پیٹའر ۲ 2 - New Testament in Ladakhi Langage

زوسمے پیغمبر تانگ زوسمے لوبپون۔

¹ کازوگ سنگونما بنی اِسرائیلی میرگیودّی نانّگا، زوسمے پیغمبر مانگپوجیگ یودپین، تینّا تسوگسلا کھیوجاگونّی عبادت خانہے ٹوانگ زوسمے لوبپون مانگپو ریگ تھونگین ، کاگونّی سانگوے نانّگا زوسمے لابجاگون تانگستے ٹھیسّتور چھوگسلا ٹھیداین۔ یانگ رانگی سپونبو مسیح کھونگون کھونگرانگی ٹھاق ّی رین شالتے نیوا زادکھانبوانگ پھانگین۔ تیزوگ چوچیسپوے، کھونگونی کھونگرانگّون گیوگسپا میدکھان چھاچیسپو جونگ چوگستے اینوگ۔

² می مانگپوجیگی تیگونّی سچودپا نگانپے لامگونّیکا ڈولتے، لدینبے لامبو سیسمیدجیگ گیور چوگین ۔

³ یانگ تیگونّی نابسیمسّی نانّگا رومس چوسماگون گیُودتے، کھیوجاگونلا گوبسکور تانگستے پھانتھوگس لیناین۔ اِین نانگ توسیونرینگ جیگنے تیگونلا شیچیسّی چھادپا پھوگکھانبو، نیکھورلا کھورین یود۔ یانگ کھونگون ٹھیسّتور چھاچیسپو گور میچوگ۔

⁴ خُداس فرشتا گونّانگ پھودّا مازادّا، کاگونی نیسپا چوس۔ خُداس کھونگ مونڈیگی نگا لچاگتھاگا چینگستے ٹھیمسچادّی جاگ تشوگپا نیالوے نانّگا پھانّگا زادتے اینوگ۔

⁵ یانگ سنگونمے میرگیودگونّانگ، پھودّا مازادّا، خُدا ماجیگسکھانگونّی پھیا دُنیائیکا چھولوگ کالا زادس۔ اِین نانگ لام ٹانگپوے سکورلا چھوسشادکھان کھونگی جابستوگپا، حضرت نُوح تانگ کھوے نانگمی ردونبو سکیوبّا زادس۔

⁶ سدُوؔم تانگ عمورہ گیالسا نگانپا نییسکوا خُدے شیچیسّی ٹھیمسچاد زادتے میا ثاگستے کوگتھالّا گیورچوگّا زادس۔ تیبو نی یونگچیسچانّی خُدا ماجیگسکھانّی میرگیودگونّیکا چونگچیسپو سپیجیگی تشولّا سالّا زادس۔

⁷ یانگ سدُوؔم ی گیالسے تے ٹھیمسمیدّی میگونّی لوسڈیل نگانپے سچودپاگونّی جاستے، ماثانٹے سیمس سکیومو سونگتے یودکھان ٹانگپو خُدے جابستوگپا حضرت لُوط سکیوبّا زادس۔

⁸ (تے می ٹانگپوبو تیگونّی سکیلّا دُوگستے جاگدانگ کھونگونی نگانپا لاسگون تھونگچیس تانگ تشورچیسپوے، کھوے سیمس ڈانگپوبوا ردوگنگال تھونّگادپین)۔

⁹ تینے کازوگی خُدے سچودلامیکا ڈولکھانگون تشودلتاگونّے سکیوبچیس تانگ مینگانگونلا ٹھیمسچادّی جاگ تشوگپا چھادمیدلا چھادپا کالین بورچیس گُون کھونگی کھیینّا زادّانوگ۔

¹⁰ میگسالّی وانگ یودکھانگونلا سیسمید چوستے لوسڈیل نگانپے دودپے لامیکا ڈولکھانگونلا خُدے چھادپا سالّا زادِین۔ تیگون رانگیالچان تانگ پھوسوچان یونّگانوگ، یانگ شان چانگونّی سکورلا نگانپا زیرچیسلا تشابسا مانوگ۔

¹¹ خُدے فرشتاگون وانگ تانگ ستوبسّی نانّگا تے زوسمے لوبپونگونّی سانگ ٹاگپو یودنانگ، خُدے لدُونلا کھونگ یانگ تیگونّی گیابگالّا نگانپا مولّا زادّا میدوگ۔

¹² تے زوسمے لوبپون گُون سامبا ماتانّگا لاس چوکھانّی ناگتشوگسّی سیمسچان گُون ژوگس اینوگ، کاگون زومستے ٹھیسّتور چوچیسلا سکیستے این۔ کھونگونلا ہاماگوکھانگونّی سکورلا کھونگونی ٹھیلگود تانّگانوگ، ناگتشوگسّی سیمسچان گُون تسوگسلا تیگونّانگ ٹھیسّتور چھین۔

¹³ تیگونلا رانگی لاس نگانپے ڈاسبو نگانپا تھوبین۔ تیگون نییمے اودّی نانّگا کھورانگونّی دودپا نگانپے لاس چوچیسلا تھادّانوگ، یانگ کھونگون کھیوجے ٹوا داگ پھوگتے تشیتو چوکھانگون اینوگ۔ کھیوجا نیامپو حضرت عیسیٰ سی ٹونگشیسپو ایدتو چوین کھارجی زا زان یانگ، کھورانگونّی دودپا نانگجین لاس چوچیسلا تھادّانوگ۔

¹⁴ تیگونّی توسگیون لوسڈیلّی پھیا دودپا چوانوگ، یانگ دِیگپا ماچوا مانے دوگنیانّا مانوگ، ایمان ستانپو میدکھانگونلا دِیگپا چوچیسّی تشودلتے نانّگا کھیرّانوگ۔ کھونگون نابسیمسّی نانّگا کھاسپا یانگ رنگان پھوگکھانّی اولاد اینوگ۔

¹⁵ تیگونّی لام ٹانگپو پھانگستے، بیاورّی بُوژا پیغمبر بَلعامی لام نگانپیکا ڈولتے اینوگ، پینے چوچیسّی دودپے، کھوا نگانپا چوچوگستے اینپین۔

¹⁶ اِین نانگ تے جاگّا، سپیرا زیر میشیسکھانّی بونگبوانگ سپیرا تانگنیانتے کھوے لاسنگانگونّی پھیا کھوا کھاسکییستے، کھوا سنیونبے لاس چوچیسنے گاگس۔

¹⁷ تے زوسمے لوبپون گُون نی، چھو میدکھانّی چھومیگ تانگ، لونگراگ ٹاگپوے مامون دیدتے کھیرّا ژوگس این۔ تیگونّی پھیا مونّاگ تشانگمیسانگ تینگچانبو لدامّا زادتے یود۔

¹⁸ تیگونّی تونمیدّی سپیرا تانگین رانگستود تانّگانوگ۔ نیتھوبشیگرانگ دِیگپے میتشے پھودچیسنے شورتھوبکھانّی میگونلا کھونگونی زوگسپوے دودپا نگانپا نانگجین چوچیسلا، تشودلتے نانّگا تانگدوگ۔

¹⁹ تیگونّی جانماگونلا رانگوانگ تانگچیسّی کھاچھاد چوروگ، اِین نانگ کھورانگّون نگانپے تشیوگ گیورتے دوگ، چیازیرنا میجیگ کھویکا وانگثولکھانبوے تشیوگ گیورّانوگ۔

²⁰ کالتیس نگاتانگی مسیح تانگ کھوم چُوک کھن ، حضرت عیسیٰ مسیحاشیشیسپوے دُنیائی دودپا نگانپاگونّے شورتھوبکھانگونّی یانگسکیار دِیگپا کھورانگّونّیکا ٹھیل چوگستے وانگثولچوگّادنا، تینے تیگونّی ناسلوگپو سنگونّی سانگ مانّگا تھواچھین۔

²¹ تیگونّی ہلژخمہ میتشے پھودچیسّی کا سالکھانبو ہاگوتے ستینگنے، گیابلوگ چوے سانگ، تیگونلا ٹانگپو میتشے پھودچیسّی لامبو مانے گیُوس ماسونگپینّا، گیالّا یودڈو۔

²² کھونگونی پھیا تا ای تامسپیبو ٹھودّانوگ، ”کھیجیگ رانگی سکیوگسپا زالا لوگستے چھانوگ۔“ یانگ غوتا تنگستے ستینگنے پھاگ لدامکالاگی نانّگا ڈیسّالا لوگستے چھانوگ۔