کورینتھیپའ ۲ 8 - New Testament in Ladakhi Langage

سنینگ پھیستے سالچیس۔

¹ فونو گُون، خُدے مکدنیہ عبادت خانہ گونّی نانّگا کھونگرانگی شزدے گیُودتے زادکھان گُون، نگے کھیوجاگونلا ہاگو چوگنیینراگ۔

² کھونگونلا ناگس تانگ باردو مانگپوے تشودلتا یونگس یانگ مانگستیانگ نیالباچان اِین نانگ سکیدپو کھونگونی نانگنے لودتے چھاچیسپوے، کھونگون سنینگ سانگ پھیستے سالکھانگون اینوگ۔

³ کھونگونی کھیود نانگجین تسامشیگ تانگنیانّانگ تانگس ماتشاد، تیسانگ مانّگا تانگکھانبوا نگے گواہ تانگ نیانچیسراگ، یانگ تیبو کھونگونی تھادپو نیامپو چوروگ۔

⁴ یروشالیمّی گیالسے نانّگا یودکھانّی ایمان چانگونلا روگس چوچیسّی سیوے نانّگا کھونگ یانگ کھاگ لینّیانچیسلا، نگاجا یانگنے یانگ جوجو زیرین جُووا پھولدوگ۔

⁵ یانگ کھونگونی نگاجے سامکھانّی سانگ مانّگا چوس، چیازیرنا خُدے تھوگّونگس نانگجینلا کھونگرانگّون تانگپو، حضرت عیسیٰ مسیح تینے نگاجا گُونلا تانگدوگ۔

⁶ تینّابویپھیا نگاجا گُونی فونو طِطُسی، گوما کھیوجاگونلا پینے روگسگون لدوستے کھیونگچیس گوزوگ چوچیسلا سپوسپا تانگس۔ تے پینے روگسگون لدوچیسپو ڈوبچوگچیسلا سپوسپا تانگچیسّی پھیا، نگے کھوا کھیوجیکا لوگستے چھاچیسلا جُووا پھولّاد۔

⁷ کھیوجاگونّی لاس مانگپوے نانّگا ما گیالّا چوستے اینوگ، سپیرنا ایمانی نانّگا، سپیرا تانگچیسّی نانّگا، شیسرابسّی نانّگا، لاس چوچیسّی دودپے نانّگا، یانگ نگاجے پھیا کھیوجاگونّی چیسپے نانّگا۔ نگے دودپابو نی، کھیوجے سنینگ پھیستے تانگچیسّی لاسپوے نانّگانگ گیالّا چوگوشیس اینوگ سامّاراگ۔

⁸ نگے کھیوجاگونلا تیبو چوس زیرتے کا تانّگامید، اِین نانگ نگے جانیانگ عبادت خانہے تانگدودچانگون نیامپو لدورتے کھیوجاگونّی چیسپا تسامشیگی ٹانگپو اینکھانبو، تشودلتا نین راگ۔

⁹ نگاتانگونّی حضرت عیسیٰ مسیح شزدے بو کھیوجاگونلا گیوسیودتے اینوگ۔ جان نامکھے نانّگا کھونگ چھوگپو اِین نانگ ، کھیوجاگونّی تونلا کھونگ نیالباچان گیورّا زادس۔ کھیوجاگون نامکھے نانّگا چھوگپو گیورچوگچیسّی پھیا، کھونگ نیالباچان گیورّا زادس۔

¹⁰ ایبو نگے کھادا این، لو چیگی سنگونلا کھیوجاگونّی گوزوگ چوکھانّی لاسپو، ڈوبچوگنا گیالّا چھاچیس اینوگ۔ سنگونمے لوے نانّگا کھیوجاگون تانگپورانگ اینپین، کاگونّی یروشالیمّی نانّگا یودکھانّی مسیحا پا گونلا پینے تانگچیسّی دودپا یودچیس ماتشاد تانگستیانگ اینپین۔

¹¹ تا کھیوجاگونّی کالاسپو سنگونلا گوزوگ چوس تیبو ڈوبچوگ گوشیس اینوگ۔ کھیوجاگونّی سنگونلا تانگچیسّی سیمسّی دودپابو، داگسا تینّا تسوگسلا تانگچیسّی نانّگا ستونشیگ، رانگرانگی کھیود نانگجینلا تونگشیگ۔

¹² کھیوجاگونّی چیجیگ تانگچیسّی تھاگچاد چوس کالتیس رینگسین جیگ تانگنا، تیبوے خُدے تھوگنییس شوگانوگ، یانگ تیبو کھیوجاگونّی تانگچیسّی کھیودنے تھالتے مانپا، کھیوجارانگی کھیود نانگجین تانگوس۔

¹³ اونا نگے دودپا نی، کھیوجاگونّی تانگچیسپوے، جانماگونّی میتشیبو لاموجیگ یانگ کھیوجارانگونّی میتشیبو کاگسپوجیگ گیورچوگچیسپو مان، اِین نانگ تشانگما ڈانڈا یونگّوشیسپو این۔

¹⁴ داگسا کھیوجاگونّی لاگا مانگپو یود پاسانگ، گھوسدوم یودکھانگونلا روگس چونیانین۔ یونگچیسچانّی توسّی نانّگا، کھونگونلا مانگپو جورتے کھیوجاگونلا گھوسدوم یود زانے، کھیوجا نیامپو گواین، تینے تشانگما ڈانڈا گیورین۔

¹⁵ کازوگ ہلژخمہ شوقبُو بوے نانّگا مولتے دوگ۔ ”مانگپو لدوستے کھیونگکھانگونّی لاگا گودلا تانگچیسلا مالوسّا اینوگ۔ یانگ نیونگون لدوستے کھیونگکھانگونّی گھوسدوم ڈانڈا سونگتے اینوگ۔“

طِطُس تانگ کھوے ٹوپاگون۔

¹⁶ اِین نانگ خُدا شُکر ، کھونگی نگاجے فونو طِطُسلانگ، کھیوجاگونّی پھیا نگیکا یودکھانّی دودپاگون ژوگس سالّا زادتے دوگ۔

¹⁷ تیتوسّی، کھیوجا تھوگّالا یانگسکیار سونگ زیرکھانّی نگاجے ژووابوا تھادپو چوس۔ لدینبا، کھو کھورانگ، سونگتے کھیوجاگونلا تھوگچیسلا، رینگستے شیروگ۔

¹⁸ نگاجا گُونی جان فونو جیگّانگ، طِطُس نیامپو لامچوگاد۔ عبادت خانہ تشانگمے کھوا گاموےناتسُول شادچیسّی جابستوگی پھیا ستودپا پھولدوگ۔

¹⁹ نگاجے یروشالیمّی نانّگا یودکھانّی ایمان چانگونّی پھیا پینے روگسگون کھیر زانے، نگاجا گُونلا روگس چوچیسّی پھیا، عبادت خانہ گونّی کھو لدامستے اینپین، تے جابستوگون نی، حضرت عیسیٰ مسیح سپال کھیونگچیس یانگ نگاجا گُون روگس چوچیسلا رینگسین یودکھان ستانّانوگ۔

²⁰ نگاجا پینے مانگپوے روگسپو نورتے کولدوگ زیرچیسنے سکیوبچیسّی پھیا، نگاجے کھو تانگ طِطُس نیسکو نگاجا نیامپو یروشالیمّی گیالسا کھیرین۔

²¹ نگاجا گُونی چوکھان ٹانگپو اینکھانبو مسیح زیگشیس ماتشاد میگونّیانگ تھونگچیسلا سونڈوس چواد۔

²² نگاجا گُونی کھونگ نیسکو نیامپو جانیانگ فونو جیگّانگ لامچوگاد، کھوے توسّکابس مانگپوجیگی نانّگا، کھورانگ تسامشیگی مسیحا جابستوگ ژوچیسلا رینگسین یودکھانبو، لان مانگپو ستانتے تانگس۔ کھیوجاگونّی نانّگا مانّگا لوکھیل یودچیسپوے، تا داگسا کھو مانّگا رینگسین اینوگ۔

²³ طِطُس نی، نگے ٹوپا نگا نیامپو کھیوجا روگس چوکھانبو این، یانگ کھو نیامپو یودکھانّی فونو نیسکو، عبادت خانہ گونّی لامچوگستے این، یانگ مسیحا ژیوا کھیونکھان این۔

²⁴ تینّابویپھیا کھونگ سومکو تانگ جان عبادت خانہ گونّی لدُونلا کھیوجے چیسپا تانگ نگاجے کھیوجاگونّی سکورلا پھوسو چوکھانبو تانتان اینکھان ستونشیگ۔