یوہའنའن ۲ 1 - New Testament in Ladakhi Langage

یوحنّانی سلام جْوس ۔

¹ نگا خُدے میگونّی گوٹھیدّی، خُدے لدامّا زادکھانّی بومو تانگ کھوے ٹھوگوگونلا ڈِیاد۔ کھیرانگّونلا نگے لدینبا چیسپا چواد، یانگ نگا چیگپو مانپا لدینبے لابجاگون گیوسیودکھانّی فونو گونّیانگ،

² چیازیرنا خُدے لدینبابو نگاتانگونّی نانّگا ناستے یانگ توسگیون نگاتانگون نیامپو لوسین۔

³ لدینبا تانگ چامسپے نانّگا میتشے پھود زانے، خُدے یاب تانگ کھونگی بُوژا حضرت عیسیٰ مسیحاگُونی چھوگسنے، شزدے، سنینگرجے تانگ جیدے نگاتانگونلا تھوبشیگ۔

لدینبا تانگ چامسپا۔

⁴ کھیرانگی ٹھوگو کھاچیگ، یاب خُدے نگاتانگونلا کا سالکھان نانگجین، کھونگی دینبیکا ڈولدوگ زیرتے تشورّاچیگ، نگا ثانٹے تھاد۔

⁵ تا نگے کا سوماجیگی سکورلا ماڈیا، گومانے پھارلا نگاتانگون نیامپو یودکھانبوے سکورلا ڈِیاد۔ نگاتانگونّی چیگ تانگ چیگّا چامسپا چوگوشیس اینوگ۔

⁶ یانگ چامسپابو نی، نگاتانگون خُدے حُکم گونلا کھانیانتے ڈولچیسپو اینوگ۔ کھیوجاگونّی گومانے پھارلا تشورکھانّی کا بو نی، کھیوجاگون تے چامسپے نانّگا ڈولگوشیسپو اینوگ۔

⁷ حضرت عیسیٰ مسیح نگوسپوا زوگسپوے نانّگا پھیبسکھانبوا ایمان ماچوکھانّی گوبسکورکھان مانگپوجیگ، ای دُنیائی نانّگا بینگتے اینوگ۔ تیتسوگسی میتشانگما گوبسکورکھان تانگ مسیح ڈاو گون اینوگ۔

⁸ خُدے پھیا کھیوجے جابستوگ ژوکھانگون، تونمیدلا ماچھا، خُدے چھوگسنے تشانگریگ شزدے تھوبچیسّی پھیا کھیوجاگون شانگ چوشیگ۔

⁹ مسیح لابجاگونّی سانگ تھالتے سونگتے، کھونگی لابجے نانّگا مالوسکھانگونّی ڈیلبو خُدے نیامپو میدپا اینوگ۔ مسیح لابجے نانّگا لوسکھانگونّی ڈیل خُدے یاب تانگ کھونگی بُوژا نیسکو نیامپو یودتے اینوگ۔

¹⁰ کالتیس سوجیگ کھیوجاگونّیکا یونگستے مسیح لابجا مانپا، یانگ لابجا سوسو ریگ لابنا، تیگون رانگی کھانگپے نانّگا مانیین، ماتشاد کھونگونلا جوانگ ماچوشیگ۔

¹¹ سوجیگی یتسوگسّی میگونلا گاسوس جونا، تے میبو، کھوے لاس نگانپے نانّگا ڈِیستے اینوگ۔

ستینگجوگی جالتا۔

¹² نگا زیرچیس تا مانگپوجیگ راگ، اِین نانگ نگا ناگتسا تانگ نییگو نیامپو ڈیچیسپو لدیموجیگ تشورّا میراگ۔ کھیوجاگونّی ٹوا یونگستے لدُونلا سپیرا تانگچیسّی ریوا چواد۔ تینے نگاتانگونّی تھادپو ڈانڈا ڈوبین۔

¹³ خُدے لدامّا زادکھانّی کھیرانگی سترِنگمو ی ٹھوگوگونّی کھیوجاگونلا سلام جُوروگ۔