تیموتھِی ۱ 6 - New Testament in Ladakhi Langage

¹ خُدے تشان تانگ کھونگی لابجاگونلا نلوق میچوچیسّی پھیا، ایمان چان تشیوگ تشانگمے کھورانگونّی سپونبوگونلا گیالّا چوستے سیوا چوگوشیس اینوگ۔

² کالتیس کھونگونی سپونبوگون ایمان چان ریگ اینّا، تیبو سیوا نیونگون چوچیسّی گیوجیگ یونگ ماگوس۔ اِین نانگ تے تشییوگّونّی لاس مانّگا گیالّا چوگوشیس اینوگ، چیازیرنا کھونگونی سونڈوسّی پھانتھوگسپو کھورانگونّی یاشا چوکھان ایمان یودکھانگونلا تھوبتے اینوگ۔ تِیمُتھیُس، ایمان چانگونلا تے لابجاگون لابستے کھانیانچیسلا سپوسپا تونگ۔

زوسمے لابجا تانگ لدینبے گیونور۔

³ می کھاچیگی نگاتی لابجاگونلا گیابگال چوثیدچیس اینوگ۔ اِین نانگ یگون حضرت عیسیٰ مسیح لابجا زانگپوگون اینوگ، کابوے نگاتانگونلا خُدے سچودلامّی نانّگا لدان چوگّانوگ۔

⁴ تیتسوگسی میگون پھوسوچان تانگ ہاماگوکھانگون اینوگ۔ تیگونّی پھانمیتھوگسّی لوبسپوے، کھونگونی سپیرے تونتاگیکا دزینگمو تانگ ٹابّانوگ، تیبوے تشیگسچیس، پوبودچیس، جانمے سچودپے سکورلا نگانپا زیرچیس، یانگ جانمے سکورلا سامبا نگانپاگون لدان چوگّانوگ۔

⁵ تیگونّی توسگیون میگونّی ٹوا دزینگمو چھا چوگّانوگ۔ تیگونلا لدینبا تانگ زونبے کھیاد ماشیسپا، لدینبا چھوگسلا رانگی گیابگیورتے اینوگ۔ تیگونّی کھورانگّون چھوگپو گیورچیسّی پھیا خُدے سچودلامیکا ڈولزون تانّگانوگ۔

⁶ سیمسّی نانّگا جیدے تانگ خُدے سچودلامیکا ڈولچیسّی دودپا یودچیسپو کھورانگ، برکت چھینموجیگ اینوگ۔

⁷ چیازیرنا نگاتانگی ای دُنیائی نانّگا چانگ کھورتے ماکھیونگس، یانگ یکانے چانگ کھورتے چھا مینیان۔

⁸ تیبویپھیا نگاتانگونلا زاگیو تانگ گونگیو یودنا تینابوا تشیمس گوشیس اینوگ۔

⁹ چھوگپو گیورّا تھادکھانگون تشودلتے نانّگا گییلتے، تونمید تانگ نودسکیالکھانّی دودپا گُونی نانّگا کھادّانوگ، کابوے کھونگون جیگتے میدکھان چھاچیسّی نانّگا بُود چوگّانوگ۔

¹⁰ چیازیرنا نورّی دودپا نی نگانپے ریگس تشانگمے پاٹاگ پو اینوگ۔ یانگ نوردود ثانٹے یودکھان کھاچیگ ایمانی کانے ما تھاگرینّگا نورتے سونگتے کھورانگونّی پھیا مانّگا ردوگنگال گُون چونگس چوگستے اینوگ۔

حضرت پولُسی ستینگجوگی لابجاگون۔

¹¹ تِیمُتھیُس، کھیرانگ خُدا جابستوگ ژوکھانّی میجیگ این پاسانگ، تے نگانپے لاس تشانگمے کانے شورتے سونگ۔ اِین نانگ ٹانگپو، خُدے سچودلامیکا ڈولچیس، ایمان ، چیسپا، ایمانی نانّگا ستانپو دوگچیس تانگ بولمو میتشے جیگی ستینگرانگنے بالنگ تونگ۔

¹² رانگی ایمان سکیوبچیسّی پھیا گیالّا چوستے نول۔ خُدے کھیرانگ بودّا زادکھانّی تھامیدپے میتشیبوا ثانٹے تھامستے دوگ، کا بو کھیرانگی حضرت عیسیٰ سی نانّگا ایمان چوکھانّی گواہ ایمان چان مانگپوے لدُونلا تانگس۔

¹³ یانگ تشانگمالا سروک سالکھانّی خُدے تانگ پنطیُس پیلاطُسی لدُونلا گواہ زانگپو سالکھانّی حضرت عیسیٰ مسیح نیسکوے سکوندونلا نگے کھیورانّگا ای کاتانّگاد۔

¹⁴ نگاتانگی حضرت عیسیٰ مسیح ا لوگستے پھیبسپھیبس تشوگپا کھیرانگی کھونگی کا تھےژومس میدپا کھانیون۔

¹⁵ تا تینّا لدامّا زادکھانّی توسپویکا خُدے، گیالپوگونّی گیالپو تانگ تسوبوگونّی مسیح، برکت چانّی کھیود چان چیگپوے، مسیحا نامکھانے سنگون چوگّا زادِین۔

¹⁶ خُدے چیگپو نی مانے میڈونگس، سوانگ چھا مینیانچیسّی اودّی نانّگا کھونگ جوگساین، کھونگ سوجیگیانگ مانے ماجالکیاگ یا جال میتھوب۔ تشانگمے کھونّگا سیوا چوشیگ، یانگ کھونگی وانگون توسگیون لوسشیگ۔ امین۔

¹⁷ ای دُنیائی نانّگا یودکھانّی چھوگپوگونلا کھورانگونّی نورگونّیکا پھوسو تانگ ریوا ماچو زیرتے لوب، کا لام بو لامو نیامپو میدکھان چھانیانّانوگ۔ نگاتانگی سکیدپوے پھیا گھوسدومگون سنینگ پھیستے سالّا زادکھانّی خُدے نانّگا کھونگونی ایمان یونگّوس۔

¹⁸ کھونگونی پینیگون لاس زانگپوے نانّگا سکیاگچیس، لاس زانگپوے نانّگا چھوگپو گیورچیس، گھوسدوم یودکھانگونّی پھیا سنینگ پھیستے تانگچیس، توسگیون جانما نیامپو گوچیسّی نانّگا ڈالڈیگ دوگچیسلا زیر۔

¹⁹ تیزوگ چوچیسپوے، کھونگونی یونگچیسچانّی توسّی پھیا کھورانگّونلا نامکھے نانّگا ماگلدان ستانپو تسوگسلا بانگدزود ساگستے بورین، تینے کھونگونی لدینبے نگوسمے میتشیبو تھامس تھوبین۔

²⁰ تِیمُتھیُس، خُدے کھیرانگی لاگا ستادا زادکھانگونلا گیالّا چوستے ثونگسکیوب چوس۔ نگانپے سپیراگونّی نانّگا ڈیس ماڈیس، کابوا می کھاچیگی نورتے یونتان زیرّاد۔

²¹ یتسوگسّی سامبا میدکھانّی ڈابسگونّی گیابنے ڈولتے می کھاچیگ لدینبے ایمانی کانے تھاگرینّگا سونگتے اینوگ۔ خُدے شزدے کھیوجاگونلا سالّا زادشیگ ۔