کورینتھیپའ ۲ 2 - New Testament in Ladakhi Langage

¹ تینّابویپھیا نگے، کھیوجا لان نیسپا تھوگستے تشیرکھا تانگ ردوگنگال میستانچیسّی تھاگچادپین۔

² کالتیس نگے کھیوجاگونلا تشیرچوگنا، تینے سوی نگا تھادپو یونگچوگین، تانتانلا نگے تشیرکھا ستانکھانگونّی میچوگ۔

³ تینّابویپھیا نگے کھیوجاگونلا تے ایگیبو ڈیسپین، چیازیرنا نگا یونگ زانے، نگا سکیدپو کھیونگّوشیسچانگونّی تشیرکھا میکھیونگ۔ کھیوجاگونّی تھادپوے نگا تھادپو کھیونگکھانبو، کھیوجاگونلا گیوسمیدّا؟

⁴ نگے تے ایگیبو ماثانٹے تشیرکھا، سنینگی نانّگا باردو تانگ میگچھو مانگپو نیامپو ڈیسپین۔ تشیرکھا یونگ ماچوگّا، نگے کھیوجاگونلا تسامشیگی چیسپا چوکھانبو ہاگوچوگنیین راگپین۔

دِیگپا چوکھانبوا مُعافی تونگ۔

⁵ ردوگپو تشانگما جونگچوگکھانّی می بوے کھیوجاگونلا نگا سانگ مانّگا ردوگپو ستانتے اینوگ زیر زانے، نگے ہاس تانگستے مان۔

⁶ کھیوجا مانگچھیے کھوا چھادپا تانگکھانبو، کھوے پھیا تھادتھاد اینوگ چیازیرنا کھوے گیودپا چوستے اینوگ۔

⁷ اِین نانگ تا کھوا مُعافی تانگستے کھوے سیمسلا جیدے تانگّوشیس اینوگ، تے مانّا کھوا ردوگپوے لچیدپو کھور مینیان۔

⁸ نگے کھیوجاگونلا کھوا یانگسکیار چیسپا چوچیسلا سپوسپا تانگین جُووا پھولّاد۔

⁹ کھیوجاگونّی نگے زیرکھان تشانگمالا کھا نیاندوگّا میدوگ ستاچیسّی پھیا نگے کھیوجاگونلا سنگونلا ایگے ڈیسپین۔

¹⁰ کھیوجاگونّی تے میبوا مُعافی تانّگاچیگ، نگیانگ کھوا مُعافی تانگین۔ یانگ مُعافی تانگّوشیسپوا مُعافی تانگچیسپو نگے مسیح وانگی نانّگا کھیوجاگونّی پھانتھوگسّی پھیا چواد۔

¹¹ شیطانی نگاتانگی نانّگا یودکھانّی ناسلوگپوے پھانتھوگس میلینچیسّی پھیا، نگاتانگونّی تے میبوا مُعافی تانگّوشیس اینوگ، چیازیرنا نگاتانگونلا شیطانی تھابسنگانپاگون گیوسیودتے اینوگ۔

¹² نگا تروآسی گیالسے نانّگا مسیح گاموےناتسُول شادّالا لیبّاچیگ، حضرت عیسیٰ مسیح گھو پھیا زادتے نگا تیزوگ چوچیسّی سکابس سالس۔

¹³ اِین نانگ نگے سیمسّی نانّگا جیدے میراگپین، چیازیرنا نگے فونو طِطُس کھیوجاگونّی کانے لونگون کھورتے تارُونگ تشوگپا مالیبپا نگے تروآس پاگونلا سلام جوستے کھو جالّا مکدنیہ گیالسا سونگپین۔

وعدہ سومے جابستوگپاگون۔

¹⁴ اِین نانگ نگے خُدا شُکر جوین، کھونگ نی، نگاجا گُونلا چھادمیدلا مسیح گیالکھا تھوبکھانّی ٹھومسّکورّی نانّگا گوٹھید زادکھانبو جُوگستے اینوگ۔ تا داگسا کھونگی نگاجا گُون مسیحا شیسکھانّی ٹیجیمبو، سپیلچیسلا کولّا زادتے اینوگ۔

¹⁵ چیازیرنا نگاجا گُون مسیح خُدا پھولّا زادکھانّی ٹیجیم چانّی سپوس ژوگس اینوگ۔ اِین نانگ سکیوبّا زادچیسچانگونّی تے ٹیجیمبو ٹھیسّتور چھاچیسّی لامیکا ڈولکھانگونّی سانگ سوسو ریگ تشورّانوگ۔

¹⁶ کھاچیگی نگاجا شیکھانّی ٹیما، اِین نانگ جانگونّی سروک سالکھانّی ٹیجیم ژوگس تشورّانوگ۔ تیتسوگسی لاس کھاگچان چوچیسّی کھیود سُوا یودکیاگ؟

¹⁷ کھیوجاگونّی ستوسشیگ، نگاجا گُون پھانتھوگسّی پھیا چھوس شادکھانّی تے سکیونجان میگون ژوگس مانہے۔ اِین نانگ خُدے کالا زادکھان تانگ کھونگی زیگسین یودکھانبو گیوسیودکھانّی میگون تسوگسلا، مسیح وانگی نانّگا، نگاجے سیمس زانگپو نیامپو چھوسشادّاد۔