کورینتھیپའ ۲ 6 - New Testament in Ladakhi Langage

¹ نگاجا خُدے ٹوپا لاس چوکھانگون اینپا، نگاجے کھیوجاگونلا خُدے شزدے بو سنانگمید چوستے زورلا پھانگ میپھانگچیسلا جُووا پھولّاد۔

² چیازیرنا خُدے ہلژخمہ شوقبُو بوے نانّگا مولتے اینوگ، ”نگے لدامکھانّی توسپیکا نگا کھیوجاگونّی دُعا گُون تشور۔ تھارپے جاگّا، نگے کھیوجاگونلا روگس چوستے اینپین۔“ ستوسّانگ، دیرینگ خُدے لدامّا زادکھانّی توس، دیرینگ تھارپے توسپو اینوگ۔

حضرت پولُسی سکالاسگون۔

³ سوجیگّانگ گھاگ میگیابچیس یانگ نگاجا گُونی جابستوگ جوکھانگونّی نانّگا، سکیون پھینگ میتھوبچیسّی میتشے جیگ، نگاجا گُونی پھودّاد۔

⁴ نگاجا گُونی ردوگنگال، سکالاس تانگ، ہونمیدّی جیگسپے ریگس تشانگمے نانّگا زودپا نیامپو دونگلین چوچیس گیُودتے، نگاجا گُون خُدے لدینبے جابستوگپا اینکھانبو ستانّانوگ۔

⁵ سپیرنا، نگاجا گُونلا ردونگیاب تانگس، تسونکھانگی نانّگا کاگس، ثویونگکھانّی میتشوگسگون دونگلین چوگوس، زوگسپو سینگ نگالنگال تشوگپا لاس چوسپین، تشان گانگپو نییدمیدپا پھودگوس یانگ زاگیو میدپا لوس۔

⁶ نگاجا گُونی نانّگا یودکھانّی ژانگما، ہاگو، زودپا، شزدے، ہلژخمہ رُوح، لدینبے چیسپا،

⁷ ٹانگپو شادچیس، خُدے کھیود ّی نانّگا، لاگپا یاسپا تانگ یوما نیسکوے نانّگا ٹانگپوے نولچیسّی لاگچھا، تیگونّی نگاجا خُدے لدینبے جابستوگپا اینکھانبو ستانّانوگ۔

⁸ میگونّی نگاجا گُونلا سیوا یا ٹھیلبا، سمادرا یا ستودپا تانگنانگ، نگاجے خُدا جابستوگ جُواد۔ نگاجا ٹانگپو اِین نانگ ، کھونگونی نگاجا گُونلا زوسمے جابستوگپاگون اینوگ زیردوگ۔

⁹ جان نگاجا گُون خُدے جابستوگپا اینکھانبو تشانگمے شیسنانگ کھونگونی نگاجا گُونلا سنانگمید چوروگ۔ نگاجا گُون شیچیسّی نیموا لوسنانگ تارُوانگ سونتیا یود، ردونگیاب تانگس اِین نانگ ساد ماسادس۔

¹⁰ سنینگّونّی نانّگا ردوگنگال گُون یودنانگ، نگاجا گُون سکیدپو یود۔ نیالباچان اِین نانگ ، رُوحانی تھوگنے مانگپوا چھوگپو گیورچوگّاد۔ دُنیائی تھوگنے چانگ میدنانگ، رُوحانی تھوگنے نگاجا گُونی لاگا چیتشانگما یود۔

¹¹ کرِنتُھس پا دزاوگون، نگاجے کھیوجاگونلا ٹانگپو زیرّاد، تا نگاجے سنینگ کھیوجاگونّی پھیا سانگ پھیستے این۔

¹² نگاجا گُونی چیسپابو کھیوجاگونّی پھیا گاگستے بورّامید، اِین نانگ کھیوجاگونّی چیسپابو نگاجا گُونی پھیا گاگستے بوردوگ۔

¹³ نگے کھیوجاگونلا نگارانگی ٹھوگو تسوگسلا سپیرا تانّگاد، کھیوجاگونّیانگ سنینگبو سانگ پھیسّانگ۔

سونپو خُدے بیت المقدِس۔

¹⁴ کھیوجا ایمان میدکھان گُون نیامپو دزاو نیمو ماگیورشیگ۔ ٹانگپو کازوگی نگانپے ٹوپا گیور نیانین؟ اوت کازوگی مونڈیگ نیامپو ڈیس نیانین؟

¹⁵ مسیحا تانگ شیطانی پارلا چی ڈیل یودکیاگ؟ چانگ میدکیاگ۔ ایمان چانجیگ ایمان میدکھانجیگی ایمان چوکھانبوے نانّگا ڈیس نیا نینّا؟ مانے مینیان۔

¹⁶ خُدے بیت المقدِس تانگ سکونڈا گُونی پارلا چی ڈیل یودکیاگ؟ چانگ میدکیاگ۔ نگاتانگون، سونپو خُدے بیت المقدِس بو اینوگ، کازوگ خُدے ہلژخمہ شوقبُو بوے نانّگا مولتے اینوگ۔ ”نگا تیگونّی ٹوا دُوگستے کھونگون نیامپو ڈولین۔ نگا کھونگونی خُدے یانگ کھونگون نگے میگون گیورین۔“

¹⁷ ”تینّابویپھیا ایمان میدکھانگونّی ٹونے بینگستے کھیوجارانگ تیگونّی ٹونے سوسوا بیتے دُوگوس۔ کھونگونی کھاملوگی چالاگّونلا لاگپا ماتھوگشیگ، تینے نگے کھیوجاگونلا گاسوس جوین۔

¹⁸ یانگ نگا کھیوجاگونّی ابا تانگ کھیوجاگون نگے بُوژا تانگ بوموگون گیورین۔ مسیح کھیود چان خُدے مولس۔“