تیموتھِی ۱ 2 - New Testament in Ladakhi Langageچھوس چوچیسّی سکورلا لابجا۔ 1 تشانگمیسانگ سنگونلا، می تشانگمے پھیا دُعا ژوچیسلا نگے ایمان چان تشانگمالا ماثانٹے سپوسپا تانّگاد؛ دُعا گونی نانّگا خُدا کھونگونلا روگس زاد زیرچیس، کھونگونی لدُونلا جُووا پھولچیس تانگ شُکر جْوس چیس گُون یونگّوس۔ 2 تینّا تسوگسلا، خُدے سچودلام تانگ ہلژخمہ لامیکا ڈولین نگاتانگون جیدے تانگ کھامزانگی میتشے، پھود نیانچیسلا گیالپو تانگ وانگ یودکھان تشانگمے پھیا دُعا پھولشیگ۔ 3 یتسوگسلا دُعا پھولچیسپو، گیالّاجیگ اینوگ، یانگ نگاتانگونّی کھوم چُوک کھن خُدے تھوگستھادّانوگ۔ 4 میتشانگما سکیوبچیس تانگ خُدے لدینبا شیشیسپو کھونگی تھوگسدود اینوگ۔ 5 خُدے چیگ چیگ جُوگستے این، یانگ خُدے تانگ می تشانگمے بارلا بارمی چیگپو نی حضرت عیسیٰ سی مسیح، میبو جُوگستے اینوگ۔ 6 تشانگمے پھیا رانگوانگ نیوا زادچیسلا کھونگی کھونگرانگی میتشیبو پھولّا زادس۔ ایبو نی خُدے دُنیائی میگونلا کھونگرانگی لدامّا زادکھانّی توسپویکا سالّا زادکھانّی لونبو اینوگ۔ 7 یہُودی مانکھان گُونلا ایمان تانگ ٹانگپوے سکورلا ای لونگون شادکھان تانگ رسُول گُونلا نگا لدامّا زادس۔ نگے زون تانّگامید لدینبا زیرّاد۔ 8 نگے دودپابو نی چھوس چوسی ناسّا تشانگمے نانّگا مسیحا پا گُونی ثو یا دزینگمو میدکھانّی ہلژخمہ لاگپاگون ستاگس تے خُدا دُعا پھولگوسچیسپو این۔ بوموگونلا لابجا۔ 9 تینّا تسوگسلا، بوموگونّی کوسلاگّون شا کابستے اوسپا ریگ گونگوشیسپو نگے دودپا این۔ ثاگون لدام تشول یا سیر یا موتیگ تاگچیس یا رینچانّی کوسلاگ گُون گونتے کھورانگّون چھوگسلا میگونّی سنانّگا کھیونگ ماگوس۔ 10 اِین نانگ رانگ لاس زانگپوے تھوگنے زابگوشیس اینوگ، کازوگ خُدا جیگستے ڈولکھانّی بوموگونلا اوسپا این۔ 11 بوموگونّی چوبچادتے شریعتی لابکھان گون ی یوگا دُوگستے چھوسشادکھانگون، چانگّوشیس اینوگ۔ 12 نگے بوموگونلا بُوژا لابچیس یا بوتشیکا وانگون چو میچوگ۔ کھونگونی چوبچادتے نیانگوس۔ 13 چیازیرنا خُدے حضرت حوّا زیرکھانّی بوموبوے سانگ سنگونلا، حضرت آدم چوا زادتے اینپین۔ 14 یانگ گوبسکورّی نانّگا یونگکھانبو حضرت آدم مانپا حضرت حوّا اینوگ کابوا شیطانی گوبسکورتے دِیگپاچان گیورچوگس۔ 15 کالتیس بوموگونّی خُدے نانّگا ایمان، چیگ تانگ چیگی نانّگا چیسپا، ہلژخمہ تانگ، رانگسیمس چونّیانکھانّی میتشے جیگ پھودّادنا، کھونگون ٹھوگو سکییچیس گیُودتے کھوم چُوگین۔ |
Ladakhi Bible by The Love Fellowship is licensed under Creative Commons Attribution-ShareAlike 4.0 License.
Beyond Translation