کورینتھیپའ ۲ 9 - New Testament in Ladakhi Langage

یروشالیمّی مسیحا پا گُونی پھیا پینے روگرام لدوچیس۔

¹ یروشالیمّی ایمان چانگونّی پھیا جابستوگی سکورلا نگے کھیوجاگونلا ڈیگوس میدپا اینوگ۔

² چیازیرنا کھیوجا کرِنتُھس عبادت خانہ گون روگس چوچیسلا تسامشیگ رینگسین یودکھانبو نگا گیوسیود۔ یانگ کھیوجا اخیہ نانّگا یودکھانگونّی، لو چیگنے پارلا روگسّی پینے کالچھوگچھوگ یودکھانبو، نگے مکدنیہ عبادت خانہ گونّی لدُونلا پھوسو چوستے شادپین۔ لدینبا، کھیوجاگونّی روگس چوچیسّی دودپا چھینموے جاستے، مکدنیہ نانّگا یودکھانّی ایمان چان مانگپوجیگیانگ تانگچیس گوزوگ۔

³ اِین نانگ کھیوجاگونّی سکورلا نگے پھوسو چوکھانبو نورتے مانکھان یانگ نگے زیرکھان تسوگسلا کھیوجاگونّی پینے تشانگما لدوستے ڈالڈیگ چوتھوبچیسّی پھیا، نگے کھیوجاگونّیکا ای فونو سومکو کالّاد۔

⁴ کالتیس مکدنیہ ایمان چان کھاچیگ نگا نیامپو یونگستے کھیوجاگون ڈالڈیگ میدکھانبو تھونگنا، تینے نگے پھوسو چوکھانبویکا نگا چیگپو ماتشاد کھیوجاگونّانگ ٹھیلبا چھاچیس اینوگ۔

⁵ تینے کھیوجاگونّی دامچھا چوسکھانّی پینیگون ڈالڈیگ یودچیسّی پھیا نگے ای فونو تشانگکو نگے سانگ سنگونلا لامچوگاد۔ اِین نانگ تیبو تانگنیین میداین تانگکھانّی سکیسشیگ مانپا، تھادتے تانگکھانّی سکیسشیگ یونگّوس سامّاراگ۔

⁶ ایبو مارجیدشیگ، ساون نیونگون تابسکھانّی جینگبادپاجیگّا ستونتھوگّانگ، نیونگونجیگ مانے سمینّا مانوگ۔ اِین نانگ سنینگ پھیستے ساون تابسکھانبوے ستونتھوگّانگ، مانگپو رنگین۔

⁷ تسامشیگ تانگ نیانچیسراگ، تیبو کھیوجا ریریے رانگی سنینگی نانّگا تھاگچادگوس۔ سیمس ماتھادّا یا وانگی نانّگا ماتانگشیگ، چیازیرنا خُدے تھادپو نیامپو تانگکھانبوا تھوگستھادّا زادّانوگ۔

⁸ یانگ خُدے کھیوجاگونلا گھوسدومگون سنینگ پھیستے سالّا زادّانوگ۔ تینے توسگیون کھیوجے گھوسدوم تشانگما ڈوبچیس ماتشاد، جانماگونلانگ یاتو چونیانین۔

⁹ کازوگ ہلژخمہ شوقبُو بوے نانّگا مولتے اینوگ۔ ”کھونگی گھوسدوم یودکھان تشانگمالا سنینگ پھیستے سالّانوگ، کھونگ ٹانگپو اینکھانبو توسگیون لوسین۔“

¹⁰ یانگ جینگبادپا ساون ریگّا زادکھان خُدے تاگیانگ سالّا زادّانوگ۔ تینّا زوگی کھونگی کھیوجاگونّی گھوسدومگون ریگّا زادتے کھیوجاگونلا یودکھانگون پھیل چوگّا زادّانوگ۔ تینے کھیوجاگونّی نانّگا سنینگ پھیستے مانّگا تانگچیسّی ستونتھوگس سمینین۔

¹¹ اونا توسگیون سنینگ پھیستے تانگچیسّی پھیا، کھیوجاگونلا چیساتھوگنے برکت سالّا زادِین۔ یانگ نام نگاجے کھیوجاگونّی کانے تے پینیگون کھیرتے گھوسدوم یودکھانگونلا تانّگاچیگ، کھونگونی خُدا شُکر جوانوگ۔

¹² تینے ای تانگچیسچانّی جابستوگپے ڈاسبو زانگپو نیس سمینّانوگ۔ تیبو یروشالیمّی ایمان چانگونّی گھوسدومگون تھوبچیس تانگ کھونگونی تھادپو نیامپو خُدا شُکر پھولچیسگون اینوگ۔

¹³ کھیوجاگونّی جابستوگی ڈاسبوی، کھونگونی خُدا سپال پھولّانوگ، چیازیرنا کھیوجاگونّی کھونگون تانگ ایمان یودکھان تشانگمالا، سنینگ پھیستے تانگچیسپو گیُودتے، کھیوجاگون مسیح گاموےناتسُول کھانیانکھان اینکھانبو، ستانّانوگ۔

¹⁴ یانگ خُدے کھیوجاگونلا سالّا زادکھانّی شزدے کھیوجاگونّی نانگنے لودین یودچیسپوے، کھونگونی سنینگنے کھیوجاگونّی پھیا دُعا پھولّانوگ۔

¹⁵ تسامشیگی ہالاسشیس تانگ تشیگس گیُودتے شاد مینیانچیسّی خُدے تھارپے سکییسّی پھیا، خُدا شُکر پھولشیگ۔