کورینتھیپའ ۲ 4 - New Testament in Ladakhi Langage

چھاگ چاچیسی دزامے نانّگا یودکھانّی نور۔

¹ خُدے کھونگرانگی سنینگرجے نانّگا، نگاجا گُونلا ای جابستوگی چھاگلاسپو سالّا زاد پاسانگ، نگاجا گُونی مانے سپوسپا میپھانگ۔

² نگاجا گُونی سانگوا نگانپا تانگ ٹھیلباچانّی لاس تشانگما پھانگستے سوجیگّانگ گوبماسکورّا یا خُدے کے تونتاگ ماگیورّا این۔ خُدے زیگشیس نگاجا گُونلا گیوسیودپا کھونگی لونگون نگاجے ٹانگپو شادّاد، یانگ نگاجے لاسگونّی جاستے، سیمس ژانگما یودکھان تشانگمے، نگاجا ایمان چان اینکھانّی گواہ تانّگانوگ۔

³ کالتیس نگاجے شادکھانّی گاموےناتسُولبو کابچیسّی یوگا باستے بورّادنا، تیبو ٹھیسّتور چھاچیسّی لامیکا ڈولین یودکھانگونّی کانے باستے بورتے اینوگ۔

⁴ ای دُنیائیکا وانگثولکھانّی شیطانی، ایمان میدکھانّی سنینگّون سکیونگپو چوستے سامباگون زار چوگّانوگ۔ کھونگونلا گاموےناتسُولّی شان چانّی لدینبے اوت پو تھونگ میتھوبچیسلا کھوے تیبو چوانوگ۔ کھونگونی چیساتھوگنے خُدے ژوگس اینکھانّی مسیح شان ّی سکورلا گاموےناتسُولبو ہاماگوا اینوگ۔

⁵ نگاجا گُونی نگاجا رانگی سکورلا چھوسشادّامید، اِین نانگ حضرت عیسیٰ مسیحامسیح اینوگ زیرتے چھوسشادّاد۔ یانگ حضرت عیسیٰ سی لدُونلا، نگاجا گُون کھیوجے یوگپو این۔

⁶ خُدے مولس، ”مونڈیگی نانّگا اوت جونگشیگ“، کھونگرانگی گاموےناتسُولبو گیُودتے تے اوت پو نگاتانگونّی سنینگی نانّگا بارچوگّا زادچیسپوے، نگاتانگونّی حضرت عیسیٰ مسیح ژالدونگ تھونگتے خُدے شان پو ہاگو تھوبین۔

⁷ جان نگاجا گُونی سنینگی نانّگا تے اوت پو ٹھاچھیم چھیم چوین یودنانگ، نگاجا گون تیرینچان نور بورکھانّی چھاگ چھاچیسی دزاما ژوگس این۔ ایبوے کانے، نگاجا گُونی جیگسپو کھیود پو نگاجا رانگی مانپا، خُدے چھوگسنے اینکھانبو سالپو ہاگوانوگ۔

⁸ نگاجا گُونلا چھوگس تشانگمانے ناگس تانگ باردوی نانتے یوتیانگ، نگاجا گُون ماچھاگّا اینوگ۔ نگاجا گُون تھےژومسّی نانّگا یودنانگ، نگاجا گُونی ریوا چھودتے راگ زیرّامید۔

⁹ نگاجا میگونّی ناگس ستانّانگ، خُدے پھانّگا زادّا میروگ۔ نگاجا ماسکیون ماثانٹے چھانانگ، نگاجا گُون میدکھان چو چوگّا زادّا میروگ۔

¹⁰ مسیح رُوح نگاجا گُونی نانّگا جوگسکھانبو، میگونّی تھونگ تھوبچیسّی پھیا، ردوگنگال گُون گیُودتے نگاجے زوگسپوگونّیانگ حضرت عیسیٰ سی ٹونگشیسپوے نانّگا کھاگ نینین اینوگ۔

¹¹ اونا حضرت عیسیٰ سی شیدپو نگاجا گُونی شیچیسّی زوگسپوے نانّگا جُوگستے یودکھانبو تھونگ تھوبچیسّی پھیا توسگیون نگاجا گُون شیچیسّی جیگسپے نانّگا لوستے اینوگ، چیازیرنا نگاجا گُونی مسیح جابستوگ جوستے اینوگ۔

¹² نگاجا گُون شیچیسّی جیگسپے نانّگا دوگّاد، اِین نانگ تیبوے ڈاسبو نی، کھیوجاگونلا تھامیدپے میتشے تھوبکھانبو اینوگ۔

¹³ کازوگ شوقبُو بوے نانّگا مولدوگ، ”نگے خُدے نانّگا ایمان چوس پاسانگ، نگے کھونگی لونبو شادپین“ تینّا تسوگسلا نگاجا گونّیانگ ایمان چوستے گاموےناتسُولبو شادّاد۔

¹⁴ نگاجا گیوسیود، حضرت عیسیٰ مسیح شیکھانگونّی ٹونے سونتیا لانّگا زادکھانّی خُدے نگاجا گُونانگ مسیحا نیامپو سونتیا لانّگا زادِین۔ یانگ نگاجا کھیوجاگون نیامپو کھونگرانگی سکوندونلا کھیونگا زادِین۔

¹⁵ نگاجا گُونلا ردوگنگال تھونگکھان تشانگما کھیوجاگونّی پھانتھوگسّی پھیا این۔ یانگ خُدے شزدے بو می مانگنے مانّگا تھوبستے شُکر جوکھان مانگپو یونگین، خُدا سپال مانگنے مانّگا تھوبّا زادچیس اینوگ۔

¹⁶ تینّابویپھیا نگاجا گُونی ریوابو مانے پھانّگا مید۔ جان نگاجا گُون زوگسپوے تھوگنے نیامسین چھانانگ، نگاجا گُونی سیمسلا خُدے جاگنے جاگّا کھیود سالّا زادّوگ۔

¹⁷ نگاجا گُونلا تھونگکھانّی ردوگنگال گُون چھونگون یانگ توس مانگپوجیگ لوسّا مانوگ۔ اِین نانگ نگاجے پھیا تیگونّی ڈاسبو تھامیدپے شان پو این، کا بو ای ردوگنگالگونّی سانگ مانگستیانگ جیگسپو یودتے اینوگ۔

¹⁸ تینّابویپھیا نگاجا گُونی میگپو تھونگکھانّی ردوگنگالگونّیکا مابورّا، ماتھونگکھانّی شان پویکا بورّاد، چیازیرنا تھونگکھان گُون گیوگسپا میدکھان چھانوگ، اِین نانگ ماتھونگکھانبو توسگیون لوسشیس اینوگ۔