا داگسا تشوگپا ای دُنیائی تشیرگون، تینّا زوگّا ڈولدوگ کازوگ گوما دُنیا زاد زانے یودپین۔“

⁵ کھونگونی مینگنانگ ایگونلا سنانگمید چوستے اینوگ، ٹانگپو، توس مانگپوجیگی سنگونلا خُدے حُکم نانگجینلا نامکھابو چوا زادتے، ساژیبو چھوی ٹونے پھیلوگا پھینّگا زادتے تیبوا چھوی سکورچوگّا زادس۔

⁶ نیسپا، خُدے جابستوگپا حضرت نُوح توسلا خُدے حُکم نانگجین چھولوگی جاستے، تیتوسّی دُنیائی می گون میدکھان سونگتے اینپین۔

⁷ تینّا خُدے حُکم گیُودتے، نامکھا تانگسا نیسکو، میے نانّگا ثاگچیسلا لوسشوگّا زادتے اینوگ۔ یانگ تیگون تےتےتشوگپا تھینتے بورّا زادتے اینوگ نامتشوگپا ای دُنیائی ایمان میدکھانّی میگونلا، کھونگی شاگس چادتے میدکھان چوا میزاد۔

⁸ اِین نانگ نگے چیسپے فونو گون، ای سپیرابو مانے مارجیدشیگ، مسیح خُدے سکوندونلا جاگ چیگپو نی لو ستونگ چیگیانگ لو ستونگچیگپو نی جاگچیگ تانگ ڈانڈا اینوگ۔

⁹ می کھاچیگی مسیح کھونگرانگ لوگستے پھیبچیسّی وعدہ بو، گورتے اینوگ سامدوگ، اِین نانگ نگوسپوا کھونگ گورتے مانوگ، چیازیرنا کھونگی کھیوجاگونّی پھیا زودپا زادتے اینوگ۔ کھونگی سوجیگّانگ میدکھان چوا مازادّا، می تشانگمے گیودپا چوچیسّی دودپا زادّانوگ۔

¹⁰ اِین نانگ حضرت عیسیٰ مسیح ا لوگستے پھیبسچیسّی جاگپو نی، سانگوے نانّگا کونما تسوگسلا لیباین۔ تے جاگّا نامکھے بارنانگبو ما کُوچو ٹاگپو نیامپو میدکھان چھین، یانگ نامکھے نانّگا یودکھان تشانگما تشاد ٹاگپوے ژوتے چھین۔ یانگ ساژیکا یودکھان تشانگما تشیگتے میدکھان چھین۔

^11-12 تا کالتیس ای تشانگما میدکھان چھادنا، کھیوجاگونّی میتشیبو کازوگّا پھودگوس۔ خُدے جاگپوا ثونگتے گیوگسپا لیبچوگچیسلا سونڈوس چوین، کھیوجاگونّی خُدے سچودلامیکا ڈولکھان تانگ ہلژخمہ میتشے جیگ پھودگوشیس اینوگ۔ تے جاگّا نامکھے بارنانگ میا تشیگتے، یانگ تینانّگا یودکھان تشانگما ژوتے میدکھان چھین۔

¹³ اِین نانگ نگاتانگون خُدے وعدہ نانگجینلا نامکھا سوماجیگ تانگ ساژی سوماجیگی پھیا، ثونگستے دوگین، کا بو ٹانگپوے لامیکا ڈولکھانگون نی، کھانگپا اینوگ۔

¹⁴ تیبویپھیا نگے چیسپے فونو گون، کھیوجاگون ای تشانگما جونگچیسّی پھیا ثونگستے یود زانے، کھیوجارانگ خُدے سکوندونلا ژانگما، سکیونمیدکھان تانگ جیدے نیامپو میتشے پھودکھانجیگ ستان تھوبچیسّی پھیا ما سونڈوس چوشیگ۔

¹⁵ یانگ خُدے زودسیمس نیامپو نگاتانگونلا تھارپا تھوبچیسّی سکابس سالّا زادکھانبو ہاگو گوشیسپو، ما کھاگچانجیگ اینوگ۔ نگاتانگی چیسپے فونو حضرت پولُسی نگ، خُدے سالّا زادکھانّی شیسرابس نانگجینلا، کھیوجاگونلا ڈِیازادتے اینوگ۔

¹⁶ کھونگی رانگی چھاگڈیس تشانگمے نانّگا، اینّا تسوگسّی گورگیانگونّی سکورلا ڈِیازادتے دوگ۔ کھونگی چھاگڈیس کھاچیگی نانّگا ہاگوچیسلا ما کاگسپو چھاکھانّی لابجا ریگّانگ یودتے اینوگ۔ یانگ سامبا میدکھان تانگ ستانجی میدکھانّی می کھاچیگی، حضرت پولُسی چھاگڈیسگونّی تونتاگپو مینگنانگ گیورتے اینوگ، کازوگ کھونگونی جان ہلژخمہ شوقبُو گُونلا چواد، کابوے کھورانگونّی پھیا نودسکیال کھیونگدوگ۔

حضرت پطرؔس سی ستینگجوگی لابجا۔

¹⁷ توس لیبّی سانگ سنگونلا نگے کھیوجاگونلا سپانگپودّاد۔ ٹھیمسمیدّی میگونّی گوبسکورّی نانّگا یونگستے کھیوجارانگ ایمانی نانّگا ستانپو میدکھان می گیورچیسلا شانگ چوستے دوگشیگ۔

¹⁸ ماتشادپے نگاتانگی مسیح تانگ کھوم چُوک کھن حضرت عیسیٰ مسیح شزدے تانگ شیشیسّی یونتانّی نانّگا یارگیاس چوین سونگشیگ۔ یانگ کھونّگا داگسا تانگ توسگیون سپال تھوبشیگ۔ امین۔