تیموتھِی ۱ 3 - New Testament in Ladakhi Langageشریعتی لابکھان گون ۔ 1 نگوسپوا ای ژالتاگون لدینبا اینوگ، ”کالتیس سوجیگّا شریعتی اُسکیونگ چوچیسّی دودپا یودنا، کھوا دودپا یودکھانّی لاسپو سیواچانجیگ اینوگ۔“ 2 شریعتی اُسکیونگ نی، سکیونمیدکھان، کھورانگی ناما نیامپو ایمان چان، سامباچان، رانگسیمس چونّیانکھان تانگ، سیواچان، بیسپاگونلا کھانگپے نانّگا گاسوس جوکھان، لاب نیانچیسّی کھیود، 3 مانگستیانگ مانگپو چھانگ ماتھونگکھان، نودپا ماسکیالکھان، جانماگون نیامپو بولمو، دزینگمو ماتانگکھان، یانگ پینے مانگپوے دودپا میدکھانّی میجیگ یونگّوس۔ 4 کھوے کھورانگی نانگتشانگسلا گوٹھید تانگ ستاستوگ گیالّا چوستے کھوے ٹھوگوگون سیوا چوکھان تانگ کھانیانکھان ریگ یونگّوس۔ 5 کالتیس میجیگّا کھورانگی نانگتشانگسّی گوٹھید تانگ ستاستوگ چو مانیانّا، تینے کازوگی کھوا خُدے عبادت خانہے گوٹھید تانگ ستاستوگ چونیانین؟ 6 اُسکیونگ بُو، ایمان چوکھان سوماجیگ یونگ ماگوس، چیازیرنا کھوے نانّگا پھوسو یونگثیدچیس اینوگ کابوے کھو، شیطان لا پھوگکھانّی ٹھیمسچاد تسوگسّی نانّگا گییلچوگاین۔ 7 ٹھیلبا سونگتے شیطانی جوسنگانّی نانّگا میگییلچیسّی پھیا، کھو ایمان میدکھانگونّیانگ سیوا چوکھانّی میجیگ یونگّوس۔ 8 تینّا تسوگسلا، عبادت خانہے جابستوگپا سکوا زادکھانگونّانگ سیوے اوسپاچان، لدُونلا زانگپو گیابّا نگانپا ماچوکھان یونگّوشیس اینوگ، چھانگ مانگپو تھونگکھان یانگ پینے تھوگنے ٹانگپو میدکھان یونگ ماگوس۔ 9 کھونگونی سیمسّی نانّگا نونگس میدپا ایمانی کھاگچان ڈانگپوگونلا ستانپو تھامستے دُوگوس۔ 10 ژابستوگپاجیگ سکوی سانگ سنگونلا کھونگونی سچودپاگونلا جیبسال چوستے ستاگوس۔ کالتیس کھونگون سکیونمیدکھانجیگ تھونگنا، کھونگونلا جابستوگپے تشولّا جابستوگ ژوچوگشیگ۔ 11 تینّا تسوگسلا عبادت خانہے ژابستوگپاگونّی ناماگونّانگ جانمے سیوا یودکھانّی بومو ریگ یونگّوس، یانگ جانماگونّی سچودپے سکورلا نگانپا زیر ماگوس۔ کھونگونی رانگسیمس چونتے، یانگ لاس چوکھان تشانگمے نانّگا ایمان چان یونگّوس۔ 12 جابستوگپا رانگی ناما نیامپو ایمان چان یونگّوس، یانگ کھوے کھورانگی ٹھوگو تانگ کھانگپے نانّگا دُوگکھان تشانگمالا گیالّا چوستے ستاستوگ چوگوس۔ 13 گیالّا چوستے جابستوگ جوکھانگونلا، جانماگونّی کانے سیوا تھوبستے مانّگا ہامپا نیامپو جانماگونلا حضرت عیسیٰ مسیح سکورلا شادتھوباین۔ سانگوے دینباگون۔ 14-15 جان نگا کھیرانگ نیامپو گیوگسپا تھوگچیسّی ریوا چواد، اِین نانگ کالتیس نگا یونگچیسلا گورنا، کازوگی میجیگ خُدے نانگتشانگسّی ٹوا دوگّوشیسپو، کھیورانّگا گیُوس چھاچیسلا ای لابجاگون ڈِیاد۔ تے نانگتشانگسپو نی سونپو خُدے عبادت خانہ پو اینوگ، کابوے کاوا تانگ ماگلدان تسوگسلا، خُدے ٹانگپوبو کھورتے شیدچان چوستے بورّانوگ۔ 16 تھےژومس میدپا ایبو نی، نگاتانگونّی ایمانی سانگوا چھیشوگپو اینوگ۔ مسیحا میی زوبستے نانّگا سنگونتے کھونگ خُدےبوژا اینکھانبو ہلژخمہ رُوح بوے ستانتے، فرشتاگونّی جال۔ یانگ گیالکھاگگونّی نانّگا شادتے دُنیا گانگپوے نانّگا می مانگپوجیگی کھونّگا ایمان چوس۔ یانگ نامکھے نانّگا شان نیامپو کھیرّا زادتے این۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation