کورینتھیپའ ۲ 10 - New Testament in Ladakhi Langage

حضرت پولُسی کھونگرانگی وانگچھابوا چھوگسّکیور چوس۔

¹ تا نگا حضرت پولُسی کھیوجاگونلا مسیح پاسمو تانگ سامبا زانگپو نیامپو جُووا پھولّاد۔ کھیوجاگونّی نگا کھیوجے ٹوا یود زانے نگوسمیگ چھونگون، اِین نانگ تھاگرینگنے نگے ایگیگون ڈی زانے ما وانگچان یونگدوگ سامّانوگ۔

² نگا یونگ زانے، نگاجے دُنیائی می دودپا نانگجین لاس چوروگ سامکھانگون نیامپو وانگچھا کول میگوشیسّی پھیا، نگے کھیوجاگونلا داگسا جُووا پھولّاد۔

³ نگاجا می اِین نانگ ، نگاجا گُونی دُنیائی می تشولّا ماگ تانّگامید۔

⁴ میگونّی ثانٹے تھامستے یودکھانّی زوسمے سامتشول تانگ زیرگیوگون میدکھان چوچیسلا، نگاجا گُونی دُنیائی لاگچھاگون مانپا، خُدے لاگچھا ٹاگپوگون کولّاد۔

⁵ نگاجا گُونی میگونلا خُدے شیس ماشوگا بورکھانّی پھوسوچانّی گھاگسکیل تشانگما میدکھان چواد، یانگ تے گیابگالچانّی سامتشول گُون پھامشوگستے، مسیح ژالتاگون کھانیانچیس لابّاد۔

⁶ کھیوجاگونّی نگاجے کھانیانچیسپو سینگ ڈوبّاچیگ، تینے کھا مانیانّا لوسکھان تشانگمالا نگاجے چھادپا چادین۔

⁷ لدینبے ناسلوگپوا ستوسشیگ، ما لوکھیل نیامپو نگا مسیح این زیرکھانگونّی نگاجا گُونانگ مسیح اینکھان، کھورانگّون ژوگس لوکھیل یودکھانبو شیسگوس۔

⁸ جان حضرت عیسیٰ مسیح نگاجا گُونلا سالّا زادکھانّی وانگچھے نانّگا پھوسو چوستے، نگے سپیرا تانگستے یودنا، تیبو کھیوجاگون ایمانی نانّگا ٹھیسّتور ماچوا، شیدچان گیورچیسلا اینپین۔ نگا نگارانگی وانگچھا کولکھانبویکا ٹھیلبا میتشور۔

⁹ نگے نگارانگی ایگیگون گیُودتے، کھیوجاگون جیگسشوگچیسّی سونڈوس چوامید۔

¹⁰ چیازیرنا کھاچیگی، ”حضرت پولُسی ایگیگون تونتاگچان تانگ وانگچان یونگدوگ اِین نانگ نگاتانگونّی ٹوا یود زانے، کھو ہامپا میدکھان تانگ کھوے لچید میدکھانّی سپیرا تانگدوگ“ زیرّانوگ۔

¹¹ کازوگ تھاگرینّگا یود زانے، نگاجے ایگیگون ڈِیستے یودکھان تسوگسلا نگاجا یونگ زانے، نگاجے وانگچھا ستانچیسپو، تے میگونلا ہاگوگوشیس اینوگ۔

¹² تے می ٹاگپوگونّی کھورانگّون ما کھاگچان این زیرکھان ژوگس زیرچیسّی نگاجے ہامپا چوامید۔ اِین نانگ کھونگونی کھورانگ چیگ تانگ چیگ سپیچیس یانگ چیگ تانگ چیگی پارلا ردور زانے تسامشیگی سامبا میدکھان اینوگ۔

¹³ اِین نانگ نگاجا گُونی وانگچھانے تھالتے چوسکھانّی لاسگونّی نانّگا پھوسو چوامید۔ نگاجا گُونلا خُدے سالّا زادکھانّی لاسگونّی نانگنے ڈوبچوگّا زادکھانگونّیکا پھوسو چواد، کابوے نانّگا کھیوجا نیامپو لاس چوکھانگونّانگ تھیستے این۔

¹⁴ کالتیس کھیوجا یودسا نگاجا مانے مایونّگا اینپینّا، تینے نگاجا گُونی کھیوجاگونّیکا وانگ یود زیر زانے، نگاجا زیرچھوگسشیسپو سانگ تھالتے سونگتے اینوگ۔ اِین نانگ کھیوجا یودسا تشوگپانگ یونگستے مسیح گاموےناتسُول شادکھان نگاجا تانگپورانگ اینپین،

¹⁵ ماتشاد نگاجا گُونی جانمے چوسکھانّی لاسّیکا پھوسو چوستے ستودپا مالینپین۔ اِین نانگ کھیوجاگون ایمانی نانّگا یارگیاس چھاچیگ کھیوجے ٹوا نگاجے لاسگون مانّگا گیاسین چھاچیسّی نگاجے ریوا این۔

¹⁶ تینے نگاجے کھیوجاگونّی ناسّے سانگ تھاگرینّگا، جانسوجیگّانگ لاس ماچوکھانّی ناسّاگونّی نانّگا گاموےناتسُولبو شادنیانچیس اینوگ، چیازیرنا نگاجے تے ناسّیکا پھوسو چونیین میراگ کابوے نانّگا جانماگونّی لاس چوتشارتے این۔

¹⁷ کازوگ ہلژخمہ شوقبُو بوے نانّگا مولتے اینوگ، ”کالتیس کھیوجاگون پھوسو چونیین یودنا مسیح خُدے چیگپویکا پھوسو چوشیگ۔“

¹⁸ رانگ تانگ رانّگا ستودپا تانگچیسپوا مانپا مسیح ستودپا پھولچیسپوا رین یودتے اینوگ۔